1 Tim. 3:15 - BAIBEL (BSI)

¹⁵ ino munuvekepu shive namu nonguye Alhou kibolo, xuachekeu Lhou kukuhoulo kishi mlaithakepu keno hipau yesu lono ithipeniyeke. Akukuhouye kuchou tsukucho eno aboqhake.

Sümi Tiqhelimi Bible

¹⁵ I no munuve aye nongu pelo timi ye kíshi Alhou ki lo panongu likhi panongu süqeghili pephe-piye moayesa keno ithi peniye ke. Kughengu Alhou ki ye xü akeu Lhou kukuhou, atsükucho eno kuchou boqha ke.

Sumi Naga CL (Re-edited) Bible (BSI)

¹⁵ I no munuve kepu shinamu, nongu pelo Alhou kibo lo kishi mlaitha kepu keno ithi peniye ke; hi no aküxüpu Lhou kukuhou, kuchou tsükucho eno aboqha ke.

1 Tim. 3:15 Referans Kwoze

1 Peter 2:5

Akuxupu tuqu shi-ghi pa lau ighilo eno aghungulo ki shikeulo nongu peithapelo. Tilehi nonguye akimthe chinemiqo shighi Jisu Khristo vechewo aghungu lono aghashikeu Alhou lau ikhikulupushi mllalo.

1 Thes. 1:9

Timi tipaqo ampino ninguno nongu lau ighikelo nonguno kishi ni ikhilukeno piakhani; eno nonguye kuchou eno xuakeu Lhou qenike ghenguno ajulho mllakeu qhiveno Alhou lau ideighivekeu piakhani,

YEKIKITHI ATUGHIU 22:13

Tsala nono ayehza khikhi AMPEU no Muse vechewo tsu keno kumtsu pekupulu aye noye tokulu shi nani. Omlo kumto lo eno kiunomu oshi kuighuve pekevilo.

KUKAMI ATUGHIU 2:4

Tsalatsa nono pa gholu aye AMPEU no tushoqhi puakeu toi ivilo ilaghaqono panongu mlo kumtsu suno pa zah kutsu kutokupui pelu ake tivilo Israil shou ayeh pelu nani ipi puakeu shikupulu nani ipi.

Galatiami 2:9

Alhou no amakho hipau itsuke akukuholo sakiphemi shiaghikeqo, Jems, Pitor eno Johan ishino ithulu puzu panonguno Barnaba ikujo sasu aqo lakhi kepi petha shino kuposhulu. Nino Judakumomi gholo mla wunikeu shi eno panonguno Judami gholo mla nikeu shi kughalue.

Rommi 3:2

Ala thwokha lono heshekulu ani. Atughiu no, Alhou no pa sutsa pesu Judamiqo lau pichetsue.

MATTHEW 16:16

Simon Pitor no ishi khochile, “Noye xuakeu Lhou nu Mesiya ke.”

SAMUEL ATUGHIU 17:26

David no pa phivilo ngo akemi vilo iniju, “Filistiyami heqhiveno Israilmi thaigha akeu lono khaqhi phevetsuni kelo timi tipauye kiu ithulu nani kya? Hi ayekumthau Filistiyami pa khuukeno xukuau Lhou ghushimi shiptha shikukujo anikya?”

Rommi 9:26

Khipa-alo panoqo lau ‘Nongu ye iwu timi kumoe’ ipi puani keno, panongu pesu ‘Akuxupu Lhou nuliqo’ ipi kunie.”

Apostolmi 1:2

kungughalo saikuveke tsala kutolo mlakeuke. Pa saikuve mphilo Jisu no Aghungu Kimthe vechewo apostolmi khunoqo pano kishelukeno tipaqo vilo ahza kutsu shike.

John 14:6

Jisu no pa khochile, “Niye alaghi, niye kuchou eno niye akuxupuke, ivechemo keloye timi khunomu Apu lau wumlae.

MATTHEW 18:18

“Kuchouno ino nongu vilo pini, nonguno ayeghilo kiu tsughani keno kungughalo ghi tsugha nani eno nonguno ayeghilo kiu kuqhoni keno kungughalo ghi kuqhove nani.

KUKAMI ATUGHIU 2:2

“Niye thivenikeu do kupunuuvae. Tsaqu tsalei shino kughakutha shilulo,

JOSHUA 3:10

Joshua no pi, “Nonguno chewukelo pano Kananmi, Hatimi, Havimi, Perizimi eno Jebusimi qo haphevetsuni putsae.

ZAKINIU 31:23

Tileno AMPEU no Nun nu Joshua putsa eno pa vilo pike, “Akumto shi amlo kuloghi shilo. Nono Israilmi sasu ino panoqo vilo tushoqhive keu yeghilo ilolo eno ino ogholo anani ke.”

