Rommi 8:13 - Sümi Tiqhelimi Bible

¹³ Kughengu nongu no timi lhoaye ghola pape ghi xü aye, nongu ye thive nani; ikemu nongu no Aghungu vechewo aphimpi xiné lhoaye pìthíve aye, nongu ye xü nani.

BAIBEL (BSI)

¹³ kughengu nonguno timi lhoaye pape ghi xuaye nonguye thinia, ikemu Aghungu pesu nongu xine kumla kughutha pithive aye nonguye xunia.

Sumi Naga CL (Re-edited) Bible (BSI)

¹³ Kughengu nongu no ashi gholau no xü aye nongu ye thinia, ikemu Aghungu lono xü aye ashi phimpi lo axine kümtsü pithi luve ani kehu nongu ye xü nani.

Rommi 8:13 Referans Kwoze

Galatiami 6:8

Khuno no axiné pulou shi niye xusü cheni keno tipau lono kütsakungo keu xolu nani; khuno no Aghungu pulou shi niye xusü cheni keno tipau lono lhokta küxü xolu nani.

1 Peter 2:11

Kimiye chekemi shompamiqo, inami eno hapheve kemiqo kehu, ni ye nongu pelo axiné kümlà shinishiqhiyi chekeu, khikhi nongu ngulho sasü aghüshi acheni keno, tipau lau no putosü apenike hakite ani.

1 Kor. 9:27

Moe, ni ye I phimpi lo chishi puku achenie eno I phimpi pesü I likhi I qüaxe shive achenie, tishianguno ni ye kütamiqo kütsüve püzü I likhi ni ye asaxu ithulu nikeu lono kideqhive keu shimo niye ke.

Titus 2:12

Hipau no ningu pelo akimthe kumo eno ayeghi lo mine chekeu jeliqo vilo “Moe” ipi nikeu shikalu cheni, eno alikhi aghasükulu küxü xü nikeu, amikucho eno hipau tiqheli lo akimthe küxü xü nikeu shika chenie.

Galatiami 5:24

Khunoqo no Khristo Jisü’w shivea keno panongu ye timi lhoaye gholo ashi no minemighei chekeu eno shinishiqhiyi chekeu kümtsü kros lono yedapithivae.

Ephesiami 4:22

Ikemu nonguw khaghi küxü ghola vehu lo nongu vilo nongu lhoaye aqau khikhi ti pishikiqhi kükümsü no shikuchubevea keno tipau ikhiqhivelo ipi shika ke;

1 Peter 1:22

Itehi ye nongu pelo kuchou gholu keu vechewo amikucho shi lakhi no lakhi kimiyekilé penike ghenguno nongu ye thakütsüghüvea ke amlo lono thonhei shi no lakhi no lakhi kimiyekilé lo.

Rommi 7:5

Kughengu ningu no kughou ashi kükaqha qholo ache keno, ayeza vechewo minemighei keu xiné hakutho keu no ningu lolo mülà acheke, ikehu ningu ye akithipu xathi pithí acheke.

Ephesiami 5:18

Aji shomzü kevilo, tiye ghüpoghüzü küxü lo sawuve cheni ke. Tishini ke züqhulo Aghungu Kimthe pesü nongu pichhilu lo

Rommi 6:21

Thime khipaqo ghenguno itehi ye nongu nokujo ani keno tipaqo lau no kiu alá shilu kea? Thime tipaqo ye ashekha lo akithí ke.

Ephesiami 4:30

Eno Alhou Ghungu Kimthe shikulosü kevilo, nongu ye xachilekulu tsalá ghenguno pa gholo mekha küqhavea ke.

Rommi 6:23

Kughengu axiné jume ye akithí ke, ikemu Alhou’w kümsá ghò ye ningu Mpeu Khristo Jisü lono lhokta küxü ke.

Rommi 8:12

Tighenguno, athiküzümi ngò achelimiqo! ningu no shi moayesa keu ani eno tiye timi lhoaye ghola pape ghi xü nikeu kumoe.