Rommi 6:22 - Sümi Tiqhelimi Bible

²² Ikemu itehi ye nongu ye axiné lono kuqhopheve no Alhou qüaxemiqo shivae, nongu no alá shilu keu hu no akimthe lo sawu cheni, eno ashekha lo tiye lhokta küxü ithulu cheni.

BAIBEL (BSI)

²² Itehi nonguye axine launo kuqhopheveno Alhou quaxemi shiluva, eno nonguye shikimtheve keu ithuluno tipau ashekhaloye lhokta kuxu ithulu nani.

Sumi Naga CL (Re-edited) Bible (BSI)

²² Ikemu itehi nongu ye axine lono kuqhophe pe Alhou qüaxemi shive akehu nongu küxü ikhiphe pe akimthepu lo tsülu keu huno nongu la ke, eno tipau shekuho ye lhokta küxü.

Rommi 6:22 Referans Kwoze

1 Peter 2:16

Kuqhopheve kemi toi xülo, ikemu nongu ye kuqhophevea kepi tipau pesü küsakügha nhave nikeu ghenguno peitha kevilo; Alhou qüaxemi toi xülo.

Rommi 6:18

Nongu ye axiné lono kuqhophevae eno achipiumikucho qüaxemi shiluvae.

Rommi 8:2

kughengu Khristo Jisü vechewo Aghungu yeza khikhi aküxü tsü cheni keno tipau vechewo axiné eno akithí yeza lono nongu kuqhophevae.

John 8:32

Tishianguno nongu no kuchou ithi nani, eno kuchou no nongu khaqhiphe nani.”

Galatiami 5:13

I thiküzümi eno I chelimiqo, nongu ye kuqhopheve keu küxü xüpe niye kulù ke. Ikemu nongu ye kuqhophevea kepi tino ajekukivi shive no timi lhoaye pulou lo chhosü wuve kevilo; tishini ke züqhulo kikimiye vechewo akuchunu shi püzü nongu lakhi no lakhi qe lo.

1 Kor. 7:22

Kughengu timi khuu no Ampeu küpülü lo kulù kelo aqüaxemi shi ache keno pa ye Ampeu’w kuqhopheve kemi ake; tihutoi, timi khuu no kughou Ampeu no kulù kelo kuqhopheve no akeno pa ye Khristo qüaxemi ake.

1 Peter 1:9

kughengu nongu ye nongu küpülüw ashekhau visavili ithulu anie, ike tiye nongu ngulho xalu nikeu ke.

Galatiami 1:10

Hitoi pi kelo ni ye timiw puloza lu niye keo Alhou’w puloza lu niye pükapütsa ani kea? Ikeo ni ye timi pulou shi niye pükapütsa ani kea? I no timi pulou shi niye pükapütsa aghí ke aye, ni ye Khristo qeu lakhi shi aghíni chemo ke.

Rommi 6:14

Axiné ye nongu mpeu shimae, kughengu nongu ye ayeza qholo kumo no küpükini qholo xü anike.

Galatiami 5:22

Ikemu Aghungu xathi ye kikimiye, alokiqi, aloino keu, kheakulu, küpüqhiyi keu, akivi, pichebekulu,

Rommi 7:4

Ikehu, I thiküzümi eno I chelimiqo, nongu ghí Khristo phimpi vechewo ayeza küdau ye thivea ke, tishi keu vechewo nongu ye khuu akithí lono xüputhuvea keno pa laumi shilu peniye ke, tishianguno ningu pelo Alhou ghenguno athi pithílu peniye ke.

Rommi 6:21

Thime khipaqo ghenguno itehi ye nongu nokujo ani keno tipaqo lau no kiu alá shilu kea? Thime tipaqo ye ashekha lo akithí ke.

MATTHEW 25:46

“Tishi püzü panongu ye lhokta ghime-a lo wuve nani, ikemu amikuchomiqo ye lhokta küxü-a lo wuve nani.”

