1 Peter 5:10 - BAIBEL (BSI)

¹⁰ Ado ikhonhei nonguno aghime shive kethiu, Khristo gholo nonguno xukimepe akeu lono lhokta kimthe jukuvulo nongu kuluvekeu Lhou, kukumgha kumtsu akeu Lhou huno pa ampino nongu shikumto, shiqhetsu eno nongu boqha shitsu nani.

Sümi Tiqhelimi Bible

¹⁰ Eno küpükini Lhou khuu no nongu pelo ado kitila imeve kethiu Khristo lono lhokta juküvü küsaje peniye kulù keno, pa no nongu athoputho tsü no nongu pelo akumto shi ithamo no mutotoi ngolu pe nani.

Sumi Naga CL (Re-edited) Bible (BSI)

¹⁰ Nongu no ado kitila imeve kethiu, kikimiye küpükini kümtsü akeu Lhou, Khuu no Khristo vecheo Paw lhokta juküvü lo nongu kuluve akeno, Pa ampi no nongu pesü atho puthotsü, aküpülü iqhikumto tsü, aküka tsükithe, eno aboqha kumto lo shosü nani.

1 Peter 5:10 Referans Kwoze

2 Kor. 4:17

Ninguno ghicheghime dolo ikhonhei sholu akeu huye kiunomu pe kimghimlakeu lhokta kimthe jukuvu lakhi saghitsu nani.

2 Thes. 3:3

Ikemu Ampeu ye pukhubekuluke; pano nongu shikumtotsu nani eno alhoksau launo nongu shokhalutsu nanike.

Jude 1:24

Itehiye, nongu pelo veqhipemono jukutochekeu lau eno pa kimthe jukuvupu kungo-alo alokivishi eno tukutiye shimono nongu saghilu nikeu lau,

LESHELE 138:7

Akupunano isuhuluve namu, nono ikuxu puxutsuke. Nono oghumi loghu shou o-u chho puwuno okuka pesu ixalue.

1 Tim. 6:12

Akupulu ghushi akivishi shilo, eno lhokta kuxu phekevino tsuqululo. Thopimi kutomo kua lono nono piphe keu vechewo Alhou no okulu keulo tsaqui mutululo.

2 Thes. 2:17

amlo kuloghi pesu tsu eno nongu shikumto tsuno atsapi lona akumla lonamu akiviu shilu peniyeke.

2 Kor. 13:11

Ashekhalo ghi athikuzumiqo, ileno alo! Kupukulu shinikeu kohakishilo; ino pikeu inilo; lakhino lakhi sasu kumtsa pulo kuqhalo, eno alokiqi shi xulo. Kimiyekini eno alokiqi Lhou no nongu gholo anani.

1 Kor. 1:9

Alhou ye pukhubekuluke, pa Nu Jisu Khristo, ningu Mipeu gholo kuposhulukeu apenike pano nongu kulukeu Lhou huke.

1 Thes. 2:12

Ninguno nongu mlo shikumtotsu, ninguno nongu lokughunotsu eno Alhou no pa yehkipe eno pawu akimthe jekipilo nongu kulukehu pa pulou lono xupenike ninguno nongu hakitecheke.

Rommi 16:25

Itehiye ino Atsakiviu eno Jisu Khristo ghili pikulhache keu kiqi lono nongu shikumtolu chekeu lau eno mzamghaleyi pephepiyekeu khikhi tiqheli kushuwa kutolo kusupe acheke,

ZEKHARIA 10:12

Ino iwu timiqo shikumtope mutotoi nani eno panonguno imlla eno igholu nani.” AMPEU no piqhiveake.

ZEKHARIA 10:6

“Ino Juda lo achekemi shikumto nani; ino Israil lo achekemi hakholuve nani. Ino panoqo shou imlo ighiqhiyikeu anani eno panoqo kumtsu pano ghakhulo sachile saghi nani. Panonguye ino khilemu panoqo pevemoke toive nani. Ino panoqo Lhou AMPEU ke; ino panoqo kighini khochile tsu nani.

2 Peter 1:3

Alhou no pa kimthe jukuvu eno akivipuno ningu kuluvekeulo paye khuu keno tipau ithikeu kighithi vechewo Alhou lau amlo tsuqhiyikepu kuxu xulupe nikeulo pa kuka kumtono thwokha jeli ningu tsupe puani.

