1 Tim. 6:5 - BAIBEL (BSI)

⁵ akukumsu lhoksami eno kuchou kuhavekeqo launo kighekile anikeu sughi cheni. Panonguno kumsuchekeuye achineyeh luanguno kinikulu shilu nani kepi cheni.

Sümi Tiqhelimi Bible

⁵ eno tamo no akükümsü lhoküsami eno kuchou kühave keqo dolo kighe kilé keu süghi cheni. Eno Alhou sümsaluve aye kinikülü shive cheni ipi panongu no kümsü cheni.

Sumi Naga CL (Re-edited) Bible (BSI)

⁵ eno küqha kümla no timi dolo auve cheni. Timi hipaqo kükümsü ye alau shipüsa kithe eno kuchou huno pano launo küsüve kehu, Alhou sükümsa küxü vecheo kinimi shilu nani küghashi cheni.

1 Tim. 6:5 Referans Kwoze

2 Tim. 3:5

Achineyeh ghushoghili pepulaghi tipaulo akuka kumto akeu phevekeu. Panongu launo putosu alo.

2 Peter 2:3

Panonguno alamine kelauno akimikitsa pipuzu alla kighishelu nani. Khaghino panoqo shou kugha thabeve kepu shiakeu huye munuveake kumoe eno panoqo kutsavekepu shiakeu huye zuanike kumoe.

Titus 1:11

Panongu kichi lakhave tsu masae, kughengu panonguye pisa kimine launo kujomono shikamokepu pesu shika puzu akibo kumtsu vepusa anike.

2 Tim. 3:8

Joana ngo Jambre pamano Muse mujochile ketoi timi hipaqo ghi kuchou mujochile chenie. Timi hipaqoye kusakugha kumsuchekemi eno akupululo chighi chilaikemike.

1 Tim. 6:6

Iwa, achineyehlo aghaqiqhiyikeuye kinikulu kijeke,

1 Tim. 3:3

Paye shokumzumi shimoni momu anguka vesukemi shimoni ikemu ivunheyi eno iquighai kemi shimasa. Paye pisa kiminemi shimoni.

MATTHEW 23:13

“Nongu Ayezah kukutsumi ngo Farisimi ghenguno ahakusapue! Nongu kuhakughaqo! Nonguno timiqo launo Kungugha yehkipe hukikha khavetsu; nonguno iloke kumo puzu tipaulo iloniye pukaputsa akeqo pelo ilopemoe.”

MATTHEW 12:33

“Asubo akivi kughulhono tipa xathi akivi pithi lupelo, tikumoaye asubo alhoksa kughulho puzu tipa xathi alhoksa pithi peniae; kughengu asuboye tipaxathi pithi keuno ithive cheni.

1 Tim. 1:6

Timi khamiye hipaqo launo ala vepimi wuveno adoutsa kughakile keulo idewove cheni.

Piyeküsü 18:3

Kughengu ashiayeh jeli kumtsuno li shiaji kimighe ji shomzuvae; eno ayeghilo kukamiqono li sasu salha, eno ayeghilo alhikishimino liwu aghichikupo kinikulushi akeu vechewo kinimi shilukhavae.”

Jude 1:11

Timi tipaqo ghenguno ahakusapuke! Panonguye Kain no pulakeu laghi pula cheni, eno pisa ghenguno alakimneshi Balaam no kuquvekeu xine lau papewu cheni. Kora no hebide ipeghikeu toi panonguno hebide puzu Kora toi panonguye puhave ani.

2 Peter 2:15

Panonguye alakumzu qhive puzu alaizu susu wuvae. Panonguye Beor nu Balaam, khuu alhosa kumla lono ala kighishe lukeu kupukeno tipau laghi papewuvae.

1 Tim. 3:8

Tihutoi akukuholo akukuphumi ghi mutsumisheyikemi shimasa, amili shobakupumi shimoni, aji shomoni; momu alakiminemi shimoni,

2 Thes. 3:6

Athikuzumiqo, Ampeu Jisu Khristo jelono nongu vilo nino piani, athikuzumi khuno akipichi shighi xucheni puzu ninguno kutsupiyekeu kiqi lono xucheghimo nikeno tipaqo launo kugho susu auvelo.

MATTHEW 21:13

Tipanoqo vilo pano ishipi, “Kuchoyesulo ishi yepuani, ‘Ikiye akighiniki ipi ku nani,’ ikemu nonguno hipau pesu heqhi-buqhi kemi kughutshu-a shivetsuae!”

EZEKEL 33:31

Ikehu iwu timiqoye nono kiu pinikeno ininike kukokiki ighi ani, ikemu panonguye nono panoqo vilo shilo pikeu shichemoe. Panonguno amtsulo likhino otsa kupuke ikemu panoqono aghukha shi xu achephi.

JEREMIYA 8:10

Tighenguno ino panoqo ki alu pesu apighimi akithemi tsuve nani eno panoqo nipu kutami tsuve nani. Kijemi kitilami kumtsuno amikucho kumo lono pisa kuphumi shi achenike. Tungkupmi ngo achinemi ghi timi pishiqhike.

JEREMIYA 6:13

Kijemi kitilami kumtsu amikucho kumo lono alla kighishe cheni aghukha shi acheni ke; tungkupumi ngo achinemi thotsu timi pishiqhi cheni.

ISAIAH 56:11

Panonguye atsu alakimineno khilemu lukumkha shimokeu toike. Sakiphemi hipaqoye ithikuta shikeu kuhake. Panoqo milakhi khino pano pulokeu shicheni eno pa kivipu likhi phucheni ke.

Piyeküsü 18:13

Yeghuthi, vekuju mukhu, tsungquikeu, musughuta, axokutsungu teli, aji, teli, asho thi, atsu-aqu, bheri, khurshi khurkulu, aqemi eno timi lhoxu jeli khunomu qhulumoae.

1 Kor. 11:16

Ikemu hipaulo khualano kutsala kepushiaye, ningu na Alhou kukuhouqo namu kutau pepimhe chekeu gholo kuhake.

1 Tim. 4:7

Ikemu noye Alhou sumokeu kughakichetsa eno topu-toghu tsa launo putosuluvelo. Noye Alhou lau amlo tsukeu kuxulo oqophe alo.

1 Tim. 4:8

Aphimpi qokiphelo ame hami acheniaye Alhou lau amlo tsukeuye thwokha lono amekuapu ani, kughengu tishikeuno hipa yeghilo kuxu ngo ighiniye akeu kuxu piqhipe puatsuae.