ZAKINIU 5:26

Akuxupu Lhou no ami lono putsakeu chilukelo timi khuala xulu puani kesha?

Piyeküsü 7:2

Tileno kungumi lakhino akuxu akeu Lhou wu amchi chishida kepu pesu tsukinhe kipelauno ipeghi. Kungumi tipauno kungumi mibidi, ti ayeghi ngo azughi ghime peniye akuka tsu puakeqo vilo asutsa kuloghi lono ishipi,

IBRIMI 12:22

Ikemu nonguye Zion tolo ighi ani, akuxupu Lhou phughi kungugha Jerusalem lo, eno kungumi kihikhamlakemi gholo ighi ani.

IBRIMI 3:12

Ithikuzumiqo, kutokupuyilo, kutou nongu gholo milakhi nomu amlo lhoksa eno pulumlakeu mlo xapu aghipuzu xuakeu Lhou launo ikiqivenosake.

1 Tim. 6:16

Pa likhino thimlakeuke eno avilo wumlakeu kuvulo acheni, khunomu pa ithulu puamokeu, eno khunomu pa shou jupukumla keuke. Agigihu kije eno lhokta kukaqha pa lau alo! Amen.

1 Tim. 4:10

Highenguno saye, ninguye ghichhe ghimeshi mla acheni kughengu ninguye timi kumtsu Xakuluu eno akhotono kupulumi Xakuluu, akuxupu Lhou lau niwu lajupu bepe puavae.

1 Tim. 3:16

Ningu chineyeh tuqhouye kiutoi kije keno khunomu moe pimlakeu ke! Pano timi phi-ashi shi ighike, Achipi kepi Aghungu no piyeve. Paye kungumino ithulupuani, Judakumomi gholo pa pesu pikulhave. Ayeghiqha kumtsulo pa puluwove, Akimthejukuvu lono pa sasu ikuve.

1 Tim. 3:2

Kughengu akukuholo sakiphemi lakhiye akipimi kuhakemi shimasae. Paye anipu lakhi likhi akemi shimasa, tsukhuyikemi alikhi aghasulukemi eno aghola kithikiyikemi shimasa. Paye inami sasuthikemi eno shikathikemi shimasa.

Kolosiami 1:5

tiye laju apenike ghenguno kungughalo kikepesu anike. Hipau lajupuye atsakiviu sutsa kuchou nongu lau ighi tughi lono nonguno chiluvae.

Ephesiami 4:21

Nonguye pa ghili chiluvea putsake eno nonguye pano kutsuluvekemi ke Jisu launo kuchou kiu akeno tipau nongu shikavae.

Galatiami 3:1

O Galatiami mbomzumiqo, khuno nongu shikughuzuve kya? Nongu nhethino ithulu akeshi Jisu Khristo kros lono yedave keu vejoi lhepiyeve ake kumo kesha?

2 Kor. 6:16

Alhou chineki ngo asu-atu ajulho pama kiu lono pulokile kepu ani kya? Kughengu ninguye xuakeu Lhou chineki ke, Alhou no ishi piveke toi: “Ino panoqo lolo xuni eno panoqo gholo acheuveni; Ino panoqo Lhou shini eno panonguye iwu timi shiveni.”

Apostolmi 14:15

eno ishi igha. “O nongu timiqo, nonguye hiye kiu shi ani kya? Ningu ghi nongu toi timi ke, eno ninguye atsakiviu nongu lau asheshu anike, tishianguno nongu pelo hi avehu kuhamithekeu lono nonguno akuxupu Lhou lau ideghi peniyeke. Akuxupu Lhou no atsutsu, ayeghi, azughi eno tile akeu kumtsu mlake.

John 6:69

Nino pulu eno ithikeuno noye Alhou launo ighikeu Akimthe lakhike.”

John 1:17

Alhou no Muse vechewo Ayezah tsuke, ikemu kimiye kini eno amikuchouye Jisu Khristo vechewo ighi.

DANIEL 6:26

Ikukaqhalo timi kumtsuno Danel Lhou musa penike eno gihu penike ino ahza tsu ani. Paye akuxupu Lhou, pano ashekha kuha ayehpe nani. Pa kukaqha khilemu shipusamo nani. pa kukaye ashekha shive mla nani.

JEREMIYA 23:36

Tishiaye panonguye khilemu ‘AMPEU makho,’ ipikeu tsalothi peitha kepu kumoe, kughengu milakhi nomu tipau peitha aye, ino itsape pesu pa shou amakho kuchou lakhi shipe nanike. Timiqono xuakeu Lhou, Aqokitikhi MPEU, panoqo lhou tsalothi suchighive anike.

