1 Peter 1:11 - BAIBEL (BSI)

¹¹ Khristo Ghungu panoqo lolo akeuno Khristo no aghimeshi ime nikeu eno tipa shelo akimthejukuvupu shinikeu puzuuno asheazushi pikeu huye kiutoi kemi eno kiu tuqhu dolo kichesutsu ani keno panonguno pukaputsa phuphejuke.

Sümi Tiqhelimi Bible

¹¹ Khristo Ghungu pano lolo akeu no Messiah aghime shi ime niye akeu eno tipau thiu ajuküvü ighi niye akeu azünatha ghi pipüa keu ye kiu do eno kiu tüqhüdo lono kichetsü ani keno phuphe niye pükapütsa ke.

Sumi Naga CL (Re-edited) Bible (BSI)

¹¹ panongu lolo Khristo Ghungu akeu no Khristo ghime ghili eno tipau shelo ajuküvüpu chekeu pichho tsü kelo ti ye kiu toi kemi eno kiu ghuloki lo kichetsü akeno panongu no phujuke.

1 Peter 1:11 Referans Kwoze

2 Peter 1:21

kughengu tungkuputsaye timi gho apulou lono ighipe puamoe, ikemu Aghungu Kimthe no peitha keu lono timino Alhou launo ighikeu tsape pichenike.

Rommi 8:9

Kuchouno Alhou Ghungu nongu lolo ani aye, nonguye timi lhoaye nongu lolo akeuno pikeu toi xuamoe, nonguye Aghungu no pikeu toi xuanie. Khuu khumu Khristo Ghungu aghimo aye tipaqoye pawu kumoe.

ZEKHARIA 14:9

Tileno AMPEU no ayeghiqha kumtsu shou akukau shive nani; kumtsuno paye Alhou kepi pa mlla nani eno aje tipau tholono pa ithiwove nani.

BOTHUBO 49:10

Akukau kusu ye Juda phemoe, eno pa pukhuno tsape ke; Tipau mipeu shikuzuu ighieno timi kumtsu shou ayeh pemoke kuto pa kuka pe anani.

BOTHUBO 3:15

Atotiu ngo okujo dolo ino kimthikile keu sutsuni, oti ngo li ti dolo ino kimthikile keu sutsuni. Pano oboghe chisheda tsupeni eno nono pa phitsu mighi peni.”

Piyeküsü 19:10

Tileno ino pa pukhu phivilo mllaniye iluiqive, ikemu pano ivilo ishipi, “Tishikevilo! niye no eno othikuzumi khunoqono Jisu no kuchou shepe shikeu ikhilu cheni keno tipaqo kumtsu gholo akusami aqemi lakhike. Alhou mllalo!” Kughengu Jisu no kuchou shepe shikeuno tungkuptsa pinikeu nguaghapuke.

Galatiami 4:6

Nonguye anuliqo shiveapi piye nikehu Alhou no pa Nu Ghungu ningu mlolo tsu, pano ishi igha cheni, “Apuo, iPuh.”

John 12:41

Isaya no hipau pikeuye pano Jisu jekipipu ithuluke ghenguno pa ghili pike.

Luke 24:44

Tishino pano panongu vilo pi, “Ino nongu gholo aphi lono hipaqo kumtsu nongu vilo pivae!Muse yezahlo,Tungkupmino yehpe puakeulo,eno Leshele lo Ighili yehpe puakeu kumtsu shikupu masae.”

DANIEL 2:44

Panoqono akukau shi ake ghuloki lono kungulo kukau Alhou no akukaqha lakhi shi nani, tipau khilemu puhavemla nani. Ikemu pano kutami kukami kumtsu puhave tsu nani eno pa kukano ashekha kuha acheuve nani.

ISAIAH 49:6

AMPEU no ivilo pike, “Iqeu, niye oghenguno akumlapu saje kije lakhi ani. Noye Israilmi puxu puaghikeqo kije shikepulo sachilewoni keu likhi kumo, ikemu ino opelo ashiayehqo lau akuvu lakhi shipeni cheni, tishianguno ayeghiqha kumtsu xaluvepe nike.”

ZEKHARIA 13:7

Aqokitikhi MPEU no pi, “Idathughilo, azutakihi ipunukhoi mlachekeu bherikheu ghiqhilo! Pa ghiqhilo eno bheriqoye hapiye pighive nani. Ino iwu timiqo leni cheni,

MATTHEW 26:24

Timi Nu huye kuchoyesulo pa ghenguno yepuakeu toi thive nani, ikemu timi khuuno Timi Nu pesu thechu shinikeno pa ghenguno kiutoi ahakusapu kela! Timi tipau ghenguye pa punumove keu pavini cheke!”

Apostolmi 16:7

Kughou pamano Musia lughi ghungulo ighi keno Bithinia ghakhulo wunike pamano pukaputsa, ikemu Jisu Ghungu no pama pelo wupemoe.