Titus 2:7 - Sümi Tiqhelimi Bible

⁷ Thowkha kümtsü lo kiu no akivi keno tipau shi püzü panongu zülo kiche-kipiye lakhi shilo. Ow shiküka lo hipaqo pìyelo, kikhikighi, tsaqütsalei keu,

BAIBEL (BSI)

⁷ No ampino thwokhalo akumla akughutha kivi shipuzu timi pelo oju pesu xupelo. Okukutsulo mutsumisheyi shilo eno mishisheyi shilo,

Sumi Naga CL (Re-edited) Bible (BSI)

⁷ No ampi pesü thokha lo kichekipiye kivi shipe piyelo, o kükütsü lo akikhi eno agigihupu piyelo,

Titus 2:7 Referans Kwoze

1 Peter 5:3

Nongu pelo tucho-heju peniye pichebetsü kemiqo shou ampeu shi kevilo, ikemu Alhou’w ambe lojiqo zülo xüpiye kemi shilo.

1 Tim. 4:12

Timi khuu pelomu no ye lhothemi kepi O jukünatha pe kevilo, ikemu atsapi lo, süqeghili lo, kikimiye lo, aküpülü lo eno akimthe küxü lo küpülümiqo ghenguno kiche-kipiye qhitsülo.

FILIPIAMI 1:10

tishianguno nongu pelo kiu no akiviu keno jupililu pe eno Khristo tsalà ghenguno akimthe eno tukutiye küha püzü,

2 Kor. 4:2

Tike kumo no, ningu ye tuqhou eno akukujopu laghiqo qhivae; ningu ye pishikiqhi shichemoe, momu ningu ye Alhou tsa tuchighi chemoe. Tishini ke züqhulo, Alhou nhekithe lono mütsümishei shi kuchou pesü asheshu keu vechewo ningu likhi ningu pesü timi kümtsü lolo kighithi zülo ningu no xü cheni.

2 Kor. 1:12

Ningu kijuvilei chekeu ye hike: Ningu no ayeghi hipau lo xü chekeu, eno akhotoshi nongu sasü akimthe eno Alhou lau no amikucho shi kütshükime keu ye ningu lolo kighithi no ashepe shitsü ani. Ningu ye ayeghi lokütsü shou pükhümoe ikemu Alhou’w küpükini shou pükhübe ke.

2 Thes. 3:9

Ningu ye akukuphu ithulu küzüpu kumo ke ghenguno hitoi shike kumoe, ikemu ningu vechewo akühapu lakhi shi no nongu pelo tipau kishishi shipe nikeu ghenguno ke.

Ephesiami 6:24

Khunoqo thivemo nikeu kikimiye pesü ningu Mpeu Jisü Khristo kimiye acheni keno panongu kümtsü lau küpükini apeniu.

2 Kor. 2:17

Ningu ye kütamiqo toi alá shini keu ghenguno Alhou tsa pesü mülalei shi jechu chemoe. Tishini ke züqhulo, ningu ye Khristo lono amikucho shi no Alhou lau no ighi kemi toi Alhou zülo pi acheni.

2 Kor. 8:8

Ni ye nongu vilo azah tsü amoe, ikemu kütamiqow pulopiniyi gholo kimghi keu vechewo ni ye nonguw kikimiye mikucho peju nishi anike.

1 Tim. 5:10

eno li kümlà kivi ghenguno ajekipi shikemi. Akümlà kiviqo ye anuliqo saputhu keu, sasükini shikeu, Ampeu’w timiqo pukhu qhutsü keu, aveküsa shi akemi kuphu keu eno akümlà kivi jeliqo kümtsü lo amlo tsü keu ke.

Titus 3:8

Hiye pükhübekulu tsa lakhi ke. Eno ni ye O pelo hipaqo vehu müghachhoi pitsü penishi ani, tishianguno khunoqo no Alhou lau pükhübeluve akeno panongu pelo kutokupui shi püzü kiu no akivi keno tipaqo lo pulopiniyi ape niye ke. Hipaqo vehu ye akiqheu eno kümtsü ghenguno alá shikulupu ke.