Rommi 8:15 - Sümi Tiqhelimi Bible

¹⁵ Alhou no pa Ghungu nongu tsü keu ye nongu pesü aqüaxemi shive no nongu pelo itaghi msà kithe ghi xüpe niye tsümoe; ikemu nongu no Aghungu ithulu keu vechewo Alhou no saputhuluve keu anukishimi shitsüe, eno Aghungu küká lono ningu no, “Abba, Apùo!” ipi ighamuku cheni.

BAIBEL (BSI)

¹⁵ Kughengu Alhou no Aghungu nongu tsukeu huye nongu pelo aquaxemi lakhi shivepe eno nongu pelo msakitheve peniyeke kumoe, ikemu Aghungu no nongu pesu Alhou no saputhuluve keu nuliqo shitsu, eno Aghungu kuka lono ninguno “Apuo! Ipuo!” ipi igha cheni.

Sumi Naga CL (Re-edited) Bible (BSI)

¹⁵ Kughengu nongu ye akümsapu lo ideilove peniye aqüaxekishi ghungu ithulu ke kumoe, ikemu Alhou no atianuli shi saluve keu Ghungu ithulu ke, tishikeu lono ningu no “Apuo! Apuo!” ipi ighamku cheni.

Rommi 8:15 Referans Kwoze

2 Tim. 1:7

Kughengu Alhou no anguagha ningu tsü keu ye ningu pelo msaichive peniye ke kumoe, ikemu aküka, kikimiye eno alikhi aghasükulupu ningu tsü cheni ke.

1 Kor. 2:12

Ningu no kiu ithuluvea keno tiye ayeghi hipau lo ghungu kumoe, ikemu Alhou lau no ighi keu Ghungu ke, tishi keu vechewo ningu pelo Alhou no kümsá no kiu ningu tsü keno tipau vethalu peniye ke.

Rommi 8:16

Aghungu ampiu no ningu ghungu gholo küqha no ningu ye Alhou nuliqo kepi thopi shitsü cheni.

IBRIMI 2:15

eno akithí kümsà no khunoqo aqüaxe küxü lo tsügha pesü ani keno panongu kuqhopheve niye ke.

Ephesiami 1:5

pa no ningu pelo Jisü Khristo vechewo pa nuli shilu peniye azüu no kughuchho pe qhive ke, tiye pa ghò eno pa pulou kiqi lono ke—

1 John 4:18

Kikimiye lo akümsa kühae. Ikemu viwotolu keu kikimiye ye akümsa hapheve cheni, kughengu akümsa ye aghime tsü chekeu ke. Timi khuu no msà cheni keno pa ye kikimiye lono kupukülai mphie.

Mark 14:36

Pa no ishi pi, “Abba, Apùo, O ghengu ye thowkha kümtsü shikulupu ani. Aghime jikhu hipau I lau no ikhipesü wuve tsülo. Ikemu I pulou kumo no O pulou shilo.”

Rommi 8:23

Eno lhoqhipüa keu likhi kumoe, ikemu ningu khunoqo no Alhou Ghunguw amsüu ghò ithulu keno ningu ghí Alhou no saputhuluve keu anukishimi shiluve no ningu phimpiqo xachileluve penike ghenguno ningu lolo no igha acheni.

Luke 11:2

Pa no panongu vilo pi, “Kughou nongu no inikhuni keno ishi pilo: “ ‘Apù, O je akimthe shi pelu pelo, O yekipe ighilo.

John 20:17

Jisü no pi, “I pheshelho kevilo, kughengu ni ye Apù lau iku mphi ke. Tishini ke züqhu I thiküzümiqo lau wulo eno panongu vilo ishi pilo, ‘Ni ye I pù eno nongu Papù, I Lhou eno nongu Lhou lau ikuve niye cheae.’ ”

Luke 22:42

“Apùo, nono pulo aghí aye aghime jikhu hipau I lau no pesü wuve tsülo; tishimu I pulou kumoe ikemu O pulou shitsünie.”

John 16:8

Kughou pa no ighini keno, pa no ayeghiqha no axiné eno achipiumikucho eno küghakütha ghiliqo achipikumo lo kümsü pe akeu kimchitsü nani:

Apostolmi 16:29

Akughuki jukükütsüu no akulu süghi penike ku, eno akimighi shi posü Paul ngò Silas pama gizülo qhoqhünhe pe ikiqi ngove.

Apostolmi 2:37

Kughou timiqo no hi chilu keno, panongu mlo itapiniyive püzü Peter ngò apostolmi kütamiqo vilo pi, “Athiküzümiqo, ningu ye kíshive kepu kea?”

Luke 8:37

Tilehi Gerasenes sükümxa qhalo küami kümtsü no Jisü vilo panongu lau no wuvelo ipi, kughengu panongu kümtsü shishe msàve ke. Ikehu pa ye ashuka lo iku no wuve.

Luke 8:28

Kughou pa no Jisü ithulu keno, ighamuku ghi Jisü pukhuphi lo ikiqive, eno pa no asütsa kuloghi lono ishi igha ghi pi, “Shishe Akiqheu Lhou Nu Jisü, no ye I lau kiu avehupu shi ani kea? I no O qhüiniju ani, I shikighime tsü kevilo!”

James 2:19

Nongu no Alhou lakhi ani kepi pülü cheni. Aloe! Tüghaküsaqo kutólo tipau pülü chenie—eno msàkhokhoi chenie.

Rommi 8:26

Tipaphi lono, ningu kimiqe lo Aghungu no kuphu acheni. Ningu ye kiu ghenguno inikhu moayesa keno ithi chemoe, ikemu Aghungu ampi no piphe müla keu küsǜ ghügha vechewo ningu ghenguno alakipiu shi inikhu acheni.

Rommi 9:4

Israelmiqo ye Alhou no saputhu pesü anukishimi shilu pe ke; panongu pelo pa kimthe juküvü küsaje pe ke, pa no panongu sasü puloshoqhiqo shi eno ayeza pesü tsüke. Pa no panoqo pelo kuchou shi pa chineki lo mülá lupe eno panoqo sasü pikiqhi shike.

2 Kor. 11:4

Kughengu khuala no nongu lau ighino ningu no nongu vilo Jisü ghili kütsüve keu kumo no Jisü kütau ghili nongu vilo kütsü aghí aye, momu nongu no Aghungu ikhiluve keu kumo no aghungu kütau ikhilu aghí aye, momu nongu no atsakiviu ikhiluve keu kumo no kütau ikhilu aghí aye, nongu ye tipaqo gholo mülalei ilovae.

Galatiami 2:4

Hipau vehu ye kichileu küpülümiqo khami no ningu no Khristo Jisü vechewo ghoshixü akeu pukuju shi niye ninguw kushoqhe akeu lo itshüiloghi no ningu pesü aqüaxemi shive nike ghenguno ipeghi ke.

Galatiami 5:1

Ningu pelo khaqhipheve keu küxü xü penike ghenguno Khristo no ningu kuqhophevae. Tishiaye, akumto shi puthugho lo, eno aqüaxemiw kuokhasü lo O likhi O kitime kithe kevilo.

MATTHEW 25:25

Ikehu ni ye msàve ke eno nono tsü keu ameshoyi pesü wu no ayeghi lo chhuqhove ke. Julo, ow kiu keno hi anike.’