JEREMIYA 1:18

Julo, Juda yeghiqhalo akemi kumtsu kukami, kijemi, achinemi eno timiqono omujo nani. Ikemu ino ishi tsala lono panoqo mujochile kulupu kumto otsu ani eno noye aphughi veho putupuakeu phughi lakhi toi nani, ayino shikeu tsukucho toi nani eno alazayi pesu putupuakeu toi nani.

LESHELE 84:2

Niye tile anishi ke! Niye AMPEU chinekilo anishiqhiyi achenike. Iphimpi kuchopuno akuxupu Lhou lau alokivishi alepheke.

LESHELE 42:2

Niye tughuthi keshi akuxupu Lhou phucheni, niye kughono Alhou zulo wuno pa mlla ngolu nani kya pilae?

SAMUEL ATUGHIU 17:36

Oqeuye abongushuqo eno avaqo ghi heqhi puani, ikehu hi ayekumthau Filistiyau ghi tipaphi shivetsu nani, kughengu pano xukuau Alhou ghushimi thaigha ke,

IBRIMI 9:14

Khristo jihye tinguno shishe alau shilupe puanike. Pano lhokta Ghungu vechewo tukutiye kuhamithe ghi Alhou lau pa likhi pa pephe tsuvekeu pa jih huye avehupu kuhamithe keu kumla lono ningu mlo lotsuh shikimthe pesu akuxupu Lhou qelupeniyeke.

2 Tim. 2:20

Aki kuloghi lakhiloye shunatsandiyino akhu ajukhu shikeu likhi achemoe, ikemu hamiye ayeghi ngo asu pesu shikeu acheni; hamiye avehu akhotopu lono peitha cheni ikemu hamiye inapugha peitha cheni.

1 Tim. 3:5

Kughengu timi lakhino pa kibo peitha nikeu mtha aye paye kishieno Alhou kukuhou tuchohejuluni kya?

2 Kor. 6:7

kuchou tsape shikeu, eno Alhou kuka ishi akeu lono ninguye Alhou qemi kepi xupiye acheni. Ghiha eno susho kepushi ninguye amikucho zutakihi ani.

2 Kor. 3:3

Nonguye mutsuqheyino Khristo launo ighikeu, ninguno ikhiphe sughi keu yesu lakhike. Hiye akiyezu pesu atu luphaqo shou yepuku keu kumono Alhou Ghungu pesu timi mlolo yesupukukeu ke.

John 18:37

Ikelo Pilat no pa iniju, “Tishiaye noye akukau lakhi kesha?” Jisu no khochile, “Niye akukau lakhi kepi nono pianie. Ipunukeu eno ino ayeghiqhalo ighikeu kimijiye highenguno ke: Kuchou ghili ashepe tsuniyeke. Khunono kuchou laumi keno paye isutsa inicheni.”

HOSIYA 1:10

Israil lo akemiqoye azughilo asaye paphi shive nani, panoqoye kihikhamla eno mighiwo tomla kepu shive nani. Itehiye Alhou no panoqo vilo, “Nonguye iwu timi kumoe.” ipike, ikemu pano panoqo vilo ishi pinikeu tsala wocheni, “Nonguye akuxupu Lhou nuliqoke!” ipi pi nani.

JEREMIYA 10:10

Ikemu AMPEU, noye kuchou Lhou ke, noye xuakeu Lhou eno lhokta kukau. Nono aloghu ide kelo ayeghiqhano itha; ashiayehqoye ologhu pumlake.

KUKAMI AKINIU 19:4

Asiriya lo akukauno paw kijemi atou hapuwuno akuxu kuau Lhou thaigha anipe. AMPEU oLhou pelono hi kuthakugha tsa chiluno piqhikemiqo lau aghime tsupeniu. Tighenguno ningu achilishi akemi nitimiqo ghenguno Alhou vilo inikhutsulo.”

1 Kor. 3:16

Nonguye Alhou chineki ke eno Alhou Ghungu no nongu lolo acheni kepi nonguye mtha kesha?

1 Kor. 10:32

Judami, Judakumomi momu Alhou kukuhou pelo shokukhomo kepushi xulo.

1 Tim. 3:14

Niye kushuwa kumolo nongu lau ighinikeu kumsu ani kemu nongu lau hipaqo yelu ani, tishianguno

2 Tim. 2:19

Ikemu Alhou no ghope qhikeu akumto boqha huye tulamlae; tipaulo ishi yepuku puanike: “Khunoqono Ampeu wu timi keno pano tipaqo ithi ani,” eno “Ampeu laumi ke pichekeqoye alhoksa kumla launo putosuvelo.”

IBRIMI 10:21

eno Alhou ki shou ninguye achinemi akijeu lakhi anikehu

1 Peter 4:17

Alhou kibolomi shou paghi kughathabe keu huthunikepu ghuloki ighivae; eno ningu lau paghino huthutughu shiani aye Alhou tsakiviu pulumovekemiye ashekhalo kiu kishive nani kya?