1 Peter 1:23 - BAIBEL (BSI)

²³ Nonguye tsu-mauve nikeu piti lono kumoe ikemu tsu-mamlakeu piti, akuxupu eno pulhapuju ache nikeu Alhou tsa vechewo nonguye akitheshi punuvae.

Sümi Tiqhelimi Bible

²³ Kughengu nongu ye tsümave nikeu piti kumo no tsümavemo nikeu piti, tiye xü akeu eno pühavemo nikeu Alhou tsa vechewo punú kitheve ake.

Sumi Naga CL (Re-edited) Bible (BSI)

²³ kughengu nongu ye shipüsa kulupu piti lono kumono shipüsa kümlapu piti, aküxüpu eno pülhapuju achekeu Alhou tsa vecheo punu kithevae;

1 Peter 1:23 Referans Kwoze

1 Peter 1:3

Ningu Mpeu Jisu Khristo paPu Alhou shikimthilo! Kughengu pano kimiyeqhiyi kehu akithi lono Jisu Khristo xuchile puthu vekeu vechewo ninguye xuakeu lajupulo akuxu kithe shiluvae,

IBRIMI 4:12

Kughengu Alhou tsaye akuxu eno akuka kuau,putoputo zutakihi nguno akutsughauke. Hino angulho ngo angugha kikimea kutolo eno aquki-anhuki kikime kutolo ghitha ilo cheni. Hino timi mlolo kumsupu akeu ngo shinishi keu jupililu cheni.

John 3:3

Jisu no pa khochile, “Kuchouno ino ovilo pini, timi khukhumu punu kithemo keloye Alhou yehkipe ithumlae.”

John 1:13

Panonguno Alhou nuli shilukeuye timi shiaji pulou momu timi gho launo kumoe, ikemu Alhou launoke.

John 6:63

Aghungu no akuxupu tsu cheni; ashiye kiumu ala shilu chemoe. Ino nongu vilo pikeqo tsaye aghungu eno akuxupu ke.

1 John 5:18

Nino ithi akeuno Alhou tianuli shiluvekemiye axine shichemoke, ikemu Alhou Nu no pa khe acheni eno Alhoksau ye pa bumlae.

James 1:18

Pa likhi pa puloushi kuchou tsa pesu ningu pelo aghilupeke, tishianguno pano lhokeqo gholo amusuu xathi shilupeke.

John 3:5

Jisu no pa khochile, “Kuchouno ino ovilo pini, timi khukhumu azu eno Aghungu Kimthe lono punu kithemo keloye Alhou yehkipelo ilomlae.

MATTHEW 24:35

Atsutsu ngo ayeghiye hauve nani, ikemu itsaye khilemu hauvemo nani.

1 John 3:9

Khunono Alhou nu shiluve akeno axine shi chemoe; kughengu Alhou lhoayeh pa lolo achenike, eno paye axine shimlae, kughengu paye Alhou nu shiluveake.

1 Peter 1:25

Ikemu Ampeu tsaye alhokupuju acheni.” Atsa tipauye nongu lau Atsakiviu khikhi pikulha keno tike.

John 1:3

Alhou no pa vechewo thwokha lhoke eno pa sumoke loye kiumu lhoqhi pe puamoe.

JEREMIYA 23:28

Tungkupmi khuno asamo pumoani keno tipauye asamo likhi kepi pive kepuke, ikemu tungkupmi khuno itsape chiluni keno tipau tsape amikuchoshi asheshutsu kepuke. Aghijini ye athicho sasu kiu kimghi kulupu ani kya?

Rommi 1:23

Thivechemo keu Lhou mllanike zuqhulo, panonguno thivenikuau timi, aghau, tughashi eno itikiche lhoxu kimihi shi-ghi ajulho shisukeu mlla cheni.

MALAKI 2:3

Ino nongu tianuli ghimeqhi nani eno nonguno aghashi mllakeu bazulo nongu gi kuxupho tsu nani eno nonguye abazu gholo pewuve nani.

Luke 8:11

“Ahole kiqiye hike: apiti huye Alhou tsake.

ACHINE 11:37

Tipaqo lakhino apiti yisuniye akeqo shou ikiqi ikulu pinamu apitiye mithe aphike.