Rommi 8:19 - Sümi Tiqhelimi Bible

¹⁹ Kughengu lhoqhipüa keu jeli kümtsü no Alhou nuliqo pephe-piye niye akeu shishe lakuju shi khekulhoshi anie.

BAIBEL (BSI)

¹⁹ Kughengu Alhou no lhope puakeu jeli kumtsuno Alhou nuliqo pephe piyenikeu shishe huqhe khe ani.

Sumi Naga CL (Re-edited) Bible (BSI)

¹⁹ Kughengu pulhoküsü kümtsü no khekulhoshi Alhou nuliqo pephe niye akeu huqhe ani.

Rommi 8:19 Referans Kwoze

1 John 3:2

Kimiye chekemi shompamiqo, itehi ningu ye Alhou nuliqo ke, eno ningu ye kiu shive nani keno tipau pephe-piye mphie. Ikemu kughou Khristo ipeghini keno ningu ye pa toive nani kepi ningu no ithi ani, kughengu pa ye kiutoi keno ningu no ithulu nani.

Rommi 8:23

Eno lhoqhipüa keu likhi kumoe, ikemu ningu khunoqo no Alhou Ghunguw amsüu ghò ithulu keno ningu ghí Alhou no saputhuluve keu anukishimi shiluve no ningu phimpiqo xachileluve penike ghenguno ningu lolo no igha acheni.

FILIPIAMI 1:20

I no khekulhoshi laju eno huqhe akeu ye ni ye khilemu kujovemo nani, ikemu pülhapuju shiche ketoi eno itehi ghí amlo kumto no chhitoi shi ani, tishianguno, xü kepu shina thikepu shi namu I phimpi lono Khristo süqhelu pe nani.

Apostolmi 3:21

Alhou no khaghi no akimthemi tungkupumiqo vechewo piqhipüa keu toi Alhou no thowkha akithé shikitheve keu do ighi mphi kutólo pa ye kungugha lo ngo aghí moayesae.

MATTHEW 5:9

Timi dolo külashi tsü chekemiqo kümghae, kughengu panongu ye Alhou nuliqo ipi ku nani.

John 1:12

Tishimu pa ikhilu kemiqo, eno pa je lo pülübelu kemiqo pelo Alhou nuliqo shilu pe nikeu chipiu tsüe—

Rommi 8:14

Kughengu Alhou Ghungu no khunoqo sapheni keno panongu ye Alhou nuliqo ke.

Rommi 8:16

Aghungu ampiu no ningu ghungu gholo küqha no ningu ye Alhou nuliqo kepi thopi shitsü cheni.

Rommi 8:18

I no kiqiphelu keu ye ningu no itodolo ime akeqo ye khilemu ighi nikeu juküvü khikhi ningu lolo pephe-piye niye ani keno tipau sasü kimghi mülae.

Rommi 9:26

eno, “A-a khilehi no panoqo vilo, ‘Nongu ye iw timi kumoe,’ ipipüa keno a-a tipau lono panongu vilo ‘xü akeu Lhou nuliqo,’ ipi ku nani.”

1 Kor. 1:7

Tighenguno nongu no ningu Mpeu Jisü Khristo pephe-piye nikeu minemighei khe akeu dolo nongu ye aghungu lo ghòqo lakhimu mikhe keu shi amoe.

1 Kor. 1:8

Pa no ashekha kutólo ghí nongu pelo mutotoilu pe nani, tishianguno nongu pelo ningu Mpeu Jisü Khristo tsalà ighi kelo tukutiye küha no aghí peniye ke.

2 Kor. 6:18

Eno, “I no nongu papù shive nani, eno nongu no I nu eno I ngaqo shive nani, ipi Akughushuu Ampeu no pike.”

Galatiami 3:26

Ike Khristo Jisü lono aküpülü vechewo nongu kümtsü Alhou nuliqo ke,

Kolosiami 3:4

Khristo khuu nongu küxü kuchou keno kughou pa no ipeghini keno nongu ghí ajuküvü lono pa gholo ipeghi nani.

IBRIMI 12:27

“Itaghi ghuthu lakhi,” ipi akeu tsa kiqi ye kiu no süküghüthalu nani keno tipau ikhive nikeu ke—tiye lhosüpüa keu thimeqo—tishi keu vechewo kiu süküghütha müla nani keno tiye ache peniye ke.

1 Peter 1:7

Nongu küpülü ye kuchou kepi kimchitsü niye pekuju jeliqo ighike. Hiye ameshoyi khikhi ami lono piti kütsüghǘ pühave chekeu nguno amekushou ke. Eno tishi keu vechewo kughou Jisü Khristo pephe-piye nike no akishé, ajuküvü eno agigihu ithulu peniye ke.

1 Peter 1:13

Tighenguno kutokughoi eno tsükhütsüvai keu kükümsü xapusü nonguw lajupu kuchopu pe Jisü Khristo pephe-piye ghi ighi kelo küpükini süghi niye akeu shou belo.

1 John 3:1

Ningu pelo Alhou nuliqo ipi kulù pe moayesa keu ghenguno Apù no kiutoi kikimiye kijè eno kupukuno shi ningu shou tsü keno julo! Eno kuchou no ningu ye tike! Ayeghiqha no ningu mtha keu kiqi ye panongu no pa mtha keu ghenguno ke.

Piyeküsü 21:7

Khunoqo no tokulu shiluni keno panongu no hipaqo kümtsü ighílu nani, eno I no panongu Lhou shive nani eno panongu ye I nuliqo shive nani.