1 Tim. 4:16 - BAIBEL (BSI)

¹⁶ Olikhi ojukuto eno okukutsu jukutolo. Phekevino pukaputsalo, kughengu nono hipaqo shiaye olikhi oxalu eno otsa chilukemi xakulupu shi nani.

Sümi Tiqhelimi Bible

¹⁶ Tsaqütsalei O küxü eno akǜlü jukuto alo. Tipaqo phekevi no pükapütsalo, kughengu nono tishiaye no ye O likhi no eno O tsa chikulumi kinikujo xakulupu shi nani ke.

Sumi Naga CL (Re-edited) Bible (BSI)

¹⁶ No ampi eno ow shiküka jukuto alo. Phekevi no pükapütsa alo, kughengu nono hipaqo shikeu lono no ampi eno o tsa chilu akemi xalu nani.

1 Tim. 4:16 Referans Kwoze

Titus 1:9

Paye ashepe tsa hu mutotoi pelu aghimasae tishi keuno tipau pukhukulupu shilu eno kuchou kukutsutsa sasu aphiphi shimasae. Tishi anguno kuchou kukutsu pesu kutami shikumtolu eno tipau ghobide chekemi tsa theqhilu nanike.

Titus 2:7

No ampino thwokhalo akumla akughutha kivi shipuzu timi pelo oju pesu xupelo. Okukutsulo mutsumisheyi shilo eno mishisheyi shilo,

YEKIKITHI ATUGHIU 28:10

Noye AMPEU no pa kimthea Achineki nono shilu nani pi okishelu keu kumsululo. Itehi akumla huthuvelo eno okimiji phemono mla thuvelo.”

2 Tim. 4:2

atsa pesu pikulhalo, ado achipilo na monamu mutazu tipau pialo; mutsuqheyi shilupe, sakiyikepulo sakiyi, shikumto kepulo shikumto eno kheakulushi kutsupiyelo.

Ephesiami 4:14

Tishianguno ninguye itimi toi izuichoi pemo eno pishikiqhimi kukutsu jelino ningu fusasu wuvepemo nani, timi hipaqono muqu mugha vesuno kutami ghi akumou lalo sawuve chenike.

IBRIMI 13:9

Kutau jeli kukutsu ngo muzamughaleyi keu kukutsu pelo muzuchoikeu la lono nongu sawuvepe kevilo, kughengu achuqupu-yeh papekeu lono kumo puzu Alhouw kupukinino ningu mlo shikumtolu kepu anike; khunono ayeh tipaqo pape chenikeno panoqo kuphulu chenike kumoe.

IBRIMI 12:15

Alhou wu kupukini launo xachile idevemo nike kutokupuyilo. Akukhu kimji sutsunibo toi ipeghi puzu tipau tughu huno kutami shipusalu nosake kutokupuyilo.

2 Tim. 3:14

Ikemu nouye khikhi oshikapiyeve akeno eno nono mutsuqheyi pulu ani keno tipaulo chechelo, eno khuu launo tipau shikalukeno ithilo,

Luke 21:34

“Nongu likhi nongu jukuto alo! Chumzu shomzu eno hipa kuxu sala phukeu lono nongu mlo sunheqhi auve pekevilo, ipuzu tipa tsala zuleno nongu shou ikughi pe kevilo.

ISAIAH 55:11

Ino pikeu tsa ghi tikithipuke, tiye ino kiu shipeniye kughu puani keno tipau ye shikupu nani; tiye ino shipe nike puwukeu kumtsu shi nani.”

1 Tim. 4:6

Nono akukutsutsa hipaqo pesu athikuzumiqo lau tsuluaye noye Khristo Jisu qemi kivi lakhi ake, eno akupulu tsa ngo kuchou kukutsu nono pulhapuju pepimhe chekeu huno no ampi lojiputhulu nani.

1 Tim. 1:3

Ino Makedonia kudau wuchekelo ovilo pivekeu toi noye Efesia lo ngo aghilo. Tilehi timi khamino kichileu kukutsu pesu kutsupiye anike tipanoqo vilo tishi kevilopi ahza tsulo.

Rommi 16:17

Athikuzumiqo, ino nongu qhuiniju anike, khunoqono kijethakile eno timi kupulu kutakihi acheni, eno khunoqono nonguno akukutsu ithuluvekeu hu mujochile ishi cheni keno jukutolo, eno panoqo launo putosuvelo.

