1 Tim. 6:16 - BAIBEL (BSI)

¹⁶ Pa likhino thimlakeuke eno avilo wumlakeu kuvulo acheni, khunomu pa ithulu puamokeu, eno khunomu pa shou jupukumla keuke. Agigihu kije eno lhokta kukaqha pa lau alo! Amen.

Sümi Tiqhelimi Bible

¹⁶ Pa likhi no thichemo keu Lhou eno pa phivilo wumla keu küvü lo xü acheni, khuu nomu pa ithulu püamo eno khuu nomu pa shou jupuku müla nani. Agigihu eno lhokta küká alhokupuju pa lau apelo! Amen.

Sumi Naga CL (Re-edited) Bible (BSI)

¹⁶ Pa likhino thimoni keu küka ani, Pa ye aphivilo wumla keu küvü lo acheni, khunomu pa ithulu mphi eno Pa shou jupuku mlae. Agigihu eno lhokta kükaqha, Pa lau alo. Amen.

1 Tim. 6:16 Referans Kwoze

1 Tim. 1:17

Lhokta Kukau thivemlakeu eno ithulu chemokeu Alhou ye pa likhikeu pa lau alhokupujulo agigihu eno akimthe jekipi shi achelo! Amen.

John 1:18

Khunomu Alhou ithumla aphi. Ikemu Anu khuu Alhou sasu aphiphi keno pa vechewo Alhou ye kiu toi keno ningu lau pephe piyetsu.

1 John 1:5

Ninguno Anu launo atsape hipau chilu keu nongu lau pikulha ani, ike Alhou ye akuvuke eno pa gholoye khilemu akuzu kuhae.

LESHELE 90:2

Nono naghuto lhomphi lono momu ayeghi hipau kughupe qhimphi lono lhokta lono khokta kutolo noye Alhou ke.

Kolosiami 1:15

Khristo ye ithukumlau Lhou jukimihi ke. Paye lhophe puakeu kumtsu gholo anoghiuke.

John 6:46

Tipau kiqiye Alhou launo khuu ighikeno pa likhino Apu ithuluveake thono kumtsuno Alhou ithuluve akepi niye piamoe.

Piyeküsü 22:5

Tilehiye putho tsala kuhae eno panonguye akulu momu tsukinhe kuvu avehupu kuhae, kughengu Ampeu Alhou no panongu kuvu shive nani eno panonguye alhokupujulo kukami toi ayehpe anani.

LESHELE 104:2

Noye akuvu pesu okuzupu anike, nono aphiki sukho ketoi kungugha xakhoke.

IPEKULU 3:14

Alhou no pi, “NIYE NIKE. Noye panoqo vilo ishi pilo: ‘Khuu kela NIKE ipikeuno nongu lau ipuwuke.’

Piyeküsü 4:11

“NiMpeu eno niLhou! Nono akimthejekipi, agigihupu eno akuka ithulu kuzupuke; Kughengu thwokha nono lhopheke, opulou lono panonguye achenipe eno lhophepe qhike.”

Piyeküsü 1:6

eno pa Lhou eno pa Pu qepeniye ningu pesu achinemi yehkipeqha lakhi shivetsu keno, pa lau akimthe jekipi,ayehkipe alhokupujulo achepelo! Amen.

Jude 1:25

ni Mpeu Jisu Khristo vechewo niXakuluu eno pa likhino Alhou ke, pa lau akimthe jekipi, akughushu, akuka eno ayehkipe, khaghi wovekeu lono itehi kuto eno alhokupuju lono alhokupuju kuto apelo! Amen.

Ephesiami 3:21

akukuholo eno Khristo Jisu gholono, tiqheli lakhi lono lakhiu kutolo alhokupuju ghenguno, Alhou lau akimthe jekipi shipelo! Amen.

HABAKUK 3:4

Paye tsutsupha kukulo lono cheni; pa-u lono akuvu kulophe, pa kukaye tilehi kusupe puani.

ISAIAH 57:15

Niye akiqheu eno akimthe Lhou, alhokupujulo xu chekeuke. Niye akiqheu eno akimthe alo acheni ikemu niye aqhokighemi eno xaideghive kemi gholo ghi xuacheni, tishi anguno ino panoqo kupukhu eno panoqow lajupu sachile saghitsunike.

Piyeküsü 7:12

“Amen! shekiqhe akimithe jekipi, alokutsu, shikimthi, agigihu, akuka, aje kughushuye alhokupujulo niLhou wuke! Amen!”

IBRIMI 13:8

Jisu Khristo ye ighi, ishi eno alhokupujulo aphiphike.

IPEKULU 33:20

Niye opelo igilo jupuku pemo nani kughengu ilau jupuku kemi khunomu xumulave nanike,

Piyeküsü 21:3

Akuka lakhu lono asutsa kuloghi lakhi ishi pikeu ino chilu: “Julo, itehiye Alhou no timi gholo acheuvae! Pano panoqo gholo xu nani eno panonguye pawu timi shive nani. Alhou ampino panoqo gholo anani eno paye panongu Lhou shive nani.

John 14:9

Jisu no pa khochile, “Filip, niye hitotohi nongu sasu a-ighivea puzu noye itehi kutolo nimtha kesha? Khunono ni ithuluve akeno paye Apu ithuluvae. Tishiaye noye kishi puzu, ‘Apu ningu piyelo’ ipi kya?

Piyeküsü 1:8

“Niye atughiu eno ashekhau” ipi Ampeu Alhou Akughushuu, khuuno acheghi, khuuno acheni eno khuuno ighini cheni keno pano pike.

John 8:58

Jisu no pi, “Kuchouno ino nongu vilo pini, Abraham zuuno niye aighivae.”

FILIPIAMI 4:20

Ningu paPuh Alhou lau alhokupuju ghenguno akimthe jukuvu shialo. Amen.

ZAKINIU 32:40

Kuchouno niye xu akeu Lhou keke, ino iu peqhepe ino tushoqhi ani,

JOB 37:23

Alhou ye ningu no phukhawo tomlae, paye akuka eno achipi lono kugha tsukeu lo kijeke; amikuchono chhitoi ke, paye ighove moe.

James 1:17

Aghokivi jeli eno viwotokulu kumsagho jeli kumtsu kunguuno ighi cheni, tipaqoye kungughalo akuvuqo lhokeu Apu launo ighi cheni. Paye kilive chemoe momu paye iqekeu eno yekukhu kuha.

1 John 1:7

Ikemu pano akuvulo ake toi ninguno akuvulo checheni aye, ninguye lakhino lakhi sasu kuposhulu ani eno PaNu Jisu jino axine kumtsu launo ningu shikimthe tsu ani.

1 John 4:12

Timi khunomu Alhou ithulu mphie, ikemu ninguno lakhino lakhi kimiye aye Alhou no ningu gholo acheni eno pa kikimiyeye nilolo ani.