Titus 2:11 - Sümi Tiqhelimi Bible

¹¹ Kughengu, Alhou’w küpükini ye timi kümtsü lau xakulu tsü niye ipeghivae.

BAIBEL (BSI)

¹¹ Kughengu Alhou kupukiniye timi kumtsu xakulupu ghenguno ipeghivae.

Sumi Naga CL (Re-edited) Bible (BSI)

¹¹ Kughengu Alhouw küpükini ye timi kümtsü xakulupu ghenguno ipeghivae,

Titus 2:11 Referans Kwoze

1 Tim. 2:4

Alhou ye kümtsü pelo xaluve penishi ke eno kuchou ithiluve keu lo ighive penishi ke.

Ephesiami 2:8

Kughengu nongu ye küpükini lono aküpülü vechewo xaluvae—eno hiye nongu likhi nongu no shilu ke kumoe, hiye Alhou’w aghò ke—

IBRIMI 2:9

Ikemu ningu ye Jisü ithulu anie, pa ye ado kitila ghenguno kungumiqo nguno kitila aqhou shi lhosü ke, pa no aghime kithí shi thive keu ghenguno itehi pa ye ajuküvü ngò agigihu pe qhopipevae, tishi keu lono Alhou’w küpükini vechewo pa pelo kümtsü ghenguno akithí michelu peniye ke.

Ephesiami 2:5

pa no ningu no hebideve keu lono thive no ake ghuloki lono Khristo gholo no ningu xüputhu ke—nongu ye küpükini vechewo xaluvae.

2 Thes. 2:16

Ningu Mpeu Jisü Khristo ampi no eno ningu Papù Alhou khuu ningu kimiye eno paw küpükini vechewo lhokta shikumtokütsü eno lajupu kivi ningu tsü keno,

Rommi 5:15

Ikemu Alhou’w kümsá ghò ngò Adam xiné ye kütüqü ke. Kughengu tsalá timi lakhi hekibide ghenguno timi kutomo thive aghí aye, tinguno alau shi timi lakhi Jisü Khristo’w küpükini vechewo Alhou’w küpükini eno kümsá ghò ye timi kutomo lau khijehi qochili ighilu nani kea.

John 1:14

Atsa hu no ashi shive eno ningu gholo xüke. Ningu no pa juküvü ithuluvae, ajuküvü tiye Anu lakhi likhi akeu ke, Anu ye küpükini ngò kuchou no chhitoi shi püzü Apù lau no ighike.

Apostolmi 11:23

Kughou pa no Antioch tove püzü Alhou’w küpükini no kiu mülave tsü akeno ithulu kelo, pa ye amlokiqi shive eno amlo kümtsü pesü Ampeu ghokulu shi alo ipi panongu shikumto tsüe.

Apostolmi 20:24

Tishimu I ghengu ye I küxü pesü ameküa shi kümsü chemoe, I kimiji ye Alhou’w küpükini tsakiviu pesü ashepe shini keu kümlapù saje khikhi Ampeu Jisü no I tsü keno tipau mülà kupuve no ashetove niye po cheni.

Luke 3:6

eno timi kümtsü no Alhou’w xakulu ithulu nani.’ ”

1 Tim. 1:14

Khristo Jisü gholo aküpülü eno kikimiye akeu gholo no ningu Mpeu’w küpükini I lau kupukuno shi lepuku tsüke.

Rommi 5:2

Jisü Khristo vechewo ningu pelo aküpülü lono ningu no itehi puthugho akeu küpükini lo ilolu pe ke. Ikehu ningu ye Alhou juküvü küsaje nikeu lajupu akeu lo alovini nolo.

Kolosiami 1:6

lajupu hipau ghili chiluvea ke. Tihutoi, nongu no atsakiviu ghili chilu no kuchou no Alhou’w küpükini vethalu keu tsalà lono nongu gholo mülà ake toi, atsakiviu ye ayeghiqha kuchopu lo axathi pithí eno thuwu anie.

Galatiami 2:21

Ni ye Alhou’w küpükini milive chemoe, kughengu ayeza vechewo achipiumikucho ithulu kepu shi aghí aye, Khristo ye adou lono thivae!”

2 Kor. 6:1

Ningu kümtsa Alhou kümlà shi ani kehu ningu no nongu qhüiniju akeu ye Alhou’w küpükini ithulu keu adou shitsü kevilo.

Apostolmi 13:47

Kughengu Ampeu no hitoi ningu lau azah tsüpüani ke: “Nongu pelo ayeghi kishekha kutólo xakulu süghi penike ghenguno I no nongu pesü Jewkumomiqo ghenguno akulu lakhi toi shitsü ke.”

Apostolmi 13:43

Kughou akukuho ixave keno Jewmi ngò Jewmi chineye luve no amlo tsü akemi kutomo no Paul ngò Barnabas pape wu, pama no panongu sasü küptsa eno Alhou’w küpükini lo xüache penike hakite.

John 1:9

Timi kümtsü lau aküvü tsü chekeu kuchou küvü hu ayeghi lo ighike.

Luke 24:47

eno Jerusalem lono huthu no shiye kümtsü lau pa je lono amlo pebide eno axiné qhivetsü keu sütsa pesü asheshu nani.

Mark 16:15

Jisü no panongu vilo pi, “Ayeghiqha kümtsü lo wulo eno timi kümtsü lau atsakiviu kütsü lo.

MATTHEW 28:19

Tighenguno shiye kümtsü lau wulo eno I khopemiqo shilu pelo; Apù jeku, Anu jeku eno Aghungu Kimthe jeku no baptiz shitsülo,

IBRIMI 12:15

Khuu pelo nomu Alhou’w küpükini ithumlave keu shipemo nike eno khumtsai keu kuhu lhoipeghi no aküpüna shivepemo nike eno timi kümtsü shikuchubeve pemo nike jukuto alo.

2 Tim. 4:17

Ikemu Ampeu no I küdau puthugho eno aküka I tsüke, tishianguno I vechewo akükütsü sütsa kümtsü asheshulu peniye eno Jewkumomiqo kümtsü pelo chilu peniye ke. Eno abongushuu baxa lono I xapheluve ke.

Kolosiami 1:23

tiye nongu no aküpülü lo aboqha kumto shou mutotoilu eno ithamo püzü lajupu akeu atsakiviu lo ache moayesa ke. Atsakiviu hipau ye nongu no chiluve keu ke eno atsütsǘ qholo lhoxü jeli kümtsü lau asheshuvae, eno atsakiviu hipau lo ni Paul pelo aqeu lakhi shilu pe ke.

Rommi 10:18

Ikemu I no hi iniju ani: Israelmiqo ye kuchou no akükütsü sütsa chilumo keshea? Panongu ye chilu thono: “Panongu sütsa ye ayeghiqha kümtsü lo wuvae, panongu tsaqo ye ayeghi shekha kutólo wuvae.”

Apostolmi 17:30

Khaghi mtha keu ghuloki lo ye Alhou no jukümghaleve tsüche, ikemu itehi ye pa no aqha kuchopu lo timi kümtsü vilo amlo pebide penike azah tsü ani.

2 Tim. 1:10

ikemu itehi ye ninguw Xakuluu Khristo Jisü ipeghive keu vechewo pephe-piyevae. Ikehu Khristo Jisü no atsakiviu vechewo akithí kütsakungovae eno khilemu thivemo nikeu eno aküxü hu pesü aküvü lo süghivae.