Titus 1:15 - Sümi Tiqhelimi Bible

¹⁵ Amlo kimthemi ghengu ye thowkha kümtsü akimthe ke, ikemu shikuchubeve kemiqo ngò pülümo kemiqo ghengu ye kiumu akimthe kühae. Kuchou no, panongu kükümsü ngò alolo kighithi kinikujo shikuchubevea.

BAIBEL (BSI)

¹⁵ Mutsumisheikemi ghenguye thwokhalo kitiqekepu kuhae, ikemu kusakughami ngo pulunishimokeqo ghenguye kiumu muqhamiqhi keu kuhae; panongu kukumsu ngo kivikusa michilukeu mlo pe kusakugha kughulho vae.

Sumi Naga CL (Re-edited) Bible (BSI)

¹⁵ Tsüghükhüi kemi ghengu ye thokha mqhamqhi ke, ikemu kitiqeve kemi eno pülümokemi ye kiumu mqhamqhi moe, pano kükümsü ngo kiviküsa lotsü ye kitiqevae.

Titus 1:15 Referans Kwoze

Rommi 14:14

I no ithi akeu eno Ampeu Jisü lono mütsümishei vethalu akeu ye, thime kiumu pa likhi pa kutoshi ye mithemo keu kumoe. Ikemu tsalá khiuala no thime hami ye mithemo kepi kümsü cheghi aye timi tipau ghenguno thime tiye mithemo keu shivae.

Rommi 14:20

Alhou no kiu mülà pe püani keno achuqupu ghenguno tipau kütsave pe kevilo. Achuqupu kümtsü akimthe ke, ikemu timi lakhi no kütami pelo püsükukhove pe kepu chuqu kiu-kiumu chu keu ye achipi kumoe.

1 Kor. 10:23

Nongu no, “Ni ye kiu-kiumu shilu kepu chipiu ani,” ipi cheni—ikemu thowkha kümtsü akivipu kumoe. “Ni ye kiu-kiumu shilu kepu chipiu ani,” ipi cheni—ikemu thowkha kümtsü xaqhekulupu kumoe.

MATTHEW 15:18

Ikemu timi kichí lo kiu ipeghi keno tiye amlo lono ipeghi cheni, eno tino pa shikuchubeve cheni.

Rommi 14:23

Ikemu timi khuno no künacho pülaghi chuni keno panongu ye Alhou no kiléqhivae, kughengu panongu no chu akeu ye aküpülü shou bemo ke; eno kiu-kiumu aküpülü shou bemo keu ye axiné ke.

1 Kor. 10:31

Ike nongu no chuna shona momu kiu-kiu shi namu, kümtsü Alhou juküvüpu ghenguno shilo.

Apostolmi 10:15

Asütsa hu no ghuthu akiniù pa vilo pi: “Alhou no shikimtheve keqo lakhimu kitiqevea ipi kevilo.”

1 Kor. 8:7

Ikemu timi kümtsü no hipau ithi anike kumoe. Timi khami ye itehi kutólo ajulho lhou lau mülá keu lhoaye peitha acheni kehu kughou panongu no aghakishi shive keu chuqu chuni keno panongu no tiye alhou lau aghakishi shive akeu toi kümsüve cheni, eno panongu lolo kighithi ye miqemilei ke ghenguno tiye kitiqevae.

IBRIMI 10:22

ningu Alhou lau amikucho mlo eno aküpülü vechewo pülüqhiyi süghi chekeu pesü kupunú wuni nolo, kughengu ningu mlo ye alolo kighithi shikipimi lono shikimthevea ke eno ningu phimpi ye azü kütsüghǘ no küzüteve no qhukimthevea ke.

1 Kor. 10:25

Alolo kighithi lo küpüna ghi iniju keu shikevi no ashi lhikishi-a lo kiu-kiu je aghimu kümtsü chulo,

1 Tim. 6:5

eno tamo no akükümsü lhoküsami eno kuchou kühave keqo dolo kighe kilé keu süghi cheni. Eno Alhou sümsaluve aye kinikülü shive cheni ipi panongu no kümsü cheni.

IBRIMI 9:14

Tishiaye Khristo jì khikhi lhokta Ghungu vechewo tukutiye kühamithe no pa likhi pa pesü Alhou mülá keu ye khikuto lo ningu pelo xü akeu Lhou qe penike ghenguno ningu pelo akithí lo sawuve chekeu lau no ningu lolo kighithiqo shikimthe tsülu nani kea!

IBRIMI 12:15

Khuu pelo nomu Alhou’w küpükini ithumlave keu shipemo nike eno khumtsai keu kuhu lhoipeghi no aküpüna shivepemo nike eno timi kümtsü shikuchubeve pemo nike jukuto alo.