1 Tim. 4:10 - BAIBEL (BSI)

¹⁰ Highenguno saye, ninguye ghichhe ghimeshi mla acheni kughengu ninguye timi kumtsu Xakuluu eno akhotono kupulumi Xakuluu, akuxupu Lhou lau niwu lajupu bepe puavae.

Sümi Tiqhelimi Bible

¹⁰ Tighenguno ningu ye mülà acheni eno pükapütsa acheni, kughengu ningu ye xü akeu Lhou shou ninguw lajupu qhivea ke. Pa ye timi kümtsüw Xakuluu ke, eno akhotoshi pülü chekemiqow Xakuluu ke.

Sumi Naga CL (Re-edited) Bible (BSI)

¹⁰ Kughengu hi kutolo ningu ye ichheime mla acheni, ti ye ningu no aküxüpu Lhou, khuu timi kümtsüw eno akhoto no pülüluve kemiw Xakuluu keno, Pa shou niw lajupu bepe qhive akehu ke.

1 Tim. 4:10 Referans Kwoze

1 Tim. 2:4

paye timi kumtsu xaluve penishi eno kuchou ithi penishike.

1 John 2:2

Khristo ye nixineqo pevetsu nikeu ghenguno aghakishiuke, eno nixineqo ghengu likhi kumoe ikemu ayeghilomi kumtsu xineqo ghenguno ghike.

1 Tim. 2:6

Timi kumtsu xachilelu nike pano pa ampi tsuveke, ikehu ado achipi lono Alhou no timi xalu nishi akeu shepe shike.

John 1:29

Tishiwo thoghiu Jisu no Johan lau cheghikeu pano ithulu puzu pi, “Julo, Alhou wu Bheriti, ayeghiqha xine ikhipewukeu hi chenie!

1 John 4:14

Nino ithuluvae eno kutami vilo Apu Alhou Nu pelo ayeghiqhalo Xakuluu shipeniye puwu kepi ninguno ashepe shiani.

John 4:42

tipaqono atotiu vilo pi, “Nono pikeu ghengu likhino puluke kumo puzu ningu ampino pano pikeu chiluvae, eno kuchouno paye ayeghilomi xakuluu kepi ninguno ithivae.”

John 5:24

“Kuchouno ino nongu vilo pini, khunono itsa chilu puzu ipuwupuakeu pulu nikeno lhokta kuxu ani. Pa shou kughakutha bemo nani, ikemu paye akithi hechesu akuxulo wuluvae.

LESHELE 84:12

Akughushu Lhou, opukhu chekemiye kiutoi alokivi kela!

IBRIMI 13:13

Tighenguno ninguye kughunachekeua nguno khalau pa lau wuni eno pa jukunatha keu kusajeni nolo.

ISAIAH 12:2

Alhou ye ixakuluu; niye pa pukhuni eno musaichivemo nani AMPEU no akuka eno akumto itsuke; paye ixakuluu

LESHELE 118:8

Timi mungube nikeu nguno alauno AMPEU pukhukeu pavike.

LESHELE 52:8

Ikemu niye Alhou kilo Oliv subo thuwu akeu toike. Niye pulhapuju pawu iqemokeu kikimiye shou pukhu acheni.

1 Peter 1:21

Pa vechewo nonguno Alhou shou pulubekeu ani, pano akithi lono Khristo xuputhuve eno akimthe jekipi pa tsue, tishianguno nongu kupulu eno lajupuye Alhou shou apeniyeke.

IBRIMI 11:26

Mesiya ghenguno timino pa peitha pusakeulo Ijip yeghilo kua-kini kumtsu nguno amekushou shi kihiluve; kughengu paye ighinikeulo asaxu akeu shou jupuku acheke.

1 Tim. 6:17

Ayeghi hipaulo kinimiqo vilo qheza kevilopi pilo momu kiu shiveniala mtha aphikeu kini shou pano lajupu bekevilo pilo ikemu alokiqipu shilupeniye thwokha kupukunoshi ningu tsuchekeu Alhou shou lajupu belo pilo.

1 Tim. 3:15

ino munuvekepu shive namu nonguye Alhou kibolo, xuachekeu Lhou kukuhoulo kishi mlaithakepu keno hipau yesu lono ithipeniyeke. Akukuhouye kuchou tsukucho eno aboqhake.

MATTHEW 27:43

Pano Alhou shou pukhube acheni eno paye Alhou Nu ke ipi cheni. Tishiaye, Alhou ye itehino pa xapheluni cheni kemo keno junie!”

NAHUM 1:7

AMPEU ye aloke; shiluksa ghulokilo pano pawu timiqo susholu cheni; khunono pa lau ideighi nikeno pano tuchomujo cheni.

DANIEL 3:28

Akukauno pi, “Shadrak, Meshak eno Abednego noqo Lhou shelo, pano kungumi puwu puzu pa pulu chekeqo xapheluve peke. Panongu kuxu puwove tsumu tano panongu Lhou nguno alau kutau zulo pishiqhope mllamopi ino ahza tsu keu ghi lutsu moveke.

JEREMIYA 17:7

“Ikemu khuuno ipukhuni keno ino timi tipau kumghatsu nani.

ISAIAH 50:10

Nongu khunoqono AMPEU gihu cheni eno pa qeu tsa aghokulu shicheni keno, nonguno pula chekeu laghiye kuchouno zumoi aghiluvi, ikemu AMPEU pululo eno no Lhou shou mumubepe alo.

LESHELE 107:2

AMPEU no khunoqo shiluksa lono xaphelu keno tipaqono panongu xaphekulu ghili pilo. Pano noghumi launo xapheluke,

LESHELE 37:40

AMPEU no panoqo kuphu eno xaphelu cheni, pano kixikilami launo panoqo xalu cheni, kughengu pa pelo susholupeniye panonguno pukhuke.

LESHELE 36:6

Omikucho huye naghuto toi shosuyipe ani; owu kughakuthaye azughi kutho toike, timi eno tughashiye nono tuchohejukeulo ani.

MATTHEW 16:16

Simon Pitor no ishi khochile, “Noye xuakeu Lhou nu Mesiya ke.”

1 Kor. 15:10

Ikemu Alhou kupukini lono niye kiukeno tike, eno pa kupukini ilau tsukeu huye adou shivepemoe, tike kumo puzu, niye apostolmi kutami nguno alau ghichhe ghime kumla shi cheni, kuchouno ino shilu anike kumo puzu Alhou kupukini igholo akeu huno shilu anipeke.

2 Kor. 1:10

Pano akumsa kuyighupu lono ningu xapheluke, eno ningu xaphelu nani; eno ningu lajupu pa shou bepe anike pano itaghi ningu xaphelu anani.

1 Tim. 2:3

Hitoikeuye alokepuke eno Alhou ningu xakuluu pulouke,