2 Peter 1:1 - BAIBEL (BSI)

¹ Jisu Khristo qeu eno apostol Simon Pitor launo niLhou eno niXakuluu Jisu Khristo mikucho vechewo nigholo akupulu aqhemishi ithuluvekemi lau yelu ani.

Sümi Tiqhelimi Bible

¹ Yesǜ hipau ye Simon Peter, Jisü Khristo qeu eno apostol lakhi no, Khunoqo ningu Lhou eno Xakuluu Jisü Khristo chipiumikucho vechewo ningu toi aküpülü ithuluve no akughupu shi ani keno tipaqo lau yèlu ani:

Sumi Naga CL (Re-edited) Bible (BSI)

¹ Jisü Khristo qeu eno apostol, Simeon Peter no, Ni Lhou eno ni Xakuluu Jisü Khristo mikucho lono khunono ni sasü kümghülu ghi aküpülü ye ithuluve akeno panoqo lau ye ani:

2 Peter 1:1 Referans Kwoze

Titus 2:13

tiye nilokivipu Tsala, niLhou akijeu eno Xakuluu Jisu Khristo no akimthejukuvu lono ipeghi nike kutolo laju ghi kheakeuke.

Titus 1:4

Tito lau yeani, ningu kupulu aqu shiakeu lono noye inu kuchoke: Apu Alhou ngo niXakuluu Khristo Jisu launo kupukini ngo alokughunopu owu shilupeni.

2 Kor. 4:13

Kuchoyesuno, “Ino pululuve ke ghenguno ino pivae” ninguye akupulu ngugha anike ghenguno pulu ani kehu pi ani.

John 12:26

Khuno iqe nishi keno paye ipape masae eno ino khile ani keno pa ghi tilehi igholo anani. Khuuno ihuthuni keno Ipuh no pa gihu nani.”

Rommi 1:12

Ike tiye akupulu lono ningu lakhino lakhi shikumtokile ani.

2 Peter 1:4

Hitoi shipuzu pano piqhive keu amekusho eno akughupu kumsagho pesu ningu tsuvae, tishianguno kumsagho hipaqo peitha puzu ayeghiqhalo ngosukumla no shikupsa akeu launo nonguye puluvepe niyeke, eno Alhou lhoayeh kusajelupe niyeke.

1 Peter 1:1

Jisu Khristo wu apostol Pitor no Pontu, Galatia, Kapadokia, Asia eno Bithiniya lo Apanagha hapiyepighi pesu akemiqo lau yelu ani.

Ephesiami 4:11

Pano kumsagho tsukeuye khamino apostolmi, khamino Tungkupmi, khamino tsavipemi khamino Pastormi, khamino Shikukami shipeniyeke.

Rommi 1:1

Jisu Khristo qeu Paul ye Alhou tsakiviu pikulha penike apostolmi shi kuluve keuno yeh ani.

Luke 1:47

Ilolo alokivi ani, Alhou ye ixakuluu ke.

1 Peter 5:1

Ni, nongu gholo kichimi lakhi shino nongu akukuhou gholo kichimiqo shikumto ani, niye Khristo no aghime sholukeu thopimi lakhike eno akimthe jukuvu pephepiyeni akeulo kusaje nikemike. Ino nongu qhuiniju ani,

2 Tim. 1:5

Nono mutsumishei keu kupulu akeu ino kumsulu acheni, tiye opuza Lois ngo oza Eunis pama kupulu achekeu toi noghi tipau aghi nani kepi ino pulu ani.

FILIPIAMI 3:9

eno pa gholo kuqhaluve niyeke. Ayezah papelukeu lono ilikhi iwu shilukeu mikucho pumono Khristo shou akupulu bekeu vechewo amikucho shilukeu anike, tiye Alhou launo ighikeu mikucho akupulu shou bepe akeuke.

Apostolmi 15:14

Simon no kishekulu piveano inahuno Alhou no Judakumomi tuchoheju achekeuno panongu gholono timi mqo lakhi paje ghenguno ikhiphelu niyeke.

MATTHEW 10:2

Apostolmi pano chighikini jeye hipaqo: atughushi Simon, paje pesu Pitor ipi kuvetsu, eno pa thikuzuu Andrew; Zebedi nu Jems ngo pa thikuzuu Johan pama;

1 Peter 2:7

Nongu puluchekemiqo ghenguno atuqu hipauye amekushopuke; ikemu pulumokemi ghenguye kuchoyesulo ishi yepuakeu tsa atho shive; “Akikishimino kideqhivekeu tuqu huno atsukuputuqu akhotou shiveaghi.”

