1 Peter 4:2 - BAIBEL (BSI)

² Tishianguno ayeghilo kuxu hipau xuake thaqhulo ashiajino ngosukumla lono xumono Alhou pulou lono xuwuveniyeke.

Sümi Tiqhelimi Bible

² Hi ghenguno, panongu ye ayeghi lo xü ake thaqhülo ye timiw shinishiqhiyi keu küsakügha küxü lo xü chemoe, ikemu tishini ke züqhu Alhou pulou ghenguno xü acheni.

Sumi Naga CL (Re-edited) Bible (BSI)

² tishianguno ashi phimpi xapu xüake tivilo pitipüza keu xine lono kumono Alhou pulou lono xüniye ke.

1 Peter 4:2 Referans Kwoze

1 Peter 1:14

Aghokulumi shiluvelo eno nonguno puzuu ayekumthalo achekelo ngosukumla gholalo nongu kuxu pepimhe kevilo.

Ephesiami 6:6

Timi lokiqipu shichekemi toi nongu shou ampemi nhekithelo likhino shikevilo ikemu Khristo qemi kehu amlo kuchopuno Alhou pulou kiukeno tipau shilo.

Rommi 6:11

Ike tihutoi nonguye axine kudauye akithi shivea ikemu Jisu Khristo gholono Alhou kudauye xuanie pi kumsuluve kepue.

2 Kor. 5:15

Pano timi kumtsu ghenguno thive kehu khunoqomi xulu keno tipaqoye pututa kuxu xupemoniyeke, ikemu panongu ghenguno thiveno xuputhuvekeu timi lakhi ghenguno xupeniyeke.

Ephesiami 2:3

Ghuthu lakhiye ningu kumtsu timi tipaqo toi ningu shi-aji pulouno minheqhikeu xapusu xucheke eno ningu phimpi akukumsuno minechekeu papecheke, ikehu timi kutamiqo toi ninguye alhoaye lono Alhou loghu sholukemi shicheke.

Rommi 6:2

Tiye khilemu kumoe! Ningu axine launo thivekemiqoye kishi puzu itaghi tipaulo xuani kya?

Ephesiami 4:17

Tishiaye, Ampeu je lono ino hipau piani eno hi pikithe ani: nonguye khilemu Alhou kuhakemi toi xukevilo; panongu kukumsu abokumsake,

Rommi 14:7

Ningu khumu pututa ghengu likhi xu achemo eno ningu pututa shelo likhi thive chemoe.

1 Peter 2:1

Tighenguno kusakugha kumtsu eno akimki tsa pikeu eno kuhakugha eno axekusu eno xishikile keu tsa kumtsu qhivelo.

LESHELE 143:10

Noye iLhou ke, opulou shipe nike ishikapiyelo. Ilau akivi shitsulo eno ala kumzulo isachelo!

John 7:17

Khunono Alhou pulou shini shikeno tipanono ino kutsukeuye Alhou launo keo momu ilikhi ilotsu lono piani keno ithi nani.

Mark 7:21

Kughengu alou timi mlo lono alhoksa kukumsu ipeghikeu lono hipaqo shi cheni: Asalha, akupuka, timi ghiqhi, kutami nipu sazukeu,

Mark 3:35

Khunono Alhou pulou shi cheni keno tipaqono ithikuzumi, ichelimi eno izake.”

HOSIYA 6:7

“Ikemu panonguno Adam toi ayeghi lo ighi kemtsa ino panoqo sasu puloshoqhi shikeu kubolevetsu.

1 John 2:17

Ayeghiqha eno tipaulo mineche keu jeli kumtsu wove ani ikemu timi khunono Alhou pulou shi cheni keno alhokupuju xu acheni.

James 1:18

Pa likhi pa puloushi kuchou tsa pesu ningu pelo aghilupeke, tishianguno pano lhokeqo gholo amusuu xathi shilupeke.

IBRIMI 13:21

pa pelo thwokha kivi jeli pesu nongu tsupuzu pa pulou shilupeniu, eno pano Jisu Khristo vechewo pa lokiqipushi nilolo shilupeniu; alhokupuju lono alhokupuju ghenguno pa lau akimthejekipi achepelo! Amen.

1 Thes. 5:18

kiukiu sholu aghinamu shikimthi alo, kughengu nonguno Jisu Khristo lono xuchekeulo Alhou pulouye nongu ghenguno hipauke.

Kolosiami 1:9

Ikehu ninguno tipau chiluke tsala lono ningu ghi tamono nongu ghenguno inikhutsu ani. Alhou pulou kighithi eno tipau ithikuthulu kepushi Aghungu no tsukeu lokutsu pesu nongu lolo sutsupe nike ninguno inikhutsu anike.

Ephesiami 5:17

Tighenguno mbomuzumi shi akevilo ikemu Ampeu no nongu pelo kiu shipenishi anikeno ithikutolulo.

Rommi 12:2

Hipa yeghilomi ghola hakevilo ikemu nongu kukumsu shikithelukeu vechewo nongu lolo pekililulo. Tishiluaye Alhou pulouye kiuno akivipu, kiuno pano ikhilu kuzupu eno kupukulu keno nonguno ithi kututa shilu nani.

Rommi 7:4

Ithikuzumiqo, nongu ghi tihutoike. Nongu ghi Khristo philo lakhi shive akehu ayezah kudauye nonguye thivae, tishikeu lono nonguye itehiye akithi lono xuputhuvekeu wu shivae, tishianguno Alhou ghenguno ningu pelo athi pithilupeniyeke.

John 1:13

Panonguno Alhou nuli shilukeuye timi shiaji pulou momu timi gho launo kumoe, ikemu Alhou launoke.

MATTHEW 21:31

Hipama dolo khikhiuno apuh pulou shitsu kya?” “Akichiuno” ipi panonguno khochile. Tileno Jisu no panoqo vilo ishipi, “Kuchouno ino nongu vilo pini, asuqha kuqhami eno kutuqhalimino nongu zuuno Alhou yehkipe qholo ilolu anie.”

MATTHEW 12:50

Kughengu timi khuuno iPuh kungughalo akeu ghoapulou shini keno tipaqono ithikuzumi, ichelimi eno izake.”

MATTHEW 7:21

“Ivilo, ‘Ampeu, Ampeu,’ ipi ikukemi kumtsuno Alhou yehkipelo ilolunike kumoe, ikemu khunoqono iPuh kungughalo akeu pulou shi cheni keno tipaqono ilolu nani.

Kolosiami 4:12

Nongu gholomi, Khristo Jisu qeu Epafra no petha tsupuwu ani. Pa kighinilo pulhapuju amlo tsuqhiyi nongu kumsulu acheni, tishianguno nongu pelo Alhou pulou kumtsulo mutotoi puthugholupeni, tekhoyi shilu peni eno mutsuqheyi shikutolu peniyeke.

Kolosiami 3:3

Kughengu nonguye thive ake eno nongu kuxuye Khristo gholono Alhou no kusupe anie.

MATTHEW 20:4

Ikelo panoqo vilo ishipi, ‘Nongu ghi atsayilulo hulo, eno nongu jume kiuno achipiu keno ino tsunike.’