Rommi 9:17 - Sümi Tiqhelimi Bible

¹⁷ Kughengu, Kuchoyesü lo Alhou no Pharaoh vilo ishi pike, “I no hipau kimiji ghenguno O süqhe ke, tishianguno O vechewo I küká pephe-piye niye ke eno I je pesü ayeghiqha kümtsü lo asheshu peniye ke.”

BAIBEL (BSI)

¹⁷ Kughengu kuchoyesu lo Farao vilo ishi pipuani, “Ino osuqhepuku puakeuye opeitha puzu ikuka pephe nikeu kimji lonoe, tishianguno ayeghiqha kumtsulo ije vekuphawo peniyeke.”

Sumi Naga CL (Re-edited) Bible (BSI)

¹⁷ Kughengu Kuchoyesü lo Pharaoh vilo ishi pi püani, “I no o süqhe puku keu ye o launo I küka pephe eno ayeghiqha kümtsü lo I je sheshu peni keu kimji lono ke.”

Rommi 9:17 Referans Kwoze

John 17:26

I no panongu pelo O je ithivepe ae, eno tamo no no ithi ape nani tishianguno nono kikimiye I ghenguno akeu toi panongu lolo apenike, eno ni ampi no panongu lolo ape niye ke.”

Galatiami 3:22

Ikemu Kuchoyesü no pikeu kiqi lo thowkha kümtsü axiné ghaküsü qholo ani, tishianguno Alhou no kiu piqhipüani keno Jisü Khristo shou pülüluve kemiqo kümtsü pelo khaqhikiphe pikiqhi ithulu peniye ke.

Galatiami 4:30

Ikemu Kuchoyesü ye kiu piani kea? “Aqüaxeu totimi eno li nu hapheve lo, kughengu aqüaxeu totimi nu ye khilemu kuqhopheve keu nu gholo amheghi küsajemo nani.”

Galatiami 3:8

Alhou no aküpülü vechewo Jewkumomiqo pelo achipikaluve pe nikeu azünatha ghi Kuchoyesü no ithuluve ke, eno Abraham vilo azüu no atsakiviu piputo tsüke: “Shiyeqo kümtsü O vechewo kümgha tsü kepu shi nani.”

Rommi 11:4

Ikelo Alhou ye kiu pa khochile kea? Alhou no hitoi pike, “Ni ye I ghenguno Baal lhou lau qhoqhünhe pe mülámo kemi pano 7,000 ghüpe qhipüanie.”