1 Peter 1:7

Hitoikeulo akimji anike, tiye nongu kupulu pesu athicho kughulhotsu niyeke. Shunayi ghi shipusaluve cheni kemu ami lono pitiju cheni; tishiaye nongu kupuluye shunayi nguno amekushou kehu puqhelukepushi peju masae, tishianguno Jisu Khristo pephepiyeke Tsalalo nonguno shekiqhe, akimthe jukuvu eno agigihu ithulukepu shi nani.

Titus 1:1

Alhou qeu eno Jisu Khristo wu apostolmi Paul no yeani. Alhou no kishepheluvekemi kupulu shiqhetsupe nike eno saphepiye penike ikishepuwuke.

FILIPIAMI 1:29

Kughengu Khristo jelono nonguye pulube nikeu likhi kumono pa ghenguno aghime shinikepu dokivi kophepe nongu tsuke.

Ephesiami 4:5

Ampeu lakhi, akupulupu lakhi, baptiz shikepu lakhi likhi,

Ephesiami 3:5

Wovekeu tiqhelimiqo lauye tuqhou kukughu hipau pimono acheke, ikemu itehiye Aghungu vechewo Alhou no pawu apostolmi akimthemi eno pawu tungkupmi lau tipau pephepiyevae.

Galatiami 2:8

Kughengu Alhou no Pitor pelo Judami lau apostolmi shilupeke toi, Alhou no ipelo ghi Judakumomi lau apostolmi shilupeke.

2 Kor. 5:21

Khristo ye axine kuhae, ikemu Alhou no pa pesu axine kughulhovetsu, tishianguno pa gholo kuqhape akeu lono ninguye Alhou mikucho kusajelupeniye ke.

1 Kor. 15:9

Kughengu niye apostolmi gholo anipau ke eno apostolmi kepi ku kuzupu ghi kumoe, kughengu niye Alhou kukuhou shikighime cheke.

1 Kor. 9:1

Niye kiu shinikeno tipau shichekemi kekumo kesha? Niye apostolmi lakhike kumo kesha? Niye niMpeu Jisu ithuluke kumo kesha? Nonguye ino Ampeu ghenguno mlakeu lono ipeghilukemi kekumo kesha?

1 Kor. 1:30

Alhou no nongu pelo Jisu Khristo sasu kimelupe, eno Alhou no Khristo pesu ningu wu suqekighithi shitsue; pa vechewo Alhou sasu achipi shiaghilupe, eno Alhou timiqo shilupe, eno ningu xaphetsuke.

Rommi 1:17

Kughengu Alhou no kishi timi pesu pa lau achipiulo qhicheni keno tiye atsakiviu vechewo pephepiye puani: hiye abothu lono ashekha kutolo akupulu likhi vechewonoke. Kuchoyesulo ishi yepuani, “Amikuchomiye akupulu lono xulu nani.”

John 20:21

Jisu no itaghi panongu vilo pi, “Alokughuno nongu gholo apelo. Apu no ipuwuke toi nighi nongu puwu ani.”

John 1:42

Tishi puzu pano pa sasu Jisu lau ighi. Jisu no pa ju puzu pi, “Noye Johan nu Simon ke. Oje Kefa ku-tsunie.” (Tiye Pitor ipikeu eno pa kiqiye “Atuqu.”)

Luke 11:49

Ike Alhou lokutsuno pivae. ‘Ino panongu lau tungkupmi puwuni, panonguno khami pithive nani eno khami akijipusa nani.’

MATTHEW 4:18

Jisu no Galil zughi phivilo wuchekelo, pano athiazu mikini ithulu, Pitor ipi kuvetsukeu Simon ngo pa thikuzu-u Andrew pama akhame pesu azughilo akha vecheghi, kughengu pamaye akha kukhamike,

JEREMIYA 33:16

Juda ngo Jerusalem lo akemiqoye xapheluve nani eno sushokululo xulu nani. Aphughiye ‘AMPEU no Ni Xakulu-u’ ipi ku nani.

ISAIAH 12:2

Alhou ye ixakuluu; niye pa pukhuni eno musaichivemo nani AMPEU no akuka eno akumto itsuke; paye ixakuluu

FILIPIAMI 1:1

Khristo Jisu qemi Paul ngo Timothi pamano Filipia lo Alhou wu timiqo ngo akukuholo pastormi eno dikonmiqo lau yehani.

James 1:1

Alhou ngo Ampeu Jisu Khristo qeu Jems no ashiayeh chighikini Apanaghavekemi lau yehani. Petha tsu ani.

Jude 1:1

Jisu Khristo qeu eno Jems thikuzuu Juda Alhou no kuluvekemi khunoqono Apu Alhou kikimiyelo acheni eno Jisu Khristo ghenguno susho pesu akemiqo lau yelu ani.