1 Peter 1:1 - BAIBEL (BSI)

¹ Jisu Khristo wu apostol Pitor no Pontu, Galatia, Kapadokia, Asia eno Bithiniya lo Apanagha hapiyepighi pesu akemiqo lau yelu ani.

Sümi Tiqhelimi Bible

¹ Peter, Jisü Khristo’w apostol lakhi, Alhou no kisheluve kemiqo, Pontus, Galatia, Cappadocia, Asia eno Bithynia bocho kümtsü lo hapheve no apanagha pe akemiqo lau,

Sumi Naga CL (Re-edited) Bible (BSI)

¹ Jisü Khristow apostol Peter no Alhouw kishekiphemi khunoqo Pontus, Galatia, Cappadocia, Asia eno Bithynia lo haküghütsüpe ani keno panoqo lau ye ani.

1 Peter 1:1 Referans Kwoze

James 1:1

Alhou ngo Ampeu Jisu Khristo qeu Jems no ashiayeh chighikini Apanaghavekemi lau yehani. Petha tsu ani.

IBRIMI 11:13

Akupulu lono timi hipaqo kumtsu thivae. Panonguye Alhou no piqhipuakeu ithumla ikemu putouno pishipuwo tipaqo ithuluno ikhilukileve, panonguye ayeghilo inami, kupokichemi eno haphevekemi kepi ithipuqaive cheke.

Ephesiami 2:19

Tishiaye, nongu Judakumomi ye inami eno kichekupomi kumovae ikemu Alhou wu timiqo sasu aghakhumike eno Alhou kibolomike.

LESHELE 44:11

Nono kutami pelo bheri hutoi ningu ghiqhivepeke, nono inami yeghilo ni hapiye pighiveke.

Apostolmi 8:4

Kupulumi khunoqono apanagha wuve keno aqha kumtsulo atsa pesu vekupha wove.

John 11:52

panoqo ghengu likhi kumo ikemu Alhou nuliqo apanagha akeqo kumqo sawo lakhi shinikehue.

MATTHEW 24:22

Tipa tsalaqo Alhou no kihi kughukhovetsumo keaye timi khumu puxumoni cheke. Ikemu kisheluvekemiqo ghenguno Alhou no tipaqo tsala kihi kughukhove tsuni cheni.

1 Peter 2:11

Ino kimiyechekemiqo, ino nongu qhuiniju ani, hipau yeghilo inami eno kupokichemi ake ghenguno ashiajihlo ngosukumla nongu kuxu sasu pulhapuju aghushi akeulo khilemu phesu kevilo.

ESTHER 3:8

Haman no tipau tsa pesu akukau lau wuno hitoi pithu, “Okuka yeghiqhalo timi aqo lakhi acheku kumtsulo vekuphape ani, panonguye timi kutami khuaye toimokeu pepimhe acheni eno panonguye akukau yezahqo lutsumoe, tighenguno panonguye akukau kivipu ghenguno xua kuzupu kumoe.

ZAKINIU 28:64

“AMPEU no ashiayeh kumtsu gholo nongu kuthole puwuve nani, ayeghi aku lakhi lono lakhi kutolo puwuve nani, tilau nonguye asu atuno shikeu lhou qeuve nani, nongu na nopuasu namu khilemu puzuuye mlla mphi keu lhouqo mllauve nani.

ZAKINIU 4:27

“AMPEU no ashiayeh kutami gholo nongu halepuwuve nani tilau nonguye aghuloshi likhi puxulu nanike.

2 Peter 1:1

Jisu Khristo qeu eno apostol Simon Pitor launo niLhou eno niXakuluu Jisu Khristo mikucho vechewo nigholo akupulu aqhemishi ithuluvekemi lau yelu ani.

Ephesiami 2:12

Tipa ghulokilo nonguye Khristo launo kututashipe acheke. Nonguye inami shi ache, Alhou no kishelukeu Israilmi laumi kumoke, eno Alhou no pawu timi lau piqhikeu puloshoqhi shikeu launo tusumi shiache, eno hipa yeghiqhalo lajupu kuha eno Alhou kuhano acheke.

2 Kor. 1:8

Kughengu ninguno Asia yeghi bocholo shilukusa sholukeu nongu pelo mthano apenishi moe. Shishe puqhekumla pushi ningu munudaqhi kelauye ninguye akuxu ghi pulumoveke.

Apostolmi 18:2

Tilehi Paul no Pontikus noghami Akuila ipike Judami lakhi sasu kusholu. Akuila ghi tiholono pa nipu Priskila sasu Itali yeghi lono ighi ae, kutau kumono Rom kukau Klaudia no Judami kumtsu vilo Rom phughi qhiveno chevelo pi ahza tsuke. Ike Paul no pama putsaniye wu,

EZEKEL 6:8

“Ino panongu gholo khamiye ghiqhi keu lono poluvepe nani eno ashiayeh kutami gholo apanagha wuvepe nani,

Piyeküsü 1:11

“Nono kiu ithulu keno kaku lakhilo yepukulo eno akukuhou tsuni lau tipau tsupuwulo: Efesia, Smurna, Pergamos, Thuatira, Sardia, Filadelfia eno Laodikia kukuhouqo lau tsupuwulo.”

2 Tim. 1:15

Nono ithi aghi nanike Asia yeghiqhalo akemi kumtsuno iqhivae, eno tipanoqo gholo Fugelo ngo Hermogeno pama ghi iqhivae.

Galatiami 1:2

hilau ithikuzumi akeqo kumtsuno Galatia lo akukuhouqo lau petha tsu ani:

1 Kor. 16:19

Asia yeghi bocholo akukuhou qono petha nongu tsu ani. Akuila ngo Priskila pama eno pano kilo akukuho kuhochekemi kumtsuno Ampeu gholo alokivi petha nongu tsu ani.

Apostolmi 19:10

Ampe kini kutolo titoi shi ache, ikehu Asia yeghiqhalo Judami ngo Grikmi achekeqo kumtsuno Ampeu tsa chilue.

Apostolmi 18:23

Tile ado ta ngo apuzu paye cheve eno Galatia ngo Frugia qhalo a- a lakhilo wuno kupulumi kumtsu shikumto.

Apostolmi 6:9

Ikemu Aghoshi Sinagog ipi kuchekeu lo kihikusumi Kuriniami, Aleksandriami, Kilikiami, Asiami ighi kumqono lachile Stifan sasu kighethu.

John 7:35

Judamiqono panongu dolono ishi piae, “Paye khilau wuveni cheni keno ninguye pa phumlave nani kepi anikya? Paye Grikmi phughi qolo Judami akeqo lau wupuzu Grikmiqo kutsuwuve nikeu shi ani kesha?

MATTHEW 10:2

Apostolmi pano chighikini jeye hipaqo: atughushi Simon, paje pesu Pitor ipi kuvetsu, eno pa thikuzuu Andrew; Zebedi nu Jems ngo pa thikuzuu Johan pama;

MATTHEW 4:18

Jisu no Galil zughi phivilo wuchekelo, pano athiazu mikini ithulu, Pitor ipi kuvetsukeu Simon ngo pa thikuzu-u Andrew pama akhame pesu azughilo akha vecheghi, kughengu pamaye akha kukhamike,

ACHINE 26:33

Ino nongu shou aghukishi sughi nani eno inaghami yeghilo nongu hapiyepighive nani. Noghakhuye yenguyeleive nani eno nophughiqoye ixapiniyi qhive nani.

ZAKINIU 32:26

Ino panoqo qhoi kutsaleveni cheni, tishianguno khunomu pano kumsuchilelumo nanie.

Luke 18:7

Tishiaye Alhou ye paw timi kishekiphemi khunoqono putho pucho pa lau ighamuku akeu saphumoni kesha? Paye panongu kuphunikeu munu auve nani kesha?