2 Peter 2:3 - BAIBEL (BSI)

³ Panonguno alamine kelauno akimikitsa pipuzu alla kighishelu nani. Khaghino panoqo shou kugha thabeve kepu shiakeu huye munuveake kumoe eno panoqo kutsavekepu shiakeu huye zuanike kumoe.

Sümi Tiqhelimi Bible

³ Kükütsümi hipaqo no panongu lakimine ghenguno alaphasü keu xüghiliqo pesü nongu peithaqhi nani. Panongu kiléqhive keu ye püzüu no panongu shou pufu pe ani, eno panongu kütsakungo kepu shi akeu ye zü anike kumoe.

Sumi Naga CL (Re-edited) Bible (BSI)

³ Eno pano lakimne lono akimki tsa pesü nongu launo ala shinike mqüqhi nani. Khaghi nomu panongu kipimi ye xüthilei püatsü aphi, eno pano kütsave kepu ye kike püaphie.

2 Peter 2:3 Referans Kwoze

2 Kor. 2:17

Ninguye kutami kutomono ame mulaleyikeu lhidi nhemgha peitha ake toi Alhou tsa peithakemiqo kumoe; ikemu Alhou no ningu puwukeu ghenguno, ninguye kuchou picheni, Alhou zulo Khristo qemi kehu ninguno picheni.

ZAKINIU 32:35

AMPEU no amkhulu nani eno pano ghime nani; ikiqiveni keu do ighi nani; panoqo puhaveni keu tsala kupunuvae.

1 Thes. 2:5

Kughengu nonguno ithianike, ninguye timi shepukakeu momu alakimine venhanikeu tsa peitha chemoe, tiye Alhou no ashepe nitsu anike!

Rommi 16:18

Kughengu timi tishi chekemiqoye ningu Mpeu Khristo qe amoe, ikemu panongu kive likhi qe ani. Panonguno ghaghu tsa kuju pesu akukumsu ilaleikemiqo pishiqhi cheni.

Jude 1:15

kumtsu shou kughathabe nani, eno panonguno Alhou sumokeu kumla khijehi shipuani keno eno Alhou sumokemi axinemino pa shou alhoksa tsa pikeu kumtsu pesu panoqo shou kughabepuku nani!”

Titus 1:11

Panongu kichi lakhave tsu masae, kughengu panonguye pisa kimine launo kujomono shikamokepu pesu shika puzu akibo kumtsu vepusa anike.

1 Tim. 6:5

akukumsu lhoksami eno kuchou kuhavekeqo launo kighekile anikeu sughi cheni. Panonguno kumsuchekeuye achineyeh luanguno kinikulu shilu nani kepi cheni.

2 Peter 2:9

Tishiaye Ampeu no pa lau amlo tsukemi shilukusa sasu kupughu akeu lono xaphe lunikeu ithi ani eno amikucho kumomiqo pesu Kughakuthapu Tsala ghenguno aghimeshi pu anikeu ithi ani,

2 Peter 2:1

Ikemu timiqo gholo kichile tungkupmi ghi ipeghi, ike tihutoi nongu gholo ghi kichile kukutsumi ipeghi nani. Panonguno shikupusapu kuchoukumo kukutsu pesu kusuuno ighi nani eno panoqo xachilelukeu Ampeu milive nani eno pano likhi pano shou shikupusapu zuleno sughi nani.

2 Peter 1:16

Kughou ninguno nongu vilo niMpeu Jisu Khristo no ajekipi jukuvu lono ighinikeu ghili pesu pikeno ninguye timino muqumughashino iqiphekeu kughakichetsa pesu pithike kumoe, ikemu ninguye pa kimthe jukuvu ithulu puakeqoke.

1 Peter 5:2

Alhou bheriqo khekutolo, tsuyikhomo shilo pikeu ghenguno kumoe ikemu Alhou no nongu pelo shipenishi ketoi puloniqhiyi tipau shilo. Ajume ithulukeu ghengu likhino kumoe ikemu amlo lono qenikeu puloqhiyi pupuzu shilo.

