1 Peter 1:7 - BAIBEL (BSI)

⁷ Hitoikeulo akimji anike, tiye nongu kupulu pesu athicho kughulhotsu niyeke. Shunayi ghi shipusaluve cheni kemu ami lono pitiju cheni; tishiaye nongu kupuluye shunayi nguno amekushou kehu puqhelukepushi peju masae, tishianguno Jisu Khristo pephepiyeke Tsalalo nonguno shekiqhe, akimthe jukuvu eno agigihu ithulukepu shi nani.

Sümi Tiqhelimi Bible

⁷ Nongu küpülü ye kuchou kepi kimchitsü niye pekuju jeliqo ighike. Hiye ameshoyi khikhi ami lono piti kütsüghǘ pühave chekeu nguno amekushou ke. Eno tishi keu vechewo kughou Jisü Khristo pephe-piye nike no akishé, ajuküvü eno agigihu ithulu peniye ke.

Sumi Naga CL (Re-edited) Bible (BSI)

⁷ tishianguno nongu küpülü ye ghukimthepe athicho shilu peniye ke. Ameshoyi ye ami lono piti kimthe anamu pühave cheni, ikemu nongu küpülü ye ameshoyi nguno amekushou kehu Jisü Khristo pephe piye kelo shekiqhe, ajuküvü eno agigihu ithulu kepu shimasae.

1 Peter 1:7 Referans Kwoze

JOB 23:10

Ikemu Alhou no ipukhu ne sukiqhe lakhikhi ithi ani, pano ipejuve kethiu niye shuna toi tsughukhui nani.

James 1:12

Ghujukelo puqhekulumi lokivipue; kughengu pa pejukeulo puthugholu kemiye Alhou no khunono pa kimiye chenikeno tipano tsuniepi puakeu kuxu saxu pa tsu nani.

ISAIAH 48:10

Ino ami pesu aghime tsukeu lono opeqhejuvae, tiye amiphoki lono tsandiyi ghukutsughu ketoike. Ikemu noye ame kuhakeu ino ithuluvae.

1 Peter 4:12

Ino kimiyechekeqo, nongu pejuniaye shilukusa ghime nongu shou ikughi akeulo akichiqhi kevilo. Tiye kiuala akumo akukuhau nongu shou ighi ani kughashi kevilo.

ZEKHARIA 13:9

Ino kikije akuthuu ghupe puaghikemiqo kimchiju nani eno ami lono tsandiyi ghukimthe keshi panoqo shikimthe nani. Shunayi kemo keno kimchiju ketoi ino panoqo kimchiju nani. Ino panoqo vilo panonguye iwu timi kepi nani eno niye panoqo Lhou kepi panonguno piphe nani.”

Rommi 2:7

Khunoqono kheakulushi akivi kumla shi puzu sheqhekepu, agigihupu eno thive chemokeu phucheghini keno Alhou no lhokta kuxu tsu nani.

AHOLE 17:3

Shuna ngo tsandiyiye ami pesu ghu kimtheju cheni eno timi mloye AMPEU no peju cheni.

MALAKI 3:3

Paye tsandiyi ghukimthe eno thakimthe chekeu toi kughatha nike ighi nani. Ayikiyiqimino tsandiyi ngo shunayi ghukimthe ketoi AMPEU ghinikishiuno achinemi ijokimthe nani, tishianguno panonguno AMPEU lau akumllagho achipiu jeli sughikepu shi nani.

1 Kor. 3:13

Timi lakhikhi kumla asachu kemokeno piyeni aphi, tiye Khristo ipeghikeu Tsalanino tipau pephepiye nani, kughengu tipa Tsalaniye ami gholono ipeghi nani eno milakhi khino kiutoikeu kumla mla puaghi nikeno asachu kemokeno amino ghu puzu kimchitsu nani.

Jude 1:24

Itehiye, nongu pelo veqhipemono jukutochekeu lau eno pa kimthe jukuvupu kungo-alo alokivishi eno tukutiye shimono nongu saghilu nikeu lau,

JEREMIYA 9:7

Tighenguno Aqokitikhi MPEU no pi ani, “Ayi toi ino iwu timiqo ghukimtheve nani eno panoqoye pejukeulo qhi nani. Iwu timiqono alhoksa shivae, niye panoqo shou kiu shikepu kya?

