1 Peter 2:2 - BAIBEL (BSI)

² Anga kughununo akichhizu yenishike toi nongu ghi akimthe anguaghapu kichhizu yenishilo, tishianguno nongu ghi thuikulu puzu xakulupu shilu nani.

Sümi Tiqhelimi Bible

² Angá kughunuqo toi, aghungu kichhizü kitiqemo keu ye nikeu mineqhiyi lo, tishianguno tipau vechewo nongu pelo nonguw xakulu küxü lo thuwulu peniye ke,

Sumi Naga CL (Re-edited) Bible (BSI)

² Anileshi punu keu ngaqo toi aghungu lo tsüghükhüi keu kichhizü yenishi keu tüghü shilo, tipau vecheo nongu no thuiku xakulupu lo ilolu nani,

1 Peter 2:2 Referans Kwoze

Ephesiami 4:15

Ikemu kikimiye lono kuchou pini keloye Khristo khuu akutsu keno alaghi kumtsulo pa sasu thuwu akepue.

2 Peter 3:18

Ikemu niMpeu eno niXakuluu Jisu Khristo kupukini eno pa kighithilo thuwu alo. Itehi eno alhokupujulo pa lau akimthe jekipi shilo! Amen.

Mark 10:15

Kuchouno ino nongu vilo pi ani, khunono itimi lakhi toi shieno Alhou pelo pa shou akukau shipemoni keno paye Alhou yehkipelo ilomla nani.

1 Kor. 14:20

Athikuzumiqo, nongu kukumsulo itimi toi shikevilo. Alhoksa shinikeu loye itimi toive masa ikemu akukumsu loye tekhoyi vemasae.

AHOLE 4:18

Amikuchomino izuchekeu laghiye tsukinhe ipeche ke toike, atsala ipeghimoke kutolo vuqai kithe eno vuqai kithe acheni.

JOB 17:9

Tishimu, amikuchomino pa laghi phemoe eno khuno kuxu mithe anikeno mutokithe thuwu achenie.

2 Thes. 1:3

Athikuzumiqo, ninguye nongu ghenguno pulhapuju Alhou shikimthi aniputsake! Ninguno titoi shikeuye achipike, kughengu nongu kupuluye ihulokeu shi thuwulu ani eno nongu lakhino lakhi kimiyekile keulo thuwu anike.

MATTHEW 18:3

pano ishi pi: “Kuchouno ino nongu vilo pini, nonguno akuxu kililu puzu itimi hutoi shilumoke thaqhuloye nonguye Kungugha yehkipe qholo ilomla nani.

Ephesiami 2:21

Aki kuchopu pano choqhe kuqhape akeuke eno tipau pelo Ampeu lau akimthe chineki shilupe nike thuwulupe ani.

Rommi 6:4

Ningu ye baptiz lukeu lono akithilo pa gholo qhovae, tishikehu Apu kimthe jukuvu kuka huno akithi lono Khristo xuputhuve, tishikeuno ningu pelo akuxu kithelo xuchepeniyeke.

HOSIYA 6:3

Ningu AMPEU ithinike pukaputsa juni nolo. Paye kuchouno inaqhe vuipeghi keshi ighi nani, ghixu tsalalo tsutsughuno ayeghi shou ghupuku keshi paye kuchouno ighi nani.”

1 Peter 1:23

Nonguye tsu-mauve nikeu piti lono kumoe ikemu tsu-mamlakeu piti, akuxupu eno pulhapuju ache nikeu Alhou tsa vechewo nonguye akitheshi punuvae.

SAMUEL AKINIU 23:5

Tihutoi Alhou no ipolo kughuko kumghatsu nani; kughengu pano isasu alhokuthu ghenguno puloshoqhi shivae. Pulokile lukeu tipauye kubomo nani. Ashoqhi tipauye kilivemo nani. Ino mine hechekeuye tipauke; tipauno iwu tokulu shinani, eno Alhou no kuchouno tipaqo shikuputsu nani.

HOSIYA 14:7

Itaghi panonguye ino sushokeu qholo xulu nani. Panonguye aghutu lakhi toi miniphoi nani eno atsayilu lakhi toi athi pithi nani. Panonguye Libanon tsayiji toi ajekipi shi nani.

HOSIYA 14:5

Niye Israilmi ghenguno qhayikeu yeghilo tsutsughu ighikeu toi shi nani. Panonguye axamunu toi puile nani; panonguye Libanon lo asuboqo toi akuhu akivishi qusulu nani.

MALAKI 4:2

Ikemu nongu igholu chekemi ghenguye iwu xakulupu kukano tsukinhe toi nongu shou ikughi nani eno tsukinhe kuvuno yekeshi shikipivi sughi nani. Nonguye amshiti aki lono khalau pipe kelo toi ililai eno alokivishive nani.

MATTHEW 19:14

Ikemu Jisu no ishipi, “Itimiqo lakha kevilo, panoqo pelo ilau ighi pelo, kughengu Kungugha yehkipeye hipaqo kithipu salake.”

Luke 18:17

Kuchouno ino nongu vilo pini, khunono itimi lakhi toi Alhou yehkipe salumo nikeno tile ilomla nani.”