Titus 1:7

Akukuholo sakiphemi lakhiye Alhou kumlalo atsukupumike ghenguno paye tukutiye kuhakemi shimasae. Paye agho aghoshi kemi, lolemi, shokumzumi, aka-aghami, alakimnemi shimoni,

Jude 1:11

Timi tipaqo ghenguno ahakusapuke! Panonguye Kain no pulakeu laghi pula cheni, eno pisa ghenguno alakimneshi Balaam no kuquvekeu xine lau papewu cheni. Kora no hebide ipeghikeu toi panonguno hebide puzu Kora toi panonguye puhave ani.

Jude 1:7

Sodom ngo Gomora eno tipau sukumxalo aphughi akeqo kumsululo. Timi tile akeqono kungumi hupaqo toi shike, panonguno kipitimi totimi dolo mithemokeu eno chighichilai keu shike, alhomi pesu panongu shou aghime tsukeu huno kumtsu zulo kichekipiyeke.

Jude 1:4

Kughengu khunomu mthano akelono Alhou lau amlo tsuchemokemi khamino tuqhouno ningu gholo iloghivae. Timi hipaqoye niLhou wu kukumgha tsape ghili tuchighi pesu pano shi aji lhoksa puloulo suve ani eno niMpeu ni Kukutsuu ye Jisu Khristo likhike pa hakha anie. Highenguno timi hipaqo Alhou no peve nikeu shi khaghino amichi shipe qhivae.

1 Peter 2:8

Ike tipauye, “Timino kupuxalukepu tuqu lakhike panoqo pelo veqhivepe nikeu tuqu lakhike.” Panonguno kupuxalukeuye atsa papelumokeu ghenguno panoqo pelo tishivepe nikeushi Alhou no kughupe qhiveke.

1 Tim. 3:8

Tihutoi akukuholo akukuphumi ghi mutsumisheyikemi shimasa, amili shobakupumi shimoni, aji shomoni; momu alakiminemi shimoni,

1 Tim. 3:3

Paye shokumzumi shimoni momu anguka vesukemi shimoni ikemu ivunheyi eno iquighai kemi shimasa. Paye pisa kiminemi shimoni.

1 Thes. 5:3

Kughou timi no, “Thwokha iquneyi eno achipishi akhanie,” ipi akelono zuleno shiluksa puluksano totimino anga pununiye suakeshi timiqo shou ighi nani eno panonguye povemla nani.

John 2:16

Eno kobutur je akemi vilo pano pi, “Hileno tipaqo suwuvelo, iPuh ki pesu nonguye alhikishiki shitsu kevilo!”

Luke 22:47

Pano panongu putsa aphi lono timi aqo kitikhi lakhi ighive. Judas ipikeu akhopemi chighikini dolo lakhi huno panongu sasu ighi eno paye Jisu kupununo Jisu mumanike ighi.

Luke 20:20

Ikehu panonguno timi khami tuqhouno agho chheve puzu timi tipaqoye achipishi xuchekemi toi amuqushi ghi Jisu lau wupe eno Jisu no kiu pikeno tipauno kughapesu pa melu anguno panonguno pa kughape tipa yeghilo ayehkipemi tsuve nikeu shike.

Luke 18:8

Ino nongu vilo pini, paye panongu saphu-ghi kei kughathavetsu nani. Ikemu Timi Nu huno ighi kelo ayeghilo pa pulukemi phulu nani mala?”

MALAKI 1:10

Aqokitikhi MPEU no pi, “Nongu gholo khuala pelono achineki hukikha khave penishi anie, tishianguno nongu pelo imllakeu khachelo avehu kuhakeu mi kuyiqu pemo nike. Niye nongu jupe imlo qi amoe. Niye nonguno akumllagho ilau sughikeu ikhilutsumo nani.

