Titus 1:4 - Sümi Tiqhelimi Bible

⁴ Titus lau yè ani, nikujo aküpülü lono lakhi shi akeu vechewo no ye I nu kuchou ke: Apù Alhou eno Khristo Jisü, ni Xakuluu lau no ighi keu küpükini eno aloino keu ow shilu peniu.

BAIBEL (BSI)

⁴ Tito lau yeani, ningu kupulu aqu shiakeu lono noye inu kuchoke: Apu Alhou ngo niXakuluu Khristo Jisu launo kupukini ngo alokughunopu owu shilupeni.

Sumi Naga CL (Re-edited) Bible (BSI)

⁴ Aqü küpülü kiqi lono I nu kuchou shi chekeu Titus lau: Apu Alhou eno ni Xakuluu Jisü Khristow küpükini eno aloino keu tsü ani.

Titus 1:4 Referans Kwoze

2 Tim. 1:2

I no Kimiye chekeu nu Timothy lau yè ani: Apù Alhou eno ningu Mpeu Khristo Jisü’w küpükini, kimiyekini eno aloino keu O tsü peniu.

Jude 1:3

Kimiye chekemi shompamiqo, ni ye nongu lau ningu no xakulu küsaje akeu ghili yè nishiqhiyi akemu, ni ye nongu lau Alhou’w akimthe timiqo lau ghuthukhavi ghenguno aküpülü pichetsü keu vehu lo yè eno nongu pelo tipau kütsala penike hakite ani.

2 Peter 1:11

eno nongu ye ningu Mpeu eno Xakuluu Jisü Khristo’w lhokta kükaphu lo ahukülü shi nongu sasü nani.

2 Peter 1:1

Yesǜ hipau ye Simon Peter, Jisü Khristo qeu eno apostol lakhi no, Khunoqo ningu Lhou eno Xakuluu Jisü Khristo chipiumikucho vechewo ningu toi aküpülü ithuluve no akughupu shi ani keno tipaqo lau yèlu ani:

2 Kor. 2:13

ni ye ti kutólo I kükümsü lo aloino keu küha no ake, kughengu ni ye tilau I thiküzüu Titus ithumla ke. Ikehu ni ye panongu kinive no Macedonia lo wuve.

2 Peter 3:18

Ikemu ningu Mpeu eno Xakuluu Jisü Khristo’w küpükini eno pa kighithi lono thuwu alo. Itehi eno alhokupuju lo pa juküvü shilo! Amen.

2 Kor. 8:23

Titus shélo ye, pa ye I sasü kuloji ache kemi eno nongu gholo mülà küqha ache kemi ke; eno ningu thiküzümiqo shélo ye, Khristo juküvüpu ghenguno akukuhouqo no panongu kishepuwu kemiqo ke.

Rommi 1:12

tishi keu vechewo ningu lakhi-khi küpülü vechewo ningu lakhi no lakhi shikumtolu peniye ke.

John 4:42

Panongu no totimi vilo pi, “Ningu ye nono kiu pi keno tipau ghengu likhi no pa pülü keu shimovae; itehi ye ningu ampi no pa tsa chiluvae, eno ningu no timi hipau ye kuchou no ayeghilomi’w Xakuluu kepi ithivae.”

1 John 5:14

Alhou lau ighilu achekeu lo ningu ye pülükibe hipau ani: tiye ningu no pa pulou kiqi lono kiu-kiumu khu aye, pa no chilutsü cheni.

2 Peter 3:2

Ni ye nongu pelo wove keu lo akimthe tungkupumiqo no atsa pikeqo ngò ningu Mpeu eno Xakuluu no nonguw apostolmiqo vechewo azakütsü tsü keqo kümsüchilelu penishi ani.

2 Peter 2:20

Panongu no ningu Mpeu eno Xakuluu Jisü Khristo ithi akeu vechewo shikuchubeve keu yeghiqha lono pokajoluve aghí no itaghi tipau lo kitimeve no tipau no panongu qhasüve aghí aye, panongu ye hukuthu lo kiutoi akeno ashekha lo ye tinguno vimokitheuve anike.

