Rommi 6:13 - Sümi Tiqhelimi Bible

¹³ Nongu phi-au lakhimu pesü küsaküghaw küghaküsü shi ghi axiné lau ikhiphe tsü kevilo, ikemu tishini ke züqhulo akithí lono aküxü shive kemiqo toi O likhi O küxü pesü Alhou lau ikhiphe pe tsülo; eno O phi-au eno O mlo kükümsü kümtsü pesü achipiumikucho küghaküsü lakhi toi ikhiphe pe pa tsülo.

BAIBEL (BSI)

¹³ Momu nongu phia-u axine kudau ikhipe tsughi kusakugha laghi lono peitha pekevilo. Ikemu akithi lono akuxulo saghivekemi kehu Alhou lau nongu kuxu ikhiphepe tsulo, eno nongu phia-u amikucho vehupu shi peitha penike ikhiphepe tsulo.

Sumi Naga CL (Re-edited) Bible (BSI)

¹³ Nongu phiau pesü axine lo tsüve ghi amikuchokumo ghenguno peitha kevilo, ikemu akithi lono aküxü lo süghive kemi toi Alhou lau nongu küxü ikhiphe tsülo, eno nongu phiau pesü amikucho ghenguno peitha penike tsülo.

Rommi 6:13 Referans Kwoze

Rommi 12:1

Tighenguno athiküzümi eno achelimiqo, Alhou’w kimiyekini vechewo I no nongu qhüiniju ani: nongu phimpi pesü aküxü no mülá keu kümlagho shi akimthe eno Alhou pulou lono ikhiphe pe tsülo. Alhou mülá nikeu lo hino kuchou eno achipiu ke.

Rommi 6:16

Kughou nongu no nongu likhi nongu pesü khiuala lau aghokulu shi aqüaxemi shi ikhiphe pe tsüveni keno, nongu ye nongu no agholu chekeuw aqüaxemiqo kepi mtha keshea? Tiye nongu no axiné khikhi akithí lo sawu cheni keno tipau qüaxe shi aghina, momu aghokulu khikhi achipiumikucho lo sawu cheni keno tipau qüaxe shi aghí namu ke.

1 Peter 2:24

Khristo ampi no kros lono “Pa phimpi no ningu xinéqo puluve tsüke,” tishi keu vechewo ningu pelo axiné lo ye thive no achipiumikucho ghenguno xüpe niye ke; “Pa zakuqo vechewo nongu ye shipivi luvae.”

Kolosiami 3:5

Tighenguno, kiu no ayeghi lo lhoaye keno tipaqo pìthívelo; tiye kipito xüküpsa, mithekumo, ghaghu, küsakügha kümlà shinishi keu eno alakimine, kughengu alakimine ye ajulho kümlá ke.

Rommi 7:5

Kughengu ningu no kughou ashi kükaqha qholo ache keno, ayeza vechewo minemighei keu xiné hakutho keu no ningu lolo mülà acheke, ikehu ningu ye akithipu xathi pithí acheke.

1 Peter 4:2

Hi ghenguno, panongu ye ayeghi lo xü ake thaqhülo ye timiw shinishiqhiyi keu küsakügha küxü lo xü chemoe, ikemu tishini ke züqhu Alhou pulou ghenguno xü acheni.

Kolosiami 2:13

Kughou nongu no nongu xiné lo thive no ache eno aphighüyiko ghamo no ache keno, Alhou no Khristo vechewo nongu püxü tsüe. Pa no ningu xiné kümtsü pevetsü ke.

1 Kor. 6:20

Alhou no ame no nongu qhüluvae. Tishiaye nongu phimpi pesü Alhou juküvüpu shitsülo.

1 John 1:9

Alhou ye pükhübekulu eno achipiu Lhou ke ningu no ni xinéqo piphe aye pa ye ningu xinéqo qhivetsü nani eno amikucho kumo jeli kümtsü lono ningu shikimtheve tsü nani.

1 Kor. 6:15

Nongu phimpi ye Khristo phi-au kepi nongu ye mtha keshea? Tishiaye ni ye Khristo phi-au ikhipesü kütüqhalimi lakhi gholo küqhave tsüní keshea? Khilemu tishimoe!

Ephesiami 2:5

pa no ningu no hebideve keu lono thive no ake ghuloki lono Khristo gholo no ningu xüputhu ke—nongu ye küpükini vechewo xaluvae.

FILIPIAMI 1:20

I no khekulhoshi laju eno huqhe akeu ye ni ye khilemu kujovemo nani, ikemu pülhapuju shiche ketoi eno itehi ghí amlo kumto no chhitoi shi ani, tishianguno, xü kepu shina thikepu shi namu I phimpi lono Khristo süqhelu pe nani.

1 Kor. 6:9

Ikeo achipikumo shi chekemiqo ye Alhou kükaphu ighí mülà nani kepi nongu ye mtha kea? Nongu pishiqhive pe kevilo: Kipito kimthe kumo kümlà shi chekemi na ajulho mülá chekemi na shupumi na kipitimi-totimi michimo no ashi-aji küqha xü chekemi na

Rommi 6:19

Timi lhoaye lo tomo-chhimo keu achekeu nongu gholo akeu ghenguno ni ye tsalakipe küxüw kiche-kipiye peitha ani. Nongu no nongu likhi nongu pesü mithekumo ngò küsakügha qüaxe shi ikhiphe pe tsü cheke toi, itehi ye nongu likhi nongu pesü achipiumikucho qüaxemi shi ikhiphe pe tsülo eno tishi keu vechewo akimthe küxü lo xülo.

2 Kor. 10:4

Ningu no aghünanu khipaqo pesü aghüshi cheni keno tipaqo ye ayeghilomi ghünanu kumoe. Ikemu tipaqo ye Alhou lau no ighi keu küká eno aliwo kuptu hexave kulupu küká anike.

Rommi 6:11

Tihutoi, nongu ye axiné lo thive kemi kemu Khristo Jisü lono Alhou gholo xü akemi shi nongu likhi nongu kihi lo.

Ephesiami 5:14

Hi ghenguno ishi pike: “Zü akemiqo, ithuvelo, kithimi gholo no ithughivelo, eno Khristo no nongu shou yepüvü tsü nani.”

2 Kor. 8:5

Eno panongu ye ningu no laju akeu vekiye ghi tsüke: Panongu no atüghishi Ampeu lau pano likhi panongu ikhiphe pe tsüke, tisheno Alhou pulou lono ningu lau ghí pano likhi panongu ikhiphe pe tsüke.

2 Kor. 5:15

Eno Pa no kümtsü ghenguno thive keu ghenguno xü akemiqo ye panongu likhi panongu ghenguno xü akepu kumoe ikemu panongu ghenguno thive no xülethughive keu ghenguno xü moayesae.

Rommi 7:23

ikemu I lolo ayeza kütau ghí mülà akeu I no ithulu ani. Hipau no I lolo I kükümsü yeza sasü kichighi acheni eno hipau vechewo ni ye axiné yezaw akughumi lakhi shi acheni.

Luke 15:32

Ikemu ningu ye alokivishi aghulhu shi moayesave ke, kughengu hi O thiküzüu ye thive ikemu aküxü ideghivae; pa ye pühave no phuluvae.’ ”