2 Peter 1:4

Hitoi shipuzu pano piqhive keu amekusho eno akughupu kumsagho pesu ningu tsuvae, tishianguno kumsagho hipaqo peitha puzu ayeghiqhalo ngosukumla no shikupsa akeu launo nonguye puluvepe niyeke, eno Alhou lhoayeh kusajelupe niyeke.

1 Peter 2:4

Timino kideqhivekemu Alhou no amekushopu kepi kishelu keu akuxupu tuqu Ampeu lau ighilo.

MATTHEW 25:21

Pa mipeuno pa vilopi, ‘Aghile shivae! Noye akivi eno pukhubekulu qeuke; noye kitila lomu pukhubekulu shike; ino opelo kutomo shou ampeu shipeni; ompeu lokivi gholo sulo!’

Piyeküsü 3:10

Kutuu khelulo pi ino ahzatsukeu nono peluke ghenguno nighi shilukusa tuqhudo lono ayeghiqha shou akemi pejuniye akeu launo oxapheluve nani.

Piyeküsü 2:10

Aghime sholuniye akeulo noye musa kevilo. Julo, tughamino nongu pejuniye nongu gholo khamiye akughukilo suve nani, eno atsala chighi kutolo nongu shikighime nani. Akithi kutolo aghokulu shilo eno akuxupu pesu osaxu ino otsunani.

Piyeküsü 1:7

Julo, paye khungkusu shouno cheni. Timi kumtsuno pa ithulu nani, pa qhuqhi pithikemi ghi; eno ayeghilo timi jeli akemi kumtsuno pa shou amlo ghime shi nani. Tishi peniu! Amen.

1 Kor. 4:5

Tighenguno kophepuakeu-do ighimphi loye eno Ampeu no ighimphi kutolo khuu shoumu kughathabe kevilo. Itehiye thime khijehi kusupuani keno Ampeu no akuvulo ikhiphe saghi nani eno amlolo tuqhouno kumsupu akeu kumtsu pano lhaphe piye nani. Tileno timi kumtsu pututa shelo pa sheqhe kepu aghikeu Alhou launo ithulu nani.

Apostolmi 8:20

Ikemu Pitor no pa vilo pi, “Owu pisa ghi ogholono puhavelo, kughengu nono kumsu keuno pisa pesu Alhou no kumsagho tsukeu qhulu nani kughashike.

John 12:26

Khuno iqe nishi keno paye ipape masae eno ino khile ani keno pa ghi tilehi igholo anani. Khuuno ihuthuni keno Ipuh no pa gihu nani.”

John 5:44

Nonguno lakhino lakhi sheqheni shi, ikemu Alhou ye pa likhino Alhou ke pa launo sheqhekeu nonguno phuju nishimoke, nonguye kishi puzu pululuni kya?

Luke 12:33

Okuakini jelo eno kumlhomi tsulo, eno pepuha mlakeu pisabolo kikelo eno kungughalo khilemu pekhave mlakepu nongu kini kikelo, kughengu tileye kupkamino mu pukaluve mla eno apulano mu tsapili mla.

MATTHEW 25:23

Pa mipeuno pa vilo ishipi, ‘Aghile shivae! Noye akivi eno pukhubekulu qeuke; noye kitila lomu pukhubekulu shike; ino opelo kutomo shou ampeu shipeni; ompeu lokivi gholo sulo!’

MATTHEW 19:28

Jisu no panoqo vilo pi, “Kuchouno ino nongu vilo pini, kughou Timi Nu no ighini chekeu yeghiqhalo pa kimthe-jukuvu lakhulo iqani keno, nongu ipapechekemiqo ghi alakhu chighikinilo iqa puzu Israil shiayeh chighikini shou kughathakeu shi nani.

JEREMIYA 48:36

“Ikehu imloye Muab ngo Kir Heres lo akemiqo ghenguno mloqa ani, tiye timi khamino fulili lono akithile pheakeu toi anike, kughengu panonguno pighi akeu thwokha kumtsu cheveake.

YETSAPIU 5:14

tiye lhidi ngukusa lono puwoveno pa tianuli qhitsu kepu kiumu kuhave cheni.

