1 Peter 3:8 - BAIBEL (BSI)

⁸ Ashekhashi, nongu kumtsu akukumsulo ngo amlo imekeulo lakhishi kuqhakulu shilo; athikuzumi kimiyekile ketoi lakhino lakhi kimiyelo eno lakhino lakhi lau amlo kumtsha eno ivunheyi shilo.

Sümi Tiqhelimi Bible

⁸ Ashekha shi, nongu kümtsü akükümsü lakhi shilo, lokughuno kilé lo, lakhi no lakhi kimiyekilé lo, kimiyeqhiyi lo eno akuchunu shilo.

Sumi Naga CL (Re-edited) Bible (BSI)

⁸ Ashekhashi nongu kümtsü no akükümsü lo küsükidikulu alo, amlosa küqhalo, athiküzümi toi kimiye kile lo, amlo kümtsha, eno aqhokigheu kükümsü pulo.

1 Peter 3:8 Referans Kwoze

Rommi 12:10

Athikuzumi kimiyekile ketoi nongu lakhino lakhi kimiyekilelo; gihukilenikeulo kuhakilelo.

1 Peter 1:22

Itehiye nonguno kuchou lau aghokulu shino nongu kuxu shikimthevae eno kupulumi akusamiqo mutsuqheyino kimiyekeu anie, tishiaye nonguno amlo tsuqhiyi shino lakhino lakhi kimiyekilelo.

Ephesiami 4:31

Kuqhu mo,aloghu, amlo kighide, muqhumuza eno thaighakeu jeli kumtsu pevelo.

James 3:17

Ikemu kunguuno ighikeuye mithemitheyi keuno atughiu. Hiye alakishi, iqunei keu, ikhilukile keu, akipimi pevekutsuno chhitoi eno alothi akivi pithi cheni; hiye agijukeu momu kuhakugha kuhae.

Ephesiami 4:2

Akumtsha kughuvu shilo, ivunhei xulo, pulhapuju kutuo kutuulo, lakhino lakhi lau kusuqhikulu lono kikimiye piyelo.

ZEKHARIA 7:9

“Ado kushuwo lono ino ahza kutsu hipaqo iwu timi tsuke: ‘Nonguye lakhino lakhi athikuzumi lau kuchou xakutha, kupukilekeu eno kimiye qhiyi keu shimayesake.

Kolosiami 3:12

Alhou no nongu kimiyeno, pawu shipenike kisheluvekemi akehu, kimiyeqhiyikeu, kutami kupukeu, akumtsha, akughuvu eno kutuukulu pepulo.

1 Kor. 12:26

Aphiau gholo lakhino ime aye, kumtsuno tipau gholo imekuqha cheni; aphiau gholo lakhino sheqhekepu shiaye kutau kumtsuno tipau gholo alovikuqha cheni.

MATTHEW 18:33

Ino okimiyeqhiyi kehu toi, noghi okusami aqemi shou kimiyeqhiyi keu akepuke.’

1 John 3:14

Nino ithi akeuno ninguye akithi hechesu akuxulo ipevae, kughengu nino athikuzumi kimiye achenike. Khunono kimiyekile chemo keno itehi kutolo akithilo achephike.

1 Kor. 1:10

Athikuzumiqo niMpeu Jisu Khristo kuka akeu vechewo ino nongu qhuiniju anike, nongu kumtsuno kuptsa kuqhalulo eno nongu gholo kijethakile keu apekevilo; ikemu akukumsulo eno kughathalu keulo aphiphishi kuqhakulu shilo.

Apostolmi 4:32

Kupulumi muqoye amlo akukumsu lakhi. Milakhimu pano kiu pighi aghikeno tiye pawu kepi pimoe, ikemu panonguno aghikeu kumtsu pesu aqushi kusajeche.

1 Peter 5:5

Titoi nongu lhothemiye kichimi qhoqhulo. Nongu kumtsuno lakhino lakhi lau qekile nike akumtsha kughuvu pepulo, kughengu pipuakeu toi, “Alhou no qhezakemi lakhave cheni, ikemu akumtshami lau kukumgha tsu cheni.”

IBRIMI 13:1

Khristo lono nongu lakhino lakhi kimiyekile chelo.

2 Peter 1:7

Alhou lau amlo tsuqhiyikeu shou Khristomi kimiyekilekeu pesu veqabelo eno Khristomi kimiyekilekeu shou kikimiye pesu veqabelo.

1 Peter 2:17

Timi kumtsu gihulo, nokusami kupulumiqo kimiyelo. Alhou sumsalo eno Akukau gihulo.

LESHELE 103:13

Apu lakhino atianuli kimiyeke toi AMPEU ye pa gihu kemi lau kimiye keu acheni.

James 5:11

Khunoqono puqhekulu shi keno tipaqo lokivipukepi picheni. Job no puqhekulu shikeu nonguno chiluvae, eno ashekhalo Ampeu no kishi shitsukeno nonguno ithuluvae. Ampeu ye kimiyeqhiyi keu eno kupuqhiyi keuke.

James 2:13

Kughengu khunono timi kipimi pevetsumo nikeno Alhou no kughathakelo pa kipimi pevetsumo nani; tishimu akipimi qhivetsukeuno kughathabe keu shou tolu cheni.

FILIPIAMI 3:16

Tishiaghie pimu, ninguno kiu toluveakeno tipau yeh qhemi pesuno ninguye azuu hasu wuni nolo.

Rommi 15:5

Kheakulu eno shikumto tsu chekeu Lhou pelo nongu gholo Jisu Khristo kuxu ghola papesu akukumsulo aphiphi shilupekepu nongu kophetsu peniu,

Apostolmi 28:7

Tipa-a lono kushokumolo, zudo yeghi tipaulo akukau Publio no chichekeu alu hami ae. Pano ningu kimiyeqhiyi ikhilu eno atsala kuthu kutolo ninguye pa kilo inami shiae.

Apostolmi 27:3

Thoghiu ninguno Sidon tolu. Julia no Paul akivishi peitha eno pa pelo wupuzu pawu shompami sasu kusholupe eno pano avehupu shi aghikeu suwo tsupe ishi.

Apostolmi 2:1

Kughou Pentikost pinye to keno, kupulumi kumtsu a-a lakhilo kuhokumqo ae.

AHOLE 28:8

Nono punakeu akighishe lucheni eno kutami shou adokivi luvecheni aye owu kinikuluye khunono kumlhomi kimiye kupu cheni keno tipano lau wuve nani.

Luke 10:33

Ikemu Samariami lakhi tipa lalo izuwuche eno tipa-a lo ighi kelo timi hu ithulu puzu pa mlolo ighono kimiyeqhiyive.

Ephesiami 4:32

Eno lakhino lakhi kimiyekile, amlo ighiqhiyi eno kuzakuzuyi shilo, eno Khristo gholo Alhou no nongu kipimi pevetsu ketoi nongu lakhino lakhi kipimi pevetsukilelo.

FILIPIAMI 2:3

Alikhi asuqhekeu momu qheza lakikeu pesu kiu kiumu shikevilo, ikemu aqhokigheu shipuzu kutamino onguno akiviu kepi kihilo.