Rommi 7:4 - Sümi Tiqhelimi Bible

⁴ Ikehu, I thiküzümi eno I chelimiqo, nongu ghí Khristo phimpi vechewo ayeza küdau ye thivea ke, tishi keu vechewo nongu ye khuu akithí lono xüputhuvea keno pa laumi shilu peniye ke, tishianguno ningu pelo Alhou ghenguno athi pithílu peniye ke.

BAIBEL (BSI)

⁴ Ithikuzumiqo, nongu ghi tihutoike. Nongu ghi Khristo philo lakhi shive akehu ayezah kudauye nonguye thivae, tishikeu lono nonguye itehiye akithi lono xuputhuvekeu wu shivae, tishianguno Alhou ghenguno ningu pelo athi pithilupeniyeke.

Sumi Naga CL (Re-edited) Bible (BSI)

⁴ Tihutoi I thiküzümiqo, nonguu ghi Khristo phimpi vecheo Ayezah küdau ye thivae, tishianguno nongu ye Alhou no Khuu akithi lono xüputhu keno, Pa laumi shino Alhou ghenguno axathi pithilu peniye ke.

Rommi 7:4 Referans Kwoze

1 Peter 2:24

Khristo ampi no kros lono “Pa phimpi no ningu xinéqo puluve tsüke,” tishi keu vechewo ningu pelo axiné lo ye thive no achipiumikucho ghenguno xüpe niye ke; “Pa zakuqo vechewo nongu ye shipivi luvae.”

Rommi 8:2

kughengu Khristo Jisü vechewo Aghungu yeza khikhi aküxü tsü cheni keno tipau vechewo axiné eno akithí yeza lono nongu kuqhophevae.

Ephesiami 2:15

tiye pa phimpi lo ayeza eno tipau yeza zakütsü ngò yezashiqo kümtsü qhive keu vechewo no ke. Pa kimiji ye pa likhi pa vechewo timi jeli kini akeu lono timi jeli kithé lakhi lhophe niye ke, eno tishi keu lono külashiluve,

Rommi 7:6

Ikemu itehi ye ayeza lono ningu kuqhophevae, kughengu ningu ye tipau lo thivae eno tipau küká kütsügha lono ipeghivae. Itehi ningu ye aqau küxü lo yèpüa keu yeza gholu keu vechewo kumo no Aghungu lono aküxü kithé xü keu lono Alhou qeluni ake.

Galatiami 5:18

Ikemu Aghungu no nongu sasü che aye, nongu ye ayeza qholo kumovae.

Kolosiami 1:22

Ikemu itehi ye tukutiye küha eno ngukube kepu kiumu küha no akimthe shi pa zülo ighilu penike ghenguno Khristo shi phimpi kithí vechewo pa no nongu sasü külashiluvae—

Rommi 6:22

Ikemu itehi ye nongu ye axiné lono kuqhopheve no Alhou qüaxemiqo shivae, nongu no alá shilu keu hu no akimthe lo sawu cheni, eno ashekha lo tiye lhokta küxü ithulu cheni.

Galatiami 3:13

Khristo no ningu züqhu shi angsü puluve keu vechewo pa no ayeza ngusü lono ningu xachilelu ke, kughengu ishi yèpüani: “Timi khuu no kros lono tshüqhi thiveni keno pa ye müsüinivae.”

Rommi 6:14

Axiné ye nongu mpeu shimae, kughengu nongu ye ayeza qholo kumo no küpükini qholo xü anike.

Kolosiami 2:14

Ayeza kiqi lo ningu lau lakichile eno kiléqhive püzü akipimí tsü ghi api-ashe akeu hu kümtsü pa no ikhive tsüke; eno pa no kros lono ti kümtsü yedave no pevetsü ake.

Kolosiami 1:10

tishianguno nongu pelo Ampeu no pulo keu aküzüpu küxü xülu no alaghi thowkha lono pa pulou shilu peniye ke. Eno akivi kümlà kümtsü lo axathi pithílu, Alhou kighithi lono thuwulu,

FILIPIAMI 1:11

Jisü Khristo lau no ighi keu achipiumikucho xathi no shepichhilu peniye ke—kughengu hino Alhou jekipipu eno shekiqhepu shilu nani.

