Luke 3:22 - Fangkenio Kkewe Faawu

²² iwe nge Espritu Santus a ittiw wooan eweei rhag erhai dove. Iwe nge eew mangiungiu a ittiw me noan naaeng nge a aepesa pwe, “Een naeyi mwaaen aerhaengerhaeng. Iye efin tipaei reen.”

Luke 3:22 Referans Kwoze

John 1:32

Iwe John a pwaeritae pwe, “Ngaang iweri Espritu Santus e ittiw me noan naaeng nge eweei erhai dove iwe a ittiw no noa wooan.

Matthew 17:5

Igiwe Peter e rhiuwen kekkepas, eew toapw seram a itto pwaniiur noa, nge eew mangiungiu saengi toapw we a aepesa pwe, “Ieei Naeyi mwaaen aerhaengerhaeng, iye efin tipaei reen, oaw aiussaening ngaeni!”

Matthew 3:17

Iwe nge eew mangiungiu a ittiw me noan naaeng a aepesa pwe, “Ieei naeyi mwaaen aerhaengerhaeng, iye efin tipaei reen.”

Matthew 12:18

“Ieen naeyi rhooan akkiuneo iya finitae, iiy minne i aerhaengi, iya igin kker reen. Ngaang ipwene fangetiw aaei Espritu wooan, nge iiy epwe arheoiuwa noa wunuunun aaei apwiung ngaeniir oanongaen faniuw.

Luke 4:21

Iwe nge a aengaeniir pwe, “Soapwon kkepas e noan Pwapwior we e Santus iye igina nge a pwae noa pwe ennet, iye oawwa rongorong ngaeni.”

Matthew 27:43

E niugiuniug ngaeni Deus, nge e aepesa pwe iiy Naiun Deus. Iwe, sipwe pipiiy aere Deus epwe mwerhaen aemenewa igina!”

Matthew 3:13

Noan oaton naan nge Jesus a itto me Galilee a itto reen pwupwu we Jordan, pwe John epwe paptismusa.

Matthew 3:16

Igiwe rhag Jesus a moann me paptismus noa, a teeotae me noan rhaan we. Iwe naaeng a sugaeg ngaeni nge a weri Espritu Santus aan ittiw nge eweei rhag erhai dove a ittiw soatiw wooan.

Mark 1:9

Ese pwongiy noa mwo nge Jesus a itto me Nazareth noan Galilee pwe epwe paptismus reen John noan rhan pwupwu we Jordan.

Mark 1:11

Iwe nge eew mangiungiu a ittiw me naaeng a aepesa pwe, “Een naeyi mwaaen aerhaengerhaeng, iye efin tipaei reen.”

Mark 9:7

Iwe eew toapw a itto pwaniiur noa, nge ra rongorong eew mangiungiu e itto me noan toapw we, “Ieei Naeyi mwaaen aerhaengerhaeng, oaw aiussaening ngaeni!”

Luke 2:14

“Sia fang ssoar ngaeni Deus na eno wooai naaeng, nge oapoas enoa ngaeniir rhooakkena e mwamwaai nee tipan wooar!”

John 5:37

Mwaaen na Semaei ina efangeto ngaang, iiy epwan pwaeritae kkepesaei. Esaaen yor mwo aaemi rongorong mwaenian me weri mesan,

John 12:28

Semaei, pwaeri noa nningen minna itoamw!” Nge eew mangiungiu a ittiw naaeng, “Iya fasiun pwaeri noa nningen, nge ipwe rhiuwen feeori sefaaeniy.”