Titus 1:3

eno khikhi itehi, Alhou no püghüpe qhi keu süchedo lono, ninguw xakuluu eno Alhou zakütsü tsü keu vechewo akükütsü I pichetsü keu hu pa no aküvü lo pephe tsüke.

Kolosiami 1:2

Kolosia lo Alhou’w akimthe timiqo, Khristo lono pükhübekulumi athiküzümi eno achelimiqo lau yèlu ani: Ningu Papù Alhou lau no ighi keu küpükini eno aloino keu nongu gholo apeniu.

Ephesiami 1:2

Ningu Papù Alhou eno Ampeu Jisü Khristo vechewo küpükini eno aloino keu nongu gholo apeniu.

Galatiami 2:3

Tishimu Titus khuu I gholo ngoa keno pa ye Greekmi lakhi shi aghí namu pa kutólo tsükhoi aphighüyiko ghave moayesa keu shimo ke.

2 Kor. 12:18

I no Titus pelo nongu lau wu penike hakite ke eno I no ningu thiküzüu pa gholo puwu ke. Titus ye nongu peithapüsa keshea? Ningu ye Aghungu lakhi lono apukhu-nepa lakhi shi acheni ke kumo keshea?

2 Kor. 8:16

Alhou shikimthi ani, I no nongu ghenguno alomsü akeu toi Alhou no Titus mlo lo ghí alokümsü tipau sǘ tsüke.

2 Kor. 8:6

Ikehu Titus no püzüu akümlà huthuphe tsü keu toi, nongu sheamzü lo ghí küpükini kümlà hipau asheho tsüpe niye ningu no nongu qhüiniju ani.

2 Kor. 7:6

Ikemu aghithisüve kemi lokughuno tsü chekeu Lhou no Titus ighi keu vechewo ningu lokughuno tsüke,

2 Kor. 4:13

Ishi yèpüani: “I no pülüluve ke ghenguno I no pivae.” Ningu ye aküpülü lhoaye aphiphi ke ghenguno ningu ghí pülü ani eno tighenguno piani,

Rommi 1:7

I no Rome lo Alhou no kimiye chekemiqo eno paw akimthe timi shipe nike kulùve kemiqo kümtsü lau yèlu ani: Ningu Papù Alhou eno Ampeu Jisü Khristo lau no ighi keu küpükini eno aloino keu nongu gholo apeniu.

Luke 2:11

Ishí tsalà lono David’w mishiphu lo nongu lau xakuluu lakhi punúvae, pa ye Messiah, Ampeu ke.

Galatiami 3:26

Ike Khristo Jisü lono aküpülü vechewo nongu kümtsü Alhou nuliqo ke,

Galatiami 3:28

Ikehu Jewmi ngò Jewkumomi, aqüaxemi ngò kuqhopheve kemi, kipitimi ngò totimi dolo kütüqü keu kühae, kughengu Khristo Jisü gholo kimepe akeu lono nongu kümtsü lakhi ke.

1 Tim. 1:12

I no ningu Mpeu Khristo Jisü shikimthi ani, pa no akumto I tsüke, pa no pükhübekulu shi ni ikhilu tsü no pa kümlà lo ni süküsü shitsü ke.

2 Tim. 1:1

Yèsü hipau ye ni Paul, khuu Alhou pulou lono Khristo Jisü’w apostolmi lakhi shilu eno Khristo Jisü lolo aküxü akeu pikiqhi kiqi lono asheshu penike kishelu keno pa no yè ani.

2 Tim. 4:10

kughengu Demas ye hipau yeghi lo thimeqo kimiyeve ke eno I qhive no Thessalonica lo wuvae. Crescens ye Galatia lo wuvea, eno Titus no Dalmatia lo wuvae.

Titus 2:13

Ningu no kükümgha lajupu khe akelo—Ni Lhou akughushuu eno Xakuluu Jisü Khristo, ajuküvü lono ipeghi niye akeu,