AHOLE 16:16

Shuna ngo tsandi nguno alau alokutsu ngo akighithi akeu pavibeke.

AHOLE 8:19

Nono ilauno kiu ithuluni keno tiye shuna aghileu nguno akiviu, tsandiyi thakimtheve keu nguno akiviuke.

SAMUEL ATUGHIU 2:30

Ni, AMPEU Israil Lhou no wovekeulo olagha eno okibolomi pelono alhokuthu iwu achinemi shiche peni pi tushoqhi puae. Ikemu itehiye ino pi ani—niye nongu avehupu shimae. Tipau zuqhulo timi khunono igihu sumsa cheni keno nighi tipaqo gihu nani, eno khunono ikutha kughashi cheni keno nighi tipaqo milive nani.

Piyeküsü 3:18

Tishiaye, ino oloputsu tsu anike ilauno thakimtheve keu shunayi qhululo tishianguno noye kinikulu shilupe nike, eno ilauno ophimini metsughoyi keu qhululo, tishianguno onhapulu kepushi eno ophi kumsa akeu kukujopu ithulu pemonike; eno onhethi nupu kepu qhululo tishianguno opelo ithulu penike.

2 Peter 1:1

Jisu Khristo qeu eno apostol Simon Pitor launo niLhou eno niXakuluu Jisu Khristo mikucho vechewo nigholo akupulu aqhemishi ithuluvekemi lau yelu ani.

1 Peter 2:7

Nongu puluchekemiqo ghenguno atuqu hipauye amekushopuke; ikemu pulumokemi ghenguye kuchoyesulo ishi yepuakeu tsa atho shive; “Akikishimino kideqhivekeu tuqu huno atsukuputuqu akhotou shiveaghi.”

1 Peter 1:5

Nongu kupulu vechewo Alhou kukano nongu susho pesu ani eno ashekha ghulokilo pephepiye nike ghenguno xakulupu kutope ani.

Rommi 2:29

Ikemu timi khuno alouno Judami keno kuchouno Judamike, eno aphighu yiko ghakeu kuchouye amlolo ke. Tiye Alhou Ghungu no mlatsukeu kethono yepuakeu yezah kiqi lono shikeuhu kumoe. Timi tipauye Alhou launo akishe ithulu cheni, eno timi launo kumoe.

LESHELE 17:3

Nono imlo pu-juvae, nono putholo ixuju ighivae, nono ipejuveake, ilolo alhoksa kukumsu kuhakeu nono ithi anie.

Luke 17:30

Timi Nu pephepiyeke tsalalo ghi hitoi nani.

Rommi 2:10

Ikemu akivi mlakemi lakhikhi ghenguno sheqhekepu ngo gihukepu ngo alokiqi ishi anani, atughushi Judamiqo shou paghi eno Judakumomi ghi tipa shelo sholu nani.

Rommi 8:19

Kughengu Alhou no lhope puakeu jeli kumtsuno Alhou nuliqo pephe piyenikeu shishe huqhe khe ani.

1 Peter 1:13

Tighenguno nongu kukumsu kutokugho shilulo, tsukhuyilo, nongu wu lajupuye akuchopu Jisu Khristo pephepiye kelo Alhou kukumgha nongu lau tsuniye akeu shou belo.

1 Peter 4:13

Ikemu Khristo ghime sasu kusaje anikepi alovilo, tishianguno pa kimthe jukuvu pephepiye kelo nongu ghi alokivino chhitoi peniyeke.

1 Peter 5:1

Ni, nongu gholo kichimi lakhi shino nongu akukuhou gholo kichimiqo shikumto ani, niye Khristo no aghime sholukeu thopimi lakhike eno akimthe jukuvu pephepiyeni akeulo kusaje nikemike. Ino nongu qhuiniju ani,

2 Peter 3:14

Tighenguno ino kimiyechekemiqo, nonguno tipau Tsala kheakelo, nonguye kiumu tukutiye kuhano mutsumisheyi aghikepushi pukaputsa azukini shilo eno pa lau aloino alo.

AKIKIHI 5:28

Ikemu lino akumzuu shi aghiaye shikupsa ithulumo nani eno anuli punu woveni keu shipe nani.

JOB 28:1

Tsandiyi chhuphelu keu khuki ani, eno shunayi thakutsughu keu a acheni.