Rommi 6:21 - Sümi Tiqhelimi Bible

²¹ Thime khipaqo ghenguno itehi ye nongu nokujo ani keno tipaqo lau no kiu alá shilu kea? Thime tipaqo ye ashekha lo akithí ke.

BAIBEL (BSI)

²¹ Momu thime khipaqo ghenguno itehiye nonguye kujo ani keno tipaqo launo kiu kivipu sughitsu kya? Thime tipaqoye ashekhalo akithike.

Sumi Naga CL (Re-edited) Bible (BSI)

²¹ Ikemu itehi thime khipaqo ghenguno nongu no kujo ani keno, tipa ghuloki lo nongu ye thime tipaqo launo kiu ala shilu kea? Kughengu thime tipaqo shekuho ye akithi ke.

Rommi 6:21 Referans Kwoze

Rommi 1:32

Panongu ye Alhou chipiumikucho yeza lo hipaqo shikeu ye pìthíve küzüpu kepi ithi anamu panongu ye tamo no hipaqo shikeu likhi kumo no khunoqo no hipaqo shi cheni keno panoqo jupe amlokiqi shi cheni.

Rommi 7:5

Kughengu ningu no kughou ashi kükaqha qholo ache keno, ayeza vechewo minemighei keu xiné hakutho keu no ningu lolo mülà acheke, ikehu ningu ye akithipu xathi pithí acheke.

Rommi 6:23

Kughengu axiné jume ye akithí ke, ikemu Alhou’w kümsá ghò ye ningu Mpeu Khristo Jisü lono lhokta küxü ke.

1 John 2:28

Eno itehi ye, kimiye chekemi anuliqo, pa gholo cheche lo, tishianguno kughou pa no ipeghi keno ningu pelo pa zülo kujovemo no pülüqhiyilu peniye ke.

IBRIMI 6:8

Ikemu ayeghi khilehi asahu ngò asahubo lhoipeghi cheni keno tiye ameküha eno ghushove nikeu ke. Tiye ashekha lo pitive nani.

Rommi 8:13

Kughengu nongu no timi lhoaye ghola pape ghi xü aye, nongu ye thive nani; ikemu nongu no Aghungu vechewo aphimpi xiné lhoaye pìthíve aye, nongu ye xü nani.

Rommi 8:6

Timi lhoaye no ghasüpe akeu kükümsü ye akithí süghi cheni, ikemu Aghungu no ghasüpe akeu kükümsü ye aküxü eno aloino keu süghi cheni.

Piyeküsü 20:14

Tipathiu akithí ngò Hades pama ye pesü ami yizükucho lo vesüve. Ami yizükucho hipau ye akithí akiniù ke.

Piyeküsü 16:6

kughengu panongu no ow akimthemi eno tungkupumiqo jì pele ke, eno panongu no ithulu küzüpu shi akeu toi nono ajì pesü panongu pelo ye penike tsüe.

1 Peter 4:17

Kughengu hiye Alhou kibolomi dolo no küghakütha huthu nikeu do tovae; eno tsalá ningu lau no huthu aye, khunoqo no Alhou tsakiviu gholu chemo keno panongu ghengu ye kiu shive nani kea?

James 5:20

hipau kümsüchilelu lo: Khukhumu axinemi lakhi shipimi keu laghi lo cheche keu lono sachile saighi aye axinemi tipaqo küxü akithí lono xalu anie, eno axiné kutomo pevetsülu kepu shilu anie.

James 1:15

Shinishiqhiyi keu mishiluve kethiu, tipau no axiné punuqhi cheni; eno kughou axiné no chhikhoi thuwuveni keno tipau no akithí punuqhi cheni.

IBRIMI 10:29

Khuu no apukhu pesü Alhou Nu qodani, khuu no panongu shikimtheve keu puloshoqhi jì pesü mithemo ketoi kihini, eno khuu no küpükini Ghungu thaighani keno, panongu ye aghime kitikhi khijehi alau ithulu nani kepi nongu ye kümsü ani kea?

2 Kor. 7:11

Alhou lau no ighi keu mloghime no nongu lolo kiu lhophetsü keno julo: tiye pulopiniyilu pe, achipi kumomi lau no putosülu pe, achipikumo shive keu lo aghaidelu pe, msàqhiyilu pe, kusholu nishiqhiyilu pe, alomsülu pe, achipiu shipe nike jukutokughoilu pe. Hipau vehu lo nongu ye nolikhi nongu ye pimi püamo kepi alaghi thowkha lono mütsüqhei pìyevae.

FILIPIAMI 3:19

Pano küxü shekha ye kütsakungo keu ke, panongu kive kichhipu no panongu lhou shi acheni, eno panongu ye akukujopu pesü pano jekipi shi acheni ke. Panongu kükümsü ye hipau yeghi lo thimeqo shou kümsüpuku pe acheni.

Rommi 5:12

Ikehu, timi lakhi vechewo ayeghi lo axiné iloghive eno axiné vechewo akithí ighike toi, hipau ghola lono akithí no timi kümtsü lau ighive, kughengu timi kümtsü axiné shive ke.

Rommi 6:16

Kughou nongu no nongu likhi nongu pesü khiuala lau aghokulu shi aqüaxemi shi ikhiphe pe tsüveni keno, nongu ye nongu no agholu chekeuw aqüaxemiqo kepi mtha keshea? Tiye nongu no axiné khikhi akithí lo sawu cheni keno tipau qüaxe shi aghina, momu aghokulu khikhi achipiumikucho lo sawu cheni keno tipau qüaxe shi aghí namu ke.

2 Kor. 4:2

Tike kumo no, ningu ye tuqhou eno akukujopu laghiqo qhivae; ningu ye pishikiqhi shichemoe, momu ningu ye Alhou tsa tuchighi chemoe. Tishini ke züqhulo, Alhou nhekithe lono mütsümishei shi kuchou pesü asheshu keu vechewo ningu likhi ningu pesü timi kümtsü lolo kighithi zülo ningu no xü cheni.