2 Peter 1:21 - BAIBEL (BSI)

²¹ kughengu tungkuputsaye timi gho apulou lono ighipe puamoe, ikemu Aghungu Kimthe no peitha keu lono timino Alhou launo ighikeu tsape pichenike.

Sümi Tiqhelimi Bible

²¹ Kughengu tungkuptsa ye khilemu timi pulou lono hukuthu shi ighi püamoe, ikemu tungkupumiqo ghí timi shi anamu Aghungu Kimthe no mijetsü keu vechewo Alhou lau no ighi keu tsape pi cheni ke.

Sumi Naga CL (Re-edited) Bible (BSI)

²¹ Kughengu tungkuptsa ye timi gho-apulou lono ighi püamoe, ikemu Aghungu Kimthe vecheo Alhou no tsükeu tsape Paw akimthemi no pikeu ke.

2 Peter 1:21 Referans Kwoze

1 Peter 1:11

Khristo Ghungu panoqo lolo akeuno Khristo no aghimeshi ime nikeu eno tipa shelo akimthejukuvupu shinikeu puzuuno asheazushi pikeu huye kiutoi kemi eno kiu tuqhu dolo kichesutsu ani keno panonguno pukaputsa phuphejuke.

Luke 1:70

Pano ni ghenguno akumto xakuluu lakhi pa qeu David lagha lono suqhe.

SAMUEL AKINIU 23:2

AMPEU ghunguno ivechewono pi ani; pa sutsaye imtsulo ani.

Apostolmi 1:16

“Athikuzumi achelimiqo, Jisu kughakulumi la kichekipiyeu Judas huye Aghungu Kimthe no azuuno David vechewo pipuakeu kuchoyesu hu shikupu kepu shiveke.”

IBRIMI 10:15

Kughengu Aghungu Kimthe ghi ashepe hitoi nitsuke. Pano atughushi pikeuno,

Apostolmi 3:18

Alhou no paw tungkupmi kumtsu pelo azunathaghi pipuakeuno pawu Khristo ye aghime sholu nikeu shiakeu hu Alhou no ti shikupuvetsuae.

Mark 12:36

Aghungu Kimthe no David pelo pilupekeu vechewo pano ishi pipuanie. ‘Ampeu no iMpeu vilo pi, Ino oghumi pesu opukhu qholo qhitsumoke kutolo,i-u ajeu iqalo’

Piyeküsü 19:10

Tileno ino pa pukhu phivilo mllaniye iluiqive, ikemu pano ivilo ishipi, “Tishikevilo! niye no eno othikuzumi khunoqono Jisu no kuchou shepe shikeu ikhilu cheni keno tipaqo kumtsu gholo akusami aqemi lakhike. Alhou mllalo!” Kughengu Jisu no kuchou shepe shikeuno tungkuptsa pinikeu nguaghapuke.

IBRIMI 3:7

Tighenguno kuchoyesulo pikeu toi: “Ishi tsalalo, nonguno Alhou sutsa chilukeulo,

AKIKIHI 16:28

Muse no timiqo vilo pi, “Hipau lono nonguno ithi nanike AMPEU no hipaqo kumtsu shipeniye ipuwuke eno ilikhi ino kishelu keu lono hipaqo shi amoe.

Apostolmi 28:25

Ikehu, panongu dolo kuqhamlano auve kehu, Paul no atsa nhekha lakhi pive kethiuye panonguye ixawove. Paul no hi pike, “Aghungu Kimthe no Isaya tungkupu vechewo nongu puasu vilo pikeu huye kiutoi kuchou kela!

KUKAMI ATUGHIU 17:18

Lino Elija vilo pi, “Alhou wu timi, noye kushiye ilau hi shivetsu kya? Noye hilehi ighino Alhou pelo ixine kumsuchile lukithe peno tipau ghenguno inu pithive tsukesha?”

IBRIMI 9:8

Hitoi kutopuakeulo Aghungu Kimthe no ningu vilo piyetsukeuye khalau phikibo akethaqhuloye Akimthe nguno Akimthe alo ilolunikeu shimla aphie.

