Titus 1:13 - Sümi Tiqhelimi Bible

¹³ Küghakiche hipau ye kuchou ke. Tighenguno panongu vilo mükamüghai alomipi lo, tishianguno panongu pelo panongu küpülü lo thebeilu pe

BAIBEL (BSI)

¹³ Hipa tsaye kuchoue. Highenguno noye panongu ghegheyi sakiyilo, tishianguno panonguye kuchou kupulu shilupe nike,

Sumi Naga CL (Re-edited) Bible (BSI)

¹³ Ashepe hipau ye kuchoue. Tighenguno gheghei panongu sakiyi lo, tishianguno panongu pelo aküpülü lo mtsümishei luno

Titus 1:13 Referans Kwoze

Titus 2:2

Layemiqo vilo aghibiu shini keu, timi no gihu küzüpu, alikhi aghasülu nikeu, aküpülü lo mütsümishei nikeu, kikimiye eno kutuukulu shini keu hipaqo shikalo.

1 Tim. 5:20

Ikemu kichimi khunoqo no axiné shi ani keno no ye kümtsü zülo no alòmi pilo, tishianguno kütamiqo pikichilu kepu shi nani ke.

Titus 2:15

Tishiaye, no ye hipaqo vehu pesü shika moayesae. Kükagha kümtsü pephe no shikumto eno alòmi pilo. Khiu pelomu O jukünatha pe kevilo.

2 Tim. 4:2

Alhou tsa pesü kütsü alo; azüu no kütüghü keu shi aghina zülile shi aghí namu Alhou tsa pìní keu lo kutò pe alo; kheakulu shi no tsaqütsalei keu shikakütsü vechewo shikithe tsü, alomipi eno shikumto tsü alo.

2 Kor. 13:10

Hi ghenguno ni ye I no küha kelo no hipaqo vehu yè ani, tishianguno kughou I no ighini keno ni ye ayiküsa shi iw kükagha pephemo niye ke. Kükagha hipau ye nongu sünheqhive nike ghenguno kumo no nongu shiqhepuku penike Ampeu no I tsüke.

1 Tim. 4:6

Nono athiküzümi eno achelimiqo lau thime hipaqo kiche tsülu aye, no ye Khristo Jisü qeu kivi lakhi shi nani. Eno nono aküpülü kuchou tsaqo eno akükütsü kivi pape chekeu hu no O lojiputhulu nani.

1 Tim. 1:10

kipito mikuchokumomi, kipitimi no kipitimi dolo eno totimi no totimi dolo asalha kümlà shi chekemiqo, aqüaxemi pesü lhidi shi chekemiqo, akimkimiqo eno akimki shoqhi shi chekemiqo, eno tipau gholo kiu-kiumu kuchou külü nguno bidelau akeqo ghenguno ke.