HABAKUK 3:3

Alhou ye itaghi Edom kudauno cheni; akimthe Lhou ye Paran naghuto kudauno cheni. Pa jukuvuno kungughaqo nhake; eno ayeghilo pa sheqhekeuno chhitoi ani

MICAH 3:11

Aphughilo ayehkipemiqono ayeh peithakeuye kulugho tsupeniyeke, achinemiqono ajume tsu anguno Ayezah lhekidepiyeke, tungkupmino pisa tsu anguno pano lau piyesukeu pitsu chenike eno panoqo kumtsu AMPEU ye panoqo gholo acheni kepi piacheni. “AMPEU ye nigholo anike kiumu shipusa kepu nilau ighimo nanike,” ipi panonguno picheni.

EZEKEL 13:19

Nonguno barli thi au kie lakhia kinia eno ashopa lakhia kinia ithuluni aye iwu timiqo gizu lono iphimo gihumo chenie. Nonguno timi thive kuzupu kumomi pithive cheni eno timi thive kuzupu timiqo puxupe qhive cheni. Ike nonguno iwu timiqo vilo akimki tsa picheni eno panonguye nongu pulu acheni.”

JEREMIYA 8:10

Tighenguno ino panoqo ki alu pesu apighimi akithemi tsuve nani eno panoqo nipu kutami tsuve nani. Kijemi kitilami kumtsuno amikucho kumo lono pisa kuphumi shi achenike. Tungkupmi ngo achinemi ghi timi pishiqhike.

JEREMIYA 6:13

Kijemi kitilami kumtsu amikucho kumo lono alla kighishe cheni aghukha shi acheni ke; tungkupumi ngo achinemi thotsu timi pishiqhi cheni.

ISAIAH 60:22

Nongu gholo aghulou eno aqhokigheu kibo namu ashiayeh kumto lakhi toi kije shive nani. Kughono ado kivi ighini keno, Ino tipau papashi shiluvepe nani. Ino AMPEU ke!”

ISAIAH 56:11

Panonguye atsu alakimineno khilemu lukumkha shimokeu toike. Sakiphemi hipaqoye ithikuta shikeu kuhake. Panoqo milakhi khino pano pulokeu shicheni eno pa kivipu likhi phucheni ke.

ISAIAH 5:19

Nonguno ishi pike, “AMPEU pelo pano kiu shiniepi pikeno tipau mtazu shipelo, tishianguno ninguno tipau junike. Israilmi Lhou akimtheu pelo pano pughu akeu pepimhe pelo; paye kiu kumsupu ani keno ninguno junike!”

LESHELE 81:15

Khunono imithi chenikeno musake launo izulo itsaiqi nani; panoye alhokuthu aghimeshi nani.

LESHELE 66:3

Alhou vilo ishipilo “Nono mlaqhi keuye kiutoi akumzapu kela! Okukaye shishe kije kehu oghumiye akumsa launo ozulo pishiqho ke.

LESHELE 18:44

Inaghamino izulo itsa-iqi tsu; ighili panongu tokelo panonguno agholue.

ZAKINIU 24:17

“Inaghami ngo mighimgha chipiu ikhiluvetsu kevilo eno topu chimemi lakhino pisa nalukeu ghenguno tipau thelilo aphimini qhipuaghini keu lukevilo.

JOB 6:27

Nonguno mighimi muxaluniye asaqhibe cheni, eno shompami alhikishimi lono saqhi acheni.

Jude 1:16

Timi hipaqoye muchhochekemi, akuxulo aghaqimlakemi, alhoksapulo ngosukumlalo xu acheni, pano likhi pano qhekuza tsa zalekemi, panolah phunike ghenguno alatsa timi vilo picheni.

MATTHEW 23:14

“Nongu Ayezah kukutsumi ngo Farisimi ghenguno ahakusapue! Kuhakughaqo! Nonguno topuchimemi kilo pukapuwuve cheni, tishino akighini kushuwa shipesu piyeve cheni. Highenguno nongu ghimeno kumtsu nguno alhoksau shi nanike!