KUKAMI ATUGHIU 13:1

AMPEU zah kutsu lono Juda lono tungkupumi lakhi Bethel lo wuve eno Jeroboam no akumlla gho tsu niye puthugho ake lono ighilu.

JOSHUA 14:6

Ghulo lakhi Juda shiyeh lono timi khami Gilgal lo Joshua lau ighi. Milakhi Jefune nu Kaleb Kenizimino pa vilo pi, “Kades Barnea lo AMPEU no kiu nikujo ghenguno Muse Alhou wu timi vilo pikeno noye ithi ani.

MICAH 3:7

Khunoqono ighinikeu ghili pichekeno panoqono shimlave keulo kujo muzave nani. Alhou no pano khochilemoke ghenguno panongu kumtsu kujove nani.

YEKIKITHI AKINIU 8:14

Papu David no ayeh kithipe qhitsu keu papeghi pano achinemi ngo achinemi kuphu chekemi Levimi kumla kishekulu kithikiyi shitsu ke, tiye ale phekeu lo eno panoqo kumla mla keulo. Alhou wu timi David no ahza tsukeu kiqi lono pano achineki khemiqo pelo ghi amqo amqo shi puzu pututa shelo khagho lakhi khilo tsalakipe kumlapu saje kutotsu ke.

KUKAMI AKINIU 6:15

Thoghiu inaqhe itheno Elisha qeuye ithughive eno khalacheu ipeghike lo Siriyami ghushimi khurshi ngo khurkulu sasu ti taun homxapesu aghikeu ithulu. Tileno pano Elisha lau poighino akichiqhi pi, “Ninguye thiniae. akijeu, ninguye kishiveni kya?”

KUKAMI AKINIU 6:10

Tighenguno Israilmi kukauno a-a tipau phivilo akemi timiqo vilo wukepu kumoe pi pivetsu eno panonguno tipaqo kheluve. Hitoi shi ghuthu kini kuthu kutolo shive.

KUKAMI ATUGHIU 17:24

Lino khochile, “Noye Alhou wu timi ipi ino ithivae eno AMPEU no mutsuqheyi ovechewo pitsu chenie!”

YEKIKITHI ATUGHIU 23:14

Ikemu Muse nuliqoye, Alhou timi eno Levimi gholo kihisu kuqhae.)

KUKAMI AKINIU 4:22

Tithiu lino li kimi ku puzu ishi pa vilo pi, “Aqemi lakhi pelono gadaha lakhi sasu hile ighi pelo. Niye tungkupuu Elisha lau wumasavea. Tolukivi thaqhulo niye kighithe ide ighini.”

KUKAMI AKINIU 4:9

Lino li kimi vilo pi, “Timi hipau khuu alhokuthu hilehi ighicheni keno akimthemi pi niye thebei ithi ani.

ZAKINIU 33:1

Kukumgha hipaqoye Alhou wu timi Muse no pano thini ke zulono Israilmi shou pipuku tsukeu ke.

KUKAMI AKINIU 4:7

Lino Elisha tungkupuu lau wuke lono pano ishipi, “Wupuzu teli jeno opih ashe kumtsu lovelo. Achili aghikeu pisa pesu onuli pama sasu ililai xulu nani.”

JEREMIYA 23:26

Tungkupmi hupaqoye pano likhi panono akimki iqiphekeu pesu ado khitohi iwu timiqo sapimi anani kya?

EZEKEL 1:3

Babilon lo Kebar ghoki phivilo AMPEU no iputsakeu ino chilue eno niye pa kuka ithiluke.

MICAH 1:1

Jotham ngo Ahaz eno Hezekiya no Juda lo kukami shiche ke ghulokilo Moreshet taun lo akemi Mika lau Alhou tsape hipau tsuke. Samaria ngo Jerusalem vehu hipaqo kumtsu AMPEU no Mika lau piyesu tsuke.