1 Tim. 1:10 - BAIBEL (BSI)

¹⁰ salha-shupukemi, kiptimino kiptimi sasu kughupakemi, timi kughasawo jekemi, akimkimi, akimki shepe shikemi momu kuchou kukutsu nguno bidelau kiukiumu shikeu ghenguno ayezah mlape puacheni,

Sümi Tiqhelimi Bible

¹⁰ kipito mikuchokumomi, kipitimi no kipitimi dolo eno totimi no totimi dolo asalha kümlà shi chekemiqo, aqüaxemi pesü lhidi shi chekemiqo, akimkimiqo eno akimki shoqhi shi chekemiqo, eno tipau gholo kiu-kiumu kuchou külü nguno bidelau akeqo ghenguno ke.

Sumi Naga CL (Re-edited) Bible (BSI)

¹⁰ kipti toti dolo mithekumo, kiptimi no kiptimi sasü shupu kemi, timi kügha sawo aqüaxe shiche kemi, kimkimi, akimki shepe shikemi, eno kiu kiumu kuchou kükütsü nguno bidelau akemi ghenguno ayezah mla püani,

1 Tim. 1:10 Referans Kwoze

ACHINE 18:22

Kiptimi khuumu kiptimi kutami sasu kipto kuqhakepu kumoe; Alhou no tipau jumithi ke.

2 Tim. 4:3

Kughengu timino kuchou kukutsu lumonike ghuloki ighi nani, ikemu muthomuzayi keu kini xapu panongu gho-apulou shipenishi kelauno panonguno ininishi akeu likhi pitsupenikemi akukutsumi sawo qhi nani.

Rommi 1:26

Hipaqo ghenguno Alhou no panoqo pesu akukujopu ngosukumlalo ikhiphepe tsuvae. Totimi thotsu alhoayeh lono aphimpi peithachekeu hu akumou ghusho ghililo peithauve.

Piyeküsü 21:27

Ikemu kiukiumu alhoksano kitiqevekeu thaqhuye aphughi tipaulo ilomla, momu khunono akukujopu kumla shi cheni eno miki cheni keno tilehi ilomla nani. Timi khunoqo je Bheriti wu akuxupu kakulo yepe puaghini keno tipaqo likhino aphughi tipaulo ilolu nani.

1 Tim. 6:3

khunono akukutsu kutau kutsupiye eno niMpeu Jisu Khristo tsa kuchoulo kuqhamoni keno eno kuchou chineyeh kukutsulo kuqhamoni keno,

Jude 1:7

Sodom ngo Gomora eno tipau sukumxalo aphughi akeqo kumsululo. Timi tile akeqono kungumi hupaqo toi shike, panonguno kipitimi totimi dolo mithemokeu eno chighichilai keu shike, alhomi pesu panongu shou aghime tsukeu huno kumtsu zulo kichekipiyeke.

Titus 1:9

Paye ashepe tsa hu mutotoi pelu aghimasae tishi keuno tipau pukhukulupu shilu eno kuchou kukutsutsa sasu aphiphi shimasae. Tishi anguno kuchou kukutsu pesu kutami shikumtolu eno tipau ghobide chekemi tsa theqhilu nanike.

Piyeküsü 21:8

Ikemu akumsami, pulukumlami, kitiqevekemi, ghikiqhimi, kusalhami, kuduu shichekemi eno ajulho shisukeu mllakemi eno kimkimi kumtsu ami ngo amichu pitiakeu yizulo anani, tiye akithi akiniuke.”

IBRIMI 13:4

Timi kumtsuno kulakupu gihukepu shilo; eno akimi anipu dolo pukhukile kulupu shilo; kughengu kiptimi totimi dolo mithemokemi eno kutuqha chekemi shou Alhou no kughathabe nani.

ACHINE 20:13

Timi lakhino kutami lakhi sasu sazu aye pamaye aphikumqhupu shive ake, eno pama kinikujo heqhi pithivelo. Pama kithiye pama makhoke.

Piyeküsü 22:15

Ikemu aphughi nguno khalauye alhoksa kitiqevekeqo, kuduu shichekemiqo, salha shupukemi, ghikiqhimi, ajulho shisuno tipau mllakemi, akimki kimiye eno miki cheni keno tipaqono acheni.