2 Tim. 2:10

eno Alhou wu kishekiphemiqo ghenguno niye thwokha puqheluvetsu anie, tishianguno panongu ghi Khristo Jisu launo akimthe jekipino xakulupushi akeu ithulupeniyeke.

1 Kor. 9:27

Ino kutami vilo asheshu acheni puzu ni ampiye kuxu nikeu lono kideqhivenosa kehu niye iphimpi chishikushughi acheni eno mghachhoyi tipau ghasupe qhicheni.

Apostolmi 6:4

Ninguye akighini eno asheshukeu kumlalo ado kumtsu puwokeu shinie.”

Mark 13:9

“Ikemu nonguye nongu likhi nongu shelo jukutoluve masae. Kughengu timino nongu kughaluve nani eno kughakilo nongu sawu nani. Sinagog lo nongu ghaqhi nani eno nonguye ayehkipemi ngo kukami zulo ije pichekeu ghenguno sawo qhi nani, tiye panongu zulo alokiviputsa pilupeniye ke.

JEREMIYA 23:22

Panonguno iwu tuqhou kukumsu ithike aye panonguno iwu timiqo lau itsape pesu asheshuni cheke eno iwu timiqo pelo panonguno akuxu lhoksa shi xuachekeu eno kixikila ghili panonguno shichekeu qhiluvepeni cheke.

James 5:20

hipau kumsululo: khunono axinemi lakhi alakumolo chechekeu lono sachile saghi nikeno axinemi tipau kuxu akithipu lono xalu anie, eno axine kumzapu pevetsulu kepu shilu anipeke.

Titus 2:15

Thime hipaqo pe pilo: nowu timi shikumto eno sakiyi nikeu kuka kumtsu peithalo. Timi khuu pelomu ojukunatha pekevilo.

Kolosiami 4:17

Eno Arkhipa vilo ishi pitsulo: “Khristomi kumlapu saje otsupe puakeu shikhavetsu masakepi ithilo”

1 Kor. 9:22

Akupululo tomo chhimokemi gholo niye panoqo lakhi paphi shicheni, tishianguno tomo chhimokemi Khristo lau saghilu niyeke. Niye kishialashi puzu khami likhimu xakulupu shilunimalaye timi kumtsu gholo thwokha kumtsu shi cheni.

Rommi 11:14

Tishikeu lono nishiaye Judami pelo anheshu peni cheni, eno tipau lono panoqo khami likhimu xalukepu shini.

Rommi 2:7

Khunoqono kheakulushi akivi kumla shi puzu sheqhekepu, agigihupu eno thive chemokeu phucheghini keno Alhou no lhokta kuxu tsu nani.

Apostolmi 26:22

Niye ishi tsala kutolo Alhou launo ighikeu kukuphu lono hile puthughono kijemi vilo eno kitilami kumtsu lau ishepe tsulu ani. Ino pi akeuye tungkupmi eno Muse no shini pi piqhipuakeu shikupu anike.

YEKIKITHI AKINIU 19:6

panoqo lau akukutsu tsa hitoi tsuke: “Kutami tsa kughatha keulo kutokupui shilo; nonguye timi no tsukeu nguagha tsukeu shou bepeno shi anike, kughou nonguno xakutha tsa tsu ani keno paye nongu gholo anani.

Philemon 1:19

Iuno hi yepuku ani: Ni, Paul no lochile nani. (Kumchomaghi ovilo piputo akepu kuhakemu, okuxu ghi ishou bepe anikene).

1 Thes. 2:16

Kughengu Judakumomi vilo atsakiviu pikulha puzu xakulupu shinikeulo panonguno ningu lakhake. Hipau shikeu lono panongu xine kumtsu shikupu nike pulhapuju hitoi shi achenike. Ikemu ashekhalo Alhou loghu panongu shou ikughivae.

IPEKULU 23:13

“Ni, AMPEU no nongu vilo pivekeu kumtsu inilo. Kutau lhouqo lau khuini kevilo; panoqo je pinamu jekukevilo.

1 Kor. 1:21

Tighenguno Alhou no pa suqekighithi lono ayeghilo timiqo pelo panoqo suqekighithi vechewo Alhou ithikepu shitsumove. Tishinike zuqhulo ninguno mbomzu sutsa pesu asheshu keu vechewo khunoqomino ti pulukeno tipanoqo xalupe nikeuno Alhou pulou shiaghive.

1 Tim. 4:15

Akumlapu saje hipaqo shijualo eno hipaqolo okuxu kumtsu tsulo, tishianguno kumtsu pelo noye kiutoi thuwulu anikeno ithulupelo.