1 Tim. 1:13 - BAIBEL (BSI)

¹³ kethono puzuu niye pa thaighakemi, pa shikimighikemi eno aka- aghavesu kemike. Ikemu pano ikimiyekututsue kughengu pulumokeu lono mthano ino mlaithacheke.

Sümi Tiqhelimi Bible

¹³ Ghuthu lakhi lo ni ye achine pipütha chekemi lakhi, Khristomi pishi-puju chekemi lakhi eno ngukangughami lakhi shi aghí namu, I lau kimiyekini pìye ke kughengu ni ye mtha keu eno pülü müla keu lono mülà itha cheke.

Sumi Naga CL (Re-edited) Bible (BSI)

¹³ kuchou lo püzüu ni ye achine pipütha che, paw timi shikighime eno akaghashi mjochile cheke. Ikemu I no paw kimiyekini ithulue kughengu ni ye kümtha kimini lono mlaitha püake,

1 Tim. 1:13 Referans Kwoze

Apostolmi 8:3

Tishi akelo, Saul ye akukuho kutsaniye pukaputsa ae. Pano aki kumtsulo ilo puzu kupulumiqo kiptimi ngo totimi sunhekiti sasu ipe puzu akughukilo sunhesu.

1 Peter 2:10

Ghuthu lakhilo nonguye Alhou timi kumoe; ikemu itehiye pawu timi shivae; ghuthu lakhilo nonguye, Alhou no kimiyeqhiyi keu ithumlano cheke ikemu itehi nonguye pano kimiyeqhiyi keu ithuluvae.

Apostolmi 9:13

Ikemu Anania no khochile pi, “Ampeu, timi hipauno Jerusalem lo kishi owu timiqo ghimeqhi puani keno timi kutomo launo ino chiluvae.

IBRIMI 4:16

Tishiaye, ninguno amlo kuloghi shipuzu Alhou kuka lakhu khilehi kupukini ani keno tipa-alo kupunu wuni nolo. Tileno ninguno avehupu shikutu akelo ningu kuphulu kepushi Alhou kikimiye ithulu eno paw kupukini phulu nani.

Apostolmi 3:17

Ike ithikuzumiqo, ino ithi anike nongu eno nongu wu sakiphemino Jisu shou kiu shikeno tiye mbomzu lonoke.

Luke 23:34

Jisu no pi: “Ipuo, panongu kipimi qhivetsulo! Panonguye kiu shi ani kela mtha aphie.” Panonguno asaqhi puzu pa phimini panongu dolono kije luve.

1 Tim. 1:16

ikemu puthaputsano Alhou no hipau kiqi ghenguno ikimiyekutuke tishianguno ni axinemi gholo alhoksau lolo Khristo Jisu pelo pawu kutuukulu lukumkhashi piyelupeniyeke. Pano ipelo hithiu pa pulu lupuzu lhokta kuxu ithuluniye akeqo lau kichekipiye lakhi shipeniyeke.

FILIPIAMI 3:6

eno azukini shichekeu lono piniaye niye akukuhou shikighimeqhi chekemi lakhike. Ayezah pelukeu lono amikucho shikulupu shiaye niye tukutiye kiumu kuhakemie.

Galatiami 1:13

Ino Judami chineyeh lo kishi amlo tsuqhiyi achekeno nongu vilo pivae, ino suchilemono Alhou kukuhou, shikighimeche eno tipau shipuhave nike pukaputsa cheke.

1 Kor. 15:9

Kughengu niye apostolmi gholo anipau ke eno apostolmi kepi ku kuzupu ghi kumoe, kughengu niye Alhou kukuhou shikighime cheke.

1 Kor. 7:25

Itehiye kulamokemi vilo hi pitsuni: Ampeu launo tsukeu yezah niye kuhae ikemu Ampeu wu kikimiye vechewo niye pukhubekulumi lakhi shighi ikukumsu lakhi tsu ani.

Apostolmi 22:4

Timi khunoqono hipau Laghi pape cheghini keno thimoke kutolo ino shikighimeqhi cheke. Kiptimi na totimi pinamu ino kughasuwo akughukilo sunhesuve cheke.

Apostolmi 9:5

“Ampeu, no khuu kya?” ipi pano iniju. Asutsa huno pi, “Niye Jisu, nono kijipusa akeuhu ke.

Apostolmi 9:1

Ikelo Saul ye Ampeu no kutsukeulo papeluvekemi pithive nikeu shi kichikumsa ake. Pano achinetou lau wu eno

Luke 12:47

“Aqemi khuuno pa mpiu pulou ithi akemu tipa kiqi lono kutope mla aghimo nikeno shisheno kumo ghaqhi nani.

HOSIYA 2:23

Ino aghakhulo iwu timiqo qhiwo nani eno panoqo kinikulu shitsu nani. Khunoqo vilo “Kimiyemoke” ipiche keno tipaqo lau ino kikimiye piye nani, eno “Iwu Timiqo Kumoe” ipiche kemiqo vilo, Ino ishi pinani, “Nonguye iwu timiqoke” eno panonguno, “Noye niLhouke” ipi khochile nani.

AKIKIHI 15:30

Ikemu timi khuuno puthaputsano axine shiveni keno paye aghami shi aghina inaghami shi aghi mu paye AMPEU hebide vae, timi tipauye pithivelo,

ACHINE 13:16

Ikemu kughono apiyi viveni keno eno metsughoi kitheve aye timi tipauye achineu lau wulo