1 Peter 3:3 - BAIBEL (BSI)

³ Nonguye juvi peniaye ashou nanu: asa ghokunapukeu, achiku-achipu pepukeu momu aphimini chijebobo ukeu pepukepu kumoe.

Sümi Tiqhelimi Bible

³ Nongu jukivi ye khalau tünatunu lono pìye kepu kumoe, tiye hitoi keu; paküta keu shi asà ghokünapu keu eno ameshoyi chiku pukeu momu amekusho phimini pepu keu.

Sumi Naga CL (Re-edited) Bible (BSI)

³ Nonguw jukivi ye ashou—asa lo msapuku keu jeli eno ameshoyi chiku-chila pukeu momu aphimini nongu no pepu chekeu—huno kepi kihi kevilo,

1 Peter 3:3 Referans Kwoze

Rommi 12:2

Hipa yeghilomi ghola hakevilo ikemu nongu kukumsu shikithelukeu vechewo nongu lolo pekililulo. Tishiluaye Alhou pulouye kiuno akivipu, kiuno pano ikhilu kuzupu eno kupukulu keno nonguno ithi kututa shilu nani.

ISAIAH 61:10

Jerusalem ye AMPEU no kiu mlatsu keno tipaulo alovi akhani. Liye kulaliu lakhino kulakupu ghenguno aphimini pepu pesu aketoike. Alhou no xakulu ngo tokulu pesu li puuke.

JEREMIYA 4:30

Jerusalem! Noye kutsaveni putsa! Noye kushiye huchuikeu phimini pepu kya? Kushiye achiku pepu eno onhethi nuda pusu ani kya? Noye adou lono olikhi ojukivipu shipesu ani! Olojipumino omilive ake eno oheqhi pithivenishi anike.

JEREMIYA 2:32

Ilimi lakhiye liwu akughupuchi kumsumaveni kesha? Momu kulaliuye kulakupu phimini kumsumaveni kesha? Ikemu iwu timiqoye atsala phikha kumlapushi ikumsumavae.

ISAIAH 52:1

Jerusalem mutolulo eno itaghi kije shiluvelo! Alhou phughi akimtheu, jukighilepu jukivi pepuluvelo! Mithekumomiye khilemu ohuki khalo itaghi ilomo nani.

IPEKULU 33:4

Timiqono hipau chilu kelo panonguye mloqauve eno khilemu achi nhemgha pepumove.

BOTHUBO 24:53

Pano shuna chi ngo tsandi chi eno tiphimini peighi no tipaqo pe Rebeka tsue. Pano li pelimi ngo li paza ghi amekusho nhemgha pesu tsue.

BOTHUBO 24:47

Ino li vilo ‘Noye khuno nga kya?’ pi iniju kelo lino ‘Niye Bethuel no nga ke, eno isu ye Nahor eno ipuzaye Milka ke’ ipi khochile. Tile ino anigi nguthi li nigilo sutsu eno asapu li ulo sutsue.

BOTHUBO 24:22

Kemelqo azu lukumkhashi piyevetsu kethiu, timi huno amekusho shuna nguthi lakhi li nigilo kighipipe eno li ulo shuna sapu kini pe pipe

LESHELE 45:9

O akukau nipu shiniye akeu kulaliu! okuka lakhu ajeu akukaliuno jukighilepu shuna chila pepusu puthughoke.

IPEKULU 38:8

Pano alazayi pesu chithakhu ngo tipau kughoa mlake, tiye totimi khunoqo AMPEU no ache keu Phiki hukikha lo mla chekeno tipaqo wu agi kujupuyi pesu mlake.

IPEKULU 32:2

Aron no panoqo vilo pi, “Nongu nipu ngo anuli anga qono akini lo shunayi kighi akeu lekholuvelo eno ilau sughilo.”

EZEKEL 23:40

“Anguno anguno pamano ala kushuwa putou lono ighipe nike aghini kishimi puwuno kuwupeke eno timi tipaqono ighike. Atsunipu pamano azu kuchhuve eno anhethi kusho ngo achiku-achipu pepuluve.

ESTHER 5:1

Kumvu wo tsala akuthuni Esther no kukaliu nanu pepuno akukauno ngo chekeu kughaki alou ilo akukauno iqa akeu zulo puthugho.

IPEKULU 35:22

Kiptimi ghi totimi ghi khunono tishini shi keno ayipu jeli, akinilo kighi chekeu, anguthi, achi nichekeu eno akughupu chi ajeli sughi no AMPEU lau tipaqo ikhiphetsuve.

IPEKULU 3:22

Israilmi totimi kumtsuno pano kisughumi Ijipmi totimi lau wuno tiphimini, shuna, tsandi eno akughupuchi khuni. Israilmino hipaqo pesu panongu tianuli pipeni eno Ijipmiqo kuakini xapusu wuveni.”

KUKAMI AKINIU 9:30

Jehu no Jezril lo ighiluve. Jezebel ye kiu shivekeno ti chiluveno li nhethilo eno likutsu kishekulu msapuveno kukaki alashe lono puthughono pishipiqi alaghilo ju a.

1 Peter 3:2

kughengu nongu ghushoghiliye kiutoi mithemitheyi eno Alhou sumsaqhiyi keno panonguno ithuluve nani.