1 Peter 1:8 - BAIBEL (BSI)

⁸ Nonguye pa ithulumo kemu nonguno pa kimiye cheni; nonguye itehi pa ithumla pinamu nonguno pa pulu cheni; ikehu nonguno akiqheu eno atsano piphekumla lokivi lono alokiqishi ani,

Sümi Tiqhelimi Bible

⁸ Nongu ye pa ithulu mphi kemu, nongu no pa kimiye ke; eno nongu no itehi pa ithumla namu, nongu no pa shou pülü ke eno piphekümlapu eno ajuküvü lokiqi no chhitoi anike,

Sumi Naga CL (Re-edited) Bible (BSI)

⁸ Nongu ye Pa ithulu mphi kemu Pa kimiye cheni. Itehi mu nongu ye Pa ithulu amoe ikemu Pa lau pülübe cheni eno amlokiqi shi piphekümla lokivi gholo ajuküvü no shepichhipe

1 Peter 1:8 Referans Kwoze

John 20:29

Jisu no pa vilo pi, “Noye ni ithuluve ake ghenguno pululu anikesha? Khunoqono ni ithumla pimu puluni keno tipaqo lokivipue!”

2 Kor. 5:7

kughengu ninguye agi zulo aghikeu kumono akupulu lono checheni.

Rommi 15:13

Lajupu tsuchekeu Lhou pelo nonguno puluakeu vechewo alokivi eno alokughuno pesu nongu lolo shepichhitsu apeniu, tishikeuno Aghungu Kimthe kuka vechewo nongu wu lajupu heshelu penike.

IBRIMI 11:1

Akupuluye ninguno laju achekeu mutsuqheyi shilukeuke, ninguno ithumlano achekeu thime aniputsakepi mutsumisheyi shilu keuke.

John 16:22

Tihutoi nongu ghi itehiye amloksa shi ani, ikemu niye itaghi nongu sasu kusholuni aphi, tileno nongu mlolo alokivino chhitoilu nani, eno khunomu nongu lokivi ikhisuwuvemla nani.

2 Kor. 4:18

Kughengu ninguye ithukulu thime shou nimlo tsuqhiyi ithu chemo ikemu ithu kumla thime shou nimlo tsuqhiyi acheni. Ithukulu thimeqoye ado ikhonhei ghengu likhi acheni ikemu ithukumla thimeqoye alhokupuju ghengunoke.

1 Peter 1:6

Highenguno, itehiye ado kitila ghenguno nonguye akijikusapu jelilo aghime shiaghi namu nonguye alokivipuke.

IBRIMI 11:27

Akupulu lono paye akukau mlo kighide msamono Ijip yeghi qhiveno wuve; paye ithumlakeu Lhou ithulu akeshi igho ideghive moe.

1 Peter 2:7

Nongu puluchekemiqo ghenguno atuqu hipauye amekushopuke; ikemu pulumokemi ghenguye kuchoyesulo ishi yepuakeu tsa atho shive; “Akikishimino kideqhivekeu tuqu huno atsukuputuqu akhotou shiveaghi.”

FILIPIAMI 4:4

Pulhapuju Ampeu lono alovilo, ino itaghi pi ani: alovilo!

1 Peter 5:4

Kughou Akheu atou ipeghini keno nonguye khilemu ajuidimokeu ajekipipu kutsukuqho ithulu nani.

Ephesiami 6:24

Thimlakeu kimiyekini lono ningu Mpeu Jisu Khristo kimiyechekemiqo shou Alhou wu kupukini apeniu.

FILIPIAMI 1:25

Nongu pelo ikowolu eno akupulu lokivi alupenike ghenguno niye nongu gholo xu anani kepi ithi ani,

Rommi 14:17

Kughengu Alhou kukaqhaye kuchu kusho vehuke kumoe ikemu Aghungu Kimthe no tsukeu mikucho ngo alakishi eno alokivi ishie.

John 14:24

Khunono ikimiye chemokeno itsa pelu chemoe; eno nonguno khipatsa chilu anikeno tiye itsa kumoe, ikemu iPuh ipuwukeu launo ighikeu tsake.”

John 8:42

Jisu no panoqo vilo pi, “Alhou no nongu pa puh keaye nonguye ikupuni cheke kughengu niye Alhou launo ipeghi puzu hi ighi. Niye ikutoshino ighike kumoe ikemu pano ipuwuke.

FILIPIAMI 3:3

Kughengu kuchouno ninguye aphighu yiko ghakemiqoke, kughengu ninguye Aghungu Kimthe lono Alhou mlla cheni, Khristo Jisu lono nikijivilo acheni eno timi lhoaye pesu shikulu pukhupe achemoe.

Galatiami 5:22

Ikemu Aghungu xathiye Alhou launo ighikeu kikimiye, alokiqi, alokivi, kheakulu, alokeu, akivi, pichebekulu,

Galatiami 5:6

Kughengu ninguno Khristo Jisu sasu kimepe ani aye aphighu yiko ghana ghamonamu aphiphi ke, ikemu Alhou wu kimiyekini vechewo mla keu kupulu huno akhotoke.

2 Kor. 12:4

eno tilauno timi kichi lono pimlakepu tsa eno timi kichi no pimlakepu pano pilu eno chiluke.

2 Kor. 9:15

Alhou no paw pikhakumlapu gho tsukeu ghenguno pa shikimthi ani nolo!

2 Kor. 1:22

eno pawke pikeu michipu ningu shou amchi shivetsu eno ningu ghenguno pano kiu puani keno tipau tsutha puaghi keu shi ningu mlolo Aghungu Kimthe tsuvae.

Apostolmi 16:34

Tishi puzu pano Paul ngo Sila pama sasu pa kilo wu eno kuchukusho kutope pama tsu. Pano Alhou lau pulubeluve kehu pa kibolomi kumtsu sasu pano alokivishive.

John 14:21

Khunono ino ahza tsukeu ikhiluni eno tipaqo peluni keno timi tipauno ikimiye cheni. Khunono ikimiye chenikeno iPuno pa kimiye nani, eno nighi pa kimiye nani eno ilikhi ino pa pephe piye nani.”

John 14:15

“Nonguno ikimiye cheni aye ino ahza tsukeu pelulo.

MATTHEW 10:37

“Timi khunono iqhukeu nguno alaushi apuh eno aza kimiye nikeno paye ikhopemi shikuzu kumoe; eno timi khunono iqhukeu nguno alaushi pano nu eno pano nga kimiye nikeno paye ikhopemi shikuzu kumoe.

ALE KIMCHI 5:16

Pa tsapiye jumghayike; paphi kumtsulo imusuluve kepu likhike. O Jerusalem lo totimiqo, hiye ilomi eno ikusauke.

1 Kor. 16:22

Timi khuno Ampeu kimiyekeu kuhani keno, angusu pa shou apeni. Ningu Mipeu cheae!

ALE KIMCHI 5:9

Totimi gholo shishe ajukiviu, olomiye kutami nguno pakutakeu kesha? Kiulono olomiye kutami lomi nguno pakuta keu ani keno ni vilo pi ani kya?

ALE KIMCHI 1:7

Ivilo pilo, ilomi Noye otsu-aqu khilehino kumzaniye sawu cheni kya? Tipaqoye puchomghulo khilehi ngopeni kya? Kushiepi niye itsuchekemi toi okusami tsuaqu pape cheni kya?

Ephesiami 3:19

Khristo kimiyekinino akighithi jeli kumtsu veche iku akeu nonguno ithipenike, tishianguno Alhou kupukulu kumtsu pesu nongu pelo chhitoilu penike.