2 Tim. 1:13

Nono ilauno chilupua keu kuchou tsa ghola hu papechelo, eno Khristo Jisu gholo akupulu eno kikimiye akeulo xuachelo.

John 8:44

Nonguye nongu papuh tughami tianuliqoke eno nongu pulouye nongu papuh ghoapulou shinishie. Inahu abothu lono paye ghikiqhiu ke. Paye khilemu kuchou kudau ajumphie, kughengu pa lolo kuchou kuhae. Kughou pano akimkitsa pinikeno pa lhoaye lono kiu keno tipau shi anike ghenguno paye akimkiuke eno akimki jeli kumtsu papuh ke.

IPEKULU 21:16

“Timi khuuno kutami kughalu no jekideni momu pa qeu shipe nikeno pa pithive masa.

BOTHUBO 19:5

Panonguno Lot ku no pavilo ishi pi, “Itiji ogholo ngoniye ighikemiqo hu khile ani kya? Pama nilau saipeghilo eno ninguno panongu sazunie.”

Titus 1:13

Hipa tsaye kuchoue. Highenguno noye panongu ghegheyi sakiyilo, tishianguno panonguye kuchou kupulu shilupe nike,

IPEKULU 20:7

“Alhoksa kimiji ghenguno ije peithamoni kughengu khunono ije peitha pusani keno Ni, nongu Lhou AMPEU no ghimeqhi nanike.

Piyeküsü 18:13

Yeghuthi, vekuju mukhu, tsungquikeu, musughuta, axokutsungu teli, aji, teli, asho thi, atsu-aqu, bheri, khurshi khurkulu, aqemi eno timi lhoxu jeli khunomu qhulumoae.

ZEKHARIA 8:17

Kutami ghuzakileni keu laghi kughupe qhikevilo. Tushoqhi akelo kichileu shepe shitsu kevilo. Niye akimki ngo amikucho kumo xakutha eno heqhi buqhikeu mithi chenike.”

HOSIYA 10:4

Panonguno alatsa likhi zacheni eno kichileu shoqhi shi cheni eno avehu kuhakeu puloshoqhi shi cheni. Alu hokidepe puakeu lulo tughu lupi thuwu akeshi kuchou xakuthaye kichileu xakutha shivetsuke.

ZAKINIU 24:7

“Khuu khuumu akusami Israilmi kughasawo pa qemi shipe momu aqemi shipeniye jesuve aghi kemiye pithive masake. Hitoi shipuzu alhoksa hipau shipuhaluve nanike.

MALAKI 3:5

Aqokitikhi MPEU no pi, “Niye kughatha nike nongu gholo ipeghi nani eno khunoqono kuduu shi cheni, salha shupu cheni, akimki shepe shi cheni, khunoqono pano kumlami atha tsukelo pishiqhi cheni eno khunoqono chimemi, mighimghaqo eno inaghami hapheve cheni eno isumsa chemo keno timi tipaqo shou ngukube nike ino ashepe tsunike ighi nani.

ZEKHARIA 5:4

Aqokitikhi MPEU no pike pano musuinikeu hipau puwuni eno tipauno kupkami lakhikhi kilo ilo nani, tushoqhikelo mikikemi lakhikhi kilo ilo nanike. Hiye panoqo kilo ngoauve nani eno pano kuxu ixapinyipe qhive nani.”

BOTHUBO 40:15

Ino kuchouno pini, niye Ibrimiqo yeghilono ikugha pesu wuveke eno hile pinamu akughukilo ikugha pesu sukuzupu niye kiumu mlaitha puamoe.”

BOTHUBO 37:27

Ningu pa kughape hi Ismaelmi vilo jesuvenie, eno ningu u pashou bemonie kughengu paye ningu thikuzuu eno ni shi ni jike.” Pa thikuzumiqono pagholo pulokuqhaluve.

1 Tim. 4:6

Nono akukutsutsa hipaqo pesu athikuzumiqo lau tsuluaye noye Khristo Jisu qemi kivi lakhi ake, eno akupulu tsa ngo kuchou kukutsu nono pulhapuju pepimhe chekeu huno no ampi lojiputhulu nani.