1 Peter 3:1 - BAIBEL (BSI)

¹ Nongu anipunoqoye nongu kimiqo qhoqhu gihulo, tishianguno panoqo gholo Alhou tsa pulumokemi namu nongu ghushoghili lono panoqo zuluvekepu shiluve nani,

Sümi Tiqhelimi Bible

¹ Anipuqo, tipau tho lono nongu likhi nongu ikhiphe pesü nongu kimiqo lau tsülo tishi keu vechewo tsalá panongu khuala no Alhou tsa shou pülümo aye, atsa pimo no panongu nipuqo ghiliaye vechewo züluve peniye ke,

Sumi Naga CL (Re-edited) Bible (BSI)

¹ Tihutoi anipunoqo, nongu kimi qhoqhülo, tishianguno khami no Atsa gholu cheghimo namu, atsapi lono kumono pano nipuqow süqesüli vecheo tipaqo züluve nani,

1 Peter 3:1 Referans Kwoze

Kolosiami 3:18

Anipunoqo, nongu kimi qhoqhulo, kughengu nonguye Khristo timi kehu tishi shimasake.

Ephesiami 5:33

Tishimu, nonguno pututa alikhi akimiyeke toi pututa nipu kimiyelo, eno anipuno li kimi sumsa chelo.

1 Kor. 11:3

Ikemu ino nongu pelo ithipenishi akeuno Khristo ye kiptimi lakhi shou akutsuke, totimi shou li kimino akutsuke titoi Khristo shou Alhou no akutsuke.

1 Kor. 7:16

Nono kupulumi anipu lakhi shiaghi aye noye okimi xamla nani kepi kishieno piluni kya? Momu nono kupulumi akimi lakhi shiaghi aye noye onipu xamla nani kepi kishieno piluni kya?

BOTHUBO 3:16

Alhou no atotiu vilo ghi pi, “Mishipu chekelo ino oghime alau shikupha tsuni, eno akijikusa shi ati anuli punu peniu, tishimu okimi jumine peni eno pano opeitha peniu.”

1 Peter 3:7

Tihutoi nongu akimiqoye ithikututa shi ghi nongu nipuqo sasu kughunalo, totimiye miqemileyikemi kehu agholauno panoqo sasu xulo, kughengu panoqo ghi nongu gholo Alhou launo akuxupi ithulu kuqhakemike. Hitoi shianguno kiunomu nongu kukhu kighini vekhamo nanike.

Rommi 7:2

Tishikehu kulakupu shivekemi totimi lakhiye li kimino xuake thaqhulo ayezah no li tsughape qhipuanie, ikemu li kimi thive aye liye li kimi lau tsugha pua keu yezah lono phepuwuvae.

1 Kor. 14:34

totimiqoye kuhokelo iquneyi kepue. Kughengu panonguye akukuholo pinikeu lakha puani. Judami yezah lo pipuake toi panonguye aqhokigheu shikepue.

MATTHEW 18:15

“Othikuzuuno oshou axine shiaye, wupuzu pa vilo pa kipimi pilo. Ike tiye okujo dolono lomo shi kuptsaluvelo. Pano otsa initsu aye, noye othikuzuu zuluvae.

Kolosiami 4:5

Pululumono akemi lau alokutsu shighi ghusho ghili piyemasae eno adokivi aghikeu akivipu shikeu lono peithalo.

IBRIMI 11:8

Akupulu lono Abraham ye Alhou no pa kukelo aghokulu shike, eno Alhou no pa tsunikeushi piqhipuakeu ghakhulo wuke. Paye khilau wucheni keno mthakemu pano yeghi bocho qhiveno wuveke.

2 Thes. 1:8

Ami kuyiqu pesu Alhou mthakemi ngo niMpeu Jisu tsakiviu gholumokemi shou aghime tsu nani.

Rommi 6:17

Alhou shikimthi akeuno nonguye ghuthu lakhiye axine quaxemi kemu itehiye nongu lau apasushi akukutsu tsukeulo nongu mlo kuchopu tsuno agholue.

AHOLE 18:19

Othikuzuu kuphulo eno pano aphughi kumto lakhi puwupuake toi osusholu nani ikemu nono pa sasu mutomushuaye paye oghenguno akikhaluve nani.

AHOLE 11:30

Amikuchono akuxupu tsucheni ikemu hekiqhi bukiqhi no tipau ikhisuwuve cheni.

1 Peter 4:17

Alhou kibolomi shou paghi kughathabe keu huthunikepu ghuloki ighivae; eno ningu lau paghino huthutughu shiani aye Alhou tsakiviu pulumovekemiye ashekhalo kiu kishive nani kya?

1 Peter 1:22

Itehiye nonguno kuchou lau aghokulu shino nongu kuxu shikimthevae eno kupulumi akusamiqo mutsuqheyino kimiyekeu anie, tishiaye nonguno amlo tsuqhiyi shino lakhino lakhi kimiyekilelo.

IBRIMI 5:9

Pa pelo kupukuluu shiluvepe puzu paye pa gholu kemi kumtsu ghenguno alhokupujulo xakulupu pukishiluveno

Rommi 10:16

Ikehu panongu kumtsuno Atsakiviu ikhilutsuke kumoe. Isaya no pivae, “Ampeu, nino asutsa peighikeu khuno pulutsu kya?”

1 Peter 3:2

kughengu nongu ghushoghiliye kiutoi mithemitheyi eno Alhou sumsaqhiyi keno panonguno ithuluve nani.