Titus 1:1

Paul, Alhou qeu eno Jisü Khristo’w apostol lakhi, Alhou no kisheve kemi küpülü pekho eno Alhou sükümsa lo sawu chekeu kuchou kighithi—

Kolosiami 1:10

tishianguno nongu pelo Ampeu no pulo keu aküzüpu küxü xülu no alaghi thowkha lono pa pulou shilu peniye ke. Eno akivi kümlà kümtsü lo axathi pithílu, Alhou kighithi lono thuwulu,

FILIPIAMI 4:17

Ni ye nongu ghò lunishi anike kumoe; ikemu I no shipe nishi akeu ye nonguw tsükini ghenguno nongu pelo aghò ithulu penishi anie.

FILIPIAMI 1:11

Jisü Khristo lau no ighi keu achipiumikucho xathi no shepichhilu peniye ke—kughengu hino Alhou jekipipu eno shekiqhepu shilu nani.

Ephesiami 5:9

(kughengu aküvü xathi ye kümtsü akivipu, achipiumikucho eno amikucho ke)

2 Kor. 3:17

Ampeu ye Aghungu ke, eno khilehi Ampeu Ghungu ani keno, tilehi kuqhokiphe anie.

Rommi 7:25

Jisü Khristo ningu Mpeu vechewo I xalu keu Lhou shikimthi! Tishiaye, I kükümsü lo I likhi ni ye Alhou yeza qüaxemi lakhi kepi kümsülu ani, ikemu I xiné lhoaye lo ni ye axiné yeza qüaxemi lakhi ke.

John 15:16

Nongu no I kishelu ke kumoe, ikemu I no nongu kishelu eno nongu pelo wu no axathi ado kushuwa pithí chekeu pithipe niye süküsü shilu ke eno tishi keu vechewo nongu no I je lono kiu-kiumu khu aye I pù no nongu tsü nani.

John 15:2

Pa no I lolo athi pithímo keu lokaqo kümtsü micheve cheni, eno aloka athi pithí akeqo kümtsü pelo alau kutomo pithílu penike ghenguno pa no kixiphe chenie.

John 4:36

Itehimu timi khuu no ghile hu keno ajume lu cheni eno lhokta küxü ghenguno athì pekütsü cheni, tishianguno vesü keu ngò ghile hu keu pama alovi küqha niye ke.

MATTHEW 19:29

Eno I je ghenguno aki-alu, athiküzümi momu achelimi, apù momu azá, anipu momu anuliqo qhive kemi kümtsü ghuthu aqhe no küghüsü ithulu nani eno lhokta küxü ighílu nani.

MATTHEW 13:43

Tithiu amikuchomiqo ye panongu Papù kükaphu lo khetsünhe toi vü nani. Khunoqo no chilu nishi ani keno panoqo pelo chilu pelo.

MATTHEW 13:40

“Alupiqo nhü pesü ami lono piti akelo, tihu no ashekha ghuloki shive nani ke.

Piyeküsü 7:13

Tipathiu sakiphemi muchomiqo dolo lakhi no I vilo ishi iniju, “Miyetsüghoi keu chijeboboi-phi pepu akemiqo ye khunoqo kea eno panongu ye khilau no ighi kea?”

James 1:1

James, Alhou eno Ampeu Jisü Khristo qeu lakhi, Shiyeqo dolo apanagha pe akemi ashiaye chighí kini lau: Petha tsü ani.

Kolosiami 4:12

Epaphras khuu Khristo Jisü qeu lakhi eno nongu gholo kuposhu ache keno pa ghí petha tsüpuwu ani. Pa ye pülhapuju nongu ghenguno pulopiniyi inikhu acheni, tiye nongu pelo thowkha kümtsü lo Alhou pulou shilu no ithamo püzü tekhoi eno mütsüqhei shi puthugholu peniye ke.

IBRIMI 12:14

Timi kümtsü sasü külakishi shi no akimthe shi xü nikeu thowkha lo pükapütsa alo; kughengu akimthe shimo kelo ye khuu nomu Ampeu ithumla nani.