Rommi 9:7 - Sümi Tiqhelimi Bible

⁷ Momu panongu no Abraham tikughukomi ke ghenguno kümtsü no pa nuliqo ke kumoe. Ikemu Kuchoyesü lo ishi yèpüani, “Isaac vechewo O nuli-kughukoqo kihikülai tsü nani.”

BAIBEL (BSI)

⁷ Momu Abraham polo kughukomike ghenguno Alhou nuliqo ke kumoe, kughengu Alhou no Abraham vilo pikeuno, “Isak polo kughukomi vechewo oje kuni.”

Sumi Naga CL (Re-edited) Bible (BSI)

⁷ eno Abraham polo kughukomi shi aghi kehu kümtsü no pa tianuli ke kumoe, ikemu “Isaac vecheo ighi kemiu no o polo kughukomi kepi kihini,” ipike.

Rommi 9:7 Referans Kwoze

IBRIMI 11:18

tiye Alhou no pa vilo, “Isaac vechewo O nuli-kughukoqo kihikülai tsü nani,” ipi pive kethiu no ke.

Galatiami 4:23

Abraham nu aqüaxeu totimi vechewo punú keu ye timi lhoaye gholau no punú keu ke, ikemu anipu kuchou vechewo anu punú keu hu ye Alhou’w pikiqhi shikupulu keu kiqi lono punú ke.

FILIPIAMI 3:3

Kughengu ningu ye kuchou no aphighüyiko ghave kemiqo ke, Aghungu lono Alhou qe chekemi, Khristo Jisü lono agijivilei chekemi, eno timi lhoaye shou pülükibe qhichemo kemiqo ke,

Luke 3:8

Amlo pebideve keu toi xüpe pìyelo. Eno nongu ye, nolikhi no vilo, ‘Ningu ye Abraham no ningu papù ke,’ ipi pilu nani küghashi kümsü kevilo. I no nongu vilo pìní, Alhou ye atu hipaqo pesü Abraham ghenguno anuli kughulhopheve tsülu nani.

John 8:33

Panongu no Jisü khochile, “Ningu ye Abraham tikughukomiqo ke eno ningu ye khilemu khuu qüaxemu shiju mphie. No ye kíshi püzü ningu ye khaqhipheve nani kepi pilu nani kea?”

Luke 16:30

“Kiními hu no pi, ‘Tiye shimlae, apù Abraham, ikemu kithimi dolo khuala no panongu lau wu anguno panongu ye amlo pebide nani.’

MATTHEW 3:9

Eno nongu ye nolikhi no vilo, ‘Ningu ye Abraham no ningu papù ke,’ ipi pilu nani küghashi kümsü kevilo. I no nongu vilo pìní, Alhou ye atu hipaqo pesü Abraham ghenguno anuli kughulhopheve tsülu nani.

Galatiami 4:28

Itehi ye nongu athiküzümi eno achelimiqo, nongu ye Isaac toi pikiqhi nuliqo ke.