Luke 5:15 - Fangkenio Kkewe Faawu

¹⁵ Miniwe kkepesaen Jesus a rheeoi fetaen, iwe pwuwaen aeremas ra maegeto repwe itto aiussaening ngaeni nge e aecchipwa aar semwaai.

Luke 5:15 Referans Kwoze

Luke 12:1

Iga sengeras aeremas repwe pwuwa fengaen, nge ra pwuu tae rhag wooan pirheen erhai, Jesus a aengaeniir rhooan kkayeo kkewe naiun pwe, “Oaw aefaennigaemi reen yeast kkewe aar Pharisees  — wewen minneei nge aar riugiuriug.

Mark 1:45

Nge mwaaen we a noa nge a noa aepesa faaeraegiy wunuunun miniwe a wen ngaeni. Ina faaen Jesus esa mmwenen noa no fenai noan taeninimw kkewe reen. Nge a noa rhag no noan pwiuneoi ne iiy noa rhag. Iwe, aeremas saengi oanongaen pwiuneoi ra itto reen.

Matthew 9:26

Iwe, fioangon miniwe a rheeoi noa wooan oanongaen faniuw we.

Mark 1:28

Iwe miniwe kkepesaen Jesus a rheeoi mwetekkaei noa wooan Galilee.

John 6:2

Eew pwuwaen aeremas e tettapwei, pwe igiwe ra weri kkeman kkewe efeeori reen aan aecchipwaar rhooa semwaai.

Luke 14:25

Eew oat igiwe e igin towunap aeremas re tettapwei Jesus, a wegitaeg nge a aengaeniir pwe,

Mark 3:7

Jesus me rhooan kkayeo kkewe ra noa ppaei meoneoiniuniun Galilee, nge eew pwuwaen aeremas a ttapw noa mwiriir. Ra itto saengi Galilee me Judea,

Matthew 9:31

Nge iir ra faer noa arheoiuwa noa wunuunun Jesus wooan oanongaen faniuw we.