1 Peter 3:10 - BAIBEL (BSI)

¹⁰ Kuchoyesulo ishi pikeu toi, “Khunono akuxu kupuqhiyi cheni keno eno atsala kivi ithulu nishi cheni keno, Paye alhoksa pinikeu lono pa mili kutsukiyi luvelo eno akimkitsa pinikeu lono pa mutsu miki luvelo.

Sümi Tiqhelimi Bible

¹⁰ Kughengu, “Khuno no aküxü kimiyeni eno atsala kiviqo ithuluni keno panongu ye küsakügha lau no panongu mili ghasüve moayesae. eno panongu mtsü pelo pishikiqhi tsapiqo pìní keu lono ghasüve moayesa.

Sumi Naga CL (Re-edited) Bible (BSI)

¹⁰ Kughengu “Khunono aküxü kimiye eno atsala kivi ithuluni shi cheni keno, pa ye alhoksa tsapi lono pa mili kütsü luve eno pishikiqhi tsa lono pa mütsü kujukhavelo;

1 Peter 3:10 Referans Kwoze

James 1:26

Timi khuno paye achineyehlo amlo tsuqhiyikemi kepi kumsu cheni ikemu pa mili ghasumo nikeno pa chineyehye avehupu kuhae eno pa likhi pa pishiqhi anike.

1 Peter 2:22

Paye kiu xinemu shipepuamoe; pa kichi lono akimkitsa lakhimu chilupuamoe.

1 Peter 2:1

Tighenguno kusakugha kumtsu eno akimki tsa pikeu eno kuhakugha eno axekusu eno xishikile keu tsa kumtsu qhivelo.

Piyeküsü 14:5

Panongu ye tukutiye kuha eno akichilo akimki tsa pichemoe.

John 1:47

Nathana-el no pa lau cheghikeu Jisu no ithulu puzu, pano Nathana- el ghili ishipi, “Israilmi kuchou lakhi hichenike julo. Pa lolo pishikiqhi kuhae.”

John 12:25

Khunono pa likhi pa kuxu kupu nikeno tipau puhave nani; khunono ayeghi hipaulo pa kuxu kupumo nikeno lhokta kuxu ghenguno tipau pekutsulu nani.

AHOLE 8:35

Khunono iphuluni keno akuxupu phuluvae, eno AMPEU no paju amloqi nani.

AHOLE 3:2

Ino kutsupiye keuno kinikulu eno axukushupu otsu nani.

MATTHEW 19:17

Jisu no pa khochile pi, “Noye kushiye ivilo akivipu vehu iniju ani kya? Milakhi likhino akivike. Lhokta kuxulo ilonishi aye noye ahza kutsu pelulo.”

AHOLE 4:22

Tipaqo ithiaye akuxu eno ashi aji kivi tsu nani.

AHOLE 3:18

Khunono alotsuveni keno alovi cheni; alokutsuno akuxupu panoqo tsu cheni.

Mark 8:35

Kughengu timi khuno pa kuxu pukhani keno puhave nani, ikemu timi khuno ighenguno eno alokivipu-tsa ghenguno pa kuxu puwove nikeno ti xalu nani.

LESHELE 49:19

Paye akithi lono pa puasuqo gholo wuve nani, tilehiye akuvu khilemu ithulumo ake.

LESHELE 27:13

Ino pulu anike niye ayeghilo xuaphi lono AMPEU no akivi tsukeu ithulu nani.

JOB 33:28

Kithila lo wuveniye cheke lono pa no ixachile phelue, eno ikuxu ye akuvu ithulupe anie.”

JOB 9:25

Itsalaye pochekemi nguno akumthue, tipaqoye pokhavae eno akiviye kiu kela lakhimu shomlae.

ZAKINIU 32:47

Akukutsu tsa hipaqoye abokumsa tsa kumoke; hipaqoye nokuxupu kuchouke. Hipaqo gholulo eno nonguye Jordan katha ikukelo ayeghi nonguno ngolu niye akeulo axu shulu nanike.”

YETSAPIU 2:3

Ino alokutsu minechekeuno ihakilhe ilikhi ilopiviniaye aji shonikeu shiju eno ado kivi aluni keu shijuke. Timiqoye ayeghilo ikhonheyi xuakelo hitoi keu gholauno xukeu pavi kepi ino kumsue.

LESHELE 106:5

Ipelo owu timino kinikulu shilukeu ithulupelo eno ashiayeh lokivi gholo kusajelu pelo; Owu shiluvekemino akijivile keu gholo sulupelo.

JOB 2:4

Tile Satan no AMPEU vilo pi, “Akuxu no akuxu theli, timi ye xu aghikulupu shiaye pano akeumu kumtsu tsuve nanie.