1 Peter 1:15

Ikemu nongu kulukeu Lhou ye akimthe kehu nongu ghi suqesuli kumtsulo akimthe shilo.

FILIPIAMI 4:13

Khristo no ishikumtokeu vechewono niye thwokha shikulupu kuka anie.

2 Tim. 2:10

eno Alhou wu kishekiphemiqo ghenguno niye thwokha puqheluvetsu anie, tishianguno panongu ghi Khristo Jisu launo akimthe jekipino xakulupushi akeu ithulupeniyeke.

2 Thes. 2:14

Ninguno atsakiviu pesu nongu vilo asheshukeu vechewo Alhou no hipaulo nongu kuluvae, tishianguno nonguye ningu Mpeu Jisu Khristo kimthe jukuvu alupeniyeke.

Luke 22:32

Ikemu Simon oghenguno ino inikhuvae, ti okupulu iqeve pemo nike. Kughou nono ilau ideghive nikeno othikuzumi shikumto masae.”

LESHELE 86:5

Noye nilau akivipu eno ikhilukeu shiacheni, ovilo inikhukemi kumtsu lau iqemokeu kikimiyeno chhitoi anike.

2 Tim. 1:9

Ninguno kiuala shilupuaghike ghenguno kumoe ikemu pa pulou kimiji eno pa kukupu ghenguno ningu pelo pawu timi shipeniye pano ningu xalu eno kuluke. Hiye khaghino Khristo Jisu gholono ningu tsuke,

LESHELE 86:15

Ikemu O AMPEU, noye kupukini eno kimiyekini Lhou ke; alhokupujulo kutuukulu, kimiyekeu eno pukhukulupu.

Kolosiami 2:7

Pa gholono nongu kuhu qusulo, nongu kuxu shiqhepuku chelo, nongu kutsupiyeve ketoi akupululo mutotoi thuwululo eno shikimthi keuno qochili alo.

Rommi 15:5

Kheakulu eno shikumto tsu chekeu Lhou pelo nongu gholo Jisu Khristo kuxu ghola papesu akukumsulo aphiphi shilupekepu nongu kophetsu peniu,

1 John 2:25

Khristo no ningu tsunike piqhipua keu huye lhokta kuxuke.

IBRIMI 9:15

Highenguno Khristo no Puloshoqhi Akitheu pekime kutsuuke, tishianguno Alhou no kuluvekemi pelo lhokta mheghi piqhipuakeu ithulupe niyeke, kughengu akithi lakhi thipe puakeu huno timino puloshoqhi atughiu qholo akelo pimipuakeu launo panongu xachile phelu anike.

Rommi 15:13

Lajupu tsuchekeu Lhou pelo nonguno puluakeu vechewo alokivi eno alokughuno pesu nongu lolo shepichhitsu apeniu, tishikeuno Aghungu Kimthe kuka vechewo nongu wu lajupu heshelu penike.

Rommi 9:11

anga pama punu mphi lono eno akivi-akusa kiumu shimphi loghi Alhou no kishepuakeu kibesu wunike ghenguno li vilo ishi pike, “Akichiuno ayitiu qe nani.”

1 Peter 4:11

Khunono asheshu cheni keno paye Alhou tsa pesu asheshulo, khunono kutami qe cheni keno paye Alhou no tsukeu kumto pesu qelo, tishianguno thwokhalo Jisu Khristo vechewo Alhou kimthe jekipipu shilupenike. Alhokupuju lono alhokupuju kutolo akimthe jukuvu eno ayehkipeqhaye pawuke. Amen.

Rommi 9:24

Ninguye pano kuluvekeqoke, tiye Judami gholo likhino kumoe ikemu Judakumomi gholono ghike.

LESHELE 119:28

Niye amlo ghimeno chhivae, nono tushoqhivekeu toi ishikumtolo.

1 Kor. 1:10

Athikuzumiqo niMpeu Jisu Khristo kuka akeu vechewo ino nongu qhuiniju anike, nongu kumtsuno kuptsa kuqhalulo eno nongu gholo kijethakile keu apekevilo; ikemu akukumsulo eno kughathalu keulo aphiphishi kuqhakulu shilo.

1 Peter 4:10

Milakhi khino Alhou no kupukini gho ajeli tsukeu peitha kithimi shipuzu Alhou launo kiu gho ithulu keno tipau kutami kivipu ghenguno peithalo.