Piyeküsü 19:7

Ningu alovisheni eno alovini eno ajuküvü pa tsüní nolo! Kughengu Ambeti’w külakupu ye ighivae, eno paw külaliu ye kutò pe ngovae.

Rommi 6:2

Khilemu tishimoe! Ningu ye axiné lo thive kemiqo ke; ningu ye kíshi no axiné lo xü aní kea?

Kolosiami 2:20

Nongu ye Khristo gholo thive no ayeghi hipau ghungu kükaqo lono kuqhopheve keghi nongu ye kushiye ayeghi küká laumiqo toi tipau yezaqo pape ani kea:

Kolosiami 1:6

lajupu hipau ghili chiluvea ke. Tihutoi, nongu no atsakiviu ghili chilu no kuchou no Alhou’w küpükini vethalu keu tsalà lono nongu gholo mülà ake toi, atsakiviu ye ayeghiqha kuchopu lo axathi pithí eno thuwu anie.

FILIPIAMI 4:17

Ni ye nongu ghò lunishi anike kumoe; ikemu I no shipe nishi akeu ye nonguw tsükini ghenguno nongu pelo aghò ithulu penishi anie.

John 3:29

Külaliu ye külapu’w ke. Shompami khuu no külapuu khe eno ini cheni keno pa ye kughou külapuu sütsa chiluni keno alokiqi no chhitoive cheni. Alokivi tipau ye iw ke eno tiye kupukülaivae.

MATTHEW 26:26

Panongu no chu-sho akelo Jisü no asho ikhilu, eno pa no shikimthi tsüve kethiu asho süpho püzü pa no ishi pi ghi pa khopemiqo tsü, “Ikhilu no chulo; hiye I phimpi ke.”

Piyeküsü 21:9

Kungumi tsünì dolo püsa tsünì no abohu tsünì chhitoi shi pesü akeu no ighi püzü I vilo ishi pi, “Ighilo, I no külaliu, Ambeti nipu O pìye nike.”

IBRIMI 10:10

Eno Alhou pulou vechewo ningu ye Jisü Khristo phimpi pe ghuthukhavi lono alhokupuju ghenguno aghakishi shive keu vechewo akimthe shiluvae.

2 Kor. 11:2

Ni ye Alhou lau no ighi keu nhekushu pesü nongu ju anheshu anie. Ni ye nongu pesü Khristo lau akimthe athathe lakhi toi tsü nike ghenguno Khristo pelo nongu kimi lakhi toi shipe nike I no pikiqhi shike.

1 Kor. 10:16

Ningu no Ampeu ghulhu lo kükümgha jikhu khikhi Alhou shikimthi ghi peitha cheni keno tiye Khristo jì gholo küsaje anike kumo keshea? Eno ningu no asho süpho chekeu ye Khristo phimpi gholo küsaje anike kumo keshea?

John 15:8

Nongu no athi kutomo pithí keu hu no nongu ye I khopemiqo kepi pìyelu cheni eno hipau vechewo I pù juküvüpu shitsü cheni ke.

John 6:51

Ni ye kungugha lono iqighi keu aküxüpu sho ke. Khukhumu asho hipau chu keu ye lhokta kutólo xü anani. Asho hipau ye I shi ke, tiye I no ayeghilomi pelo xülu penike ghenguno tsü nani.”

Mark 4:20

Kütami khamiqo ye aghüma kivi lo apitì ilolu keu toi Alhou tsa chilu eno ikhilu no athi kupukuno shi pithí cheni—eno vesü keu lono hami no shighi, hami no lhotsügho eno hami no aqhe ishi küghüsü pithílu cheni.”

Rommi 6:11

Tihutoi, nongu ye axiné lo thive kemi kemu Khristo Jisü lono Alhou gholo xü akemi shi nongu likhi nongu kihi lo.

Rommi 7:3

Ike tighenguno, tsalá li kimi xü aphi lono li no kipitimi kütami sasü ashi-aji küqhave aye, li ye shupumi lakhi ke ipi cheni. Ikemu li kimi no thive aye, li ye tsüghape akeu yeza tipau lono kuqhophevae eno li no kipitimi kütami sasü külauve aye, li ye shupumi kumoe.