Mark 16:1 - Fangkenio Kkewe Faawu

¹ Mwirin raaenin Sabbath, nge Maria Magdalene, Maria we inaen James iwe me Salome ra chuwaai neoningas, pwe repwe noa aepiti miniwe oanongaen Jesus.

Mark 16:1 Referans Kwoze

Luke 23:56

Ra sefaaen noa nee iimw ra noa oamoannatae aar waningas me neoningas pwe repwe noa aepiti miniwe oanongaen Jesus. Wooan Sabbath ra aseoseo, pwe ina miniwe e foatofoat noan Anniug we.

Mark 15:40

Aaemweoi rhooapwut reno igiwe, re oawruruto me itaaw. Neeiir rhooapwut kkewe nge Maria Magdalene, Maria we inaen James me Joseph iwe me pwan Salome.

John 19:31

Iwe man kkewe soamwooniir Jews ra tingoareei Pilate pwe epwe fang ngaeniir pwe repwe gopiy pirheer mwaaen kkewe re kurusuur noa, iwe me repwe aetiweer tiw me wooan kurus kkewe. Re tingoar miniwe pwe igiwe a aenimowu, nge rese mwerhaen pwe rhooa kkewe repwe no rhag wooan kurus wooan Sabbath, pwe igiwe Sabbath we epwe itto nge e igin ssoar.

John 19:25

Rhooakka re igin iu arap ngaeni miniwe kurusun Jesus, nge manewe inan, manewe pwiin inan, Maria we pwiuniuwaen Clopas, me Maria Magdalene.

Mark 16:8

Iwe ra toowow nge ra fattapw saengi paeyi we, noan aar mesag me riu. Nge rese aepesa ngaeni mwo nge erhai, pwe ra igin mesag.

Mark 15:47

Maria Magdalene me Maria we inaen Joseph re pipiiy nge ra giuneei iya re paeiaeni miniwe oanongaen Jesus ee.

Mark 14:8

A feeori iugiugiun meeta a mmwen ngaeni; a aeniatiw neo we wooan oanongaei pwe epwe oamoann ngaeni oaton aaei nipwaenipw.

Mark 14:3

Jesus eno noan Bethany noan imwaen Simon, erhai mwaaen kaenepaai mwo igiwe. Oaton we Jesus a mwongo, erhai rhooapwut a toonong faaen eew neo effeeor saengi alabaster nge e oawut ngaeni neoningas e igin cchoaw paniuwan effeeor saengi eew irae itan nard. Rhooapwut we a ripiy neo we iwe a aeniatiw wooan rhimwen Jesus.

Luke 23:54

Wooan Aenimowu miniwe, a gin egius rhag nge epwene itto Sabbath.

Mark 15:42

A faaeraeg ngaeni nee oatofaaef nge Joseph re Arimathea we a tooto. Iiy erhai e regin oawoai me noan Council we, iwe e wewweti itton minna Mweoiun Deus. A raaenin Aenimowu miniwe (eew raaen mmwaen raaenin Sabbath), noan maemaewaen nee tipaen Joseph a itto reen Pilate a itto tingoar miniwe oanongaen Jesus.

Mark 16:2

Weni mmwaei raaenin Sunday, oatowe aenet epwene teeotae, ra noa reen paeyi we.

Luke 24:1

Sunday nee oatosor moawugowug nge rhooapwut kkewe ra mwet noa reen paeyi we, nge re pweipwog noa neoningas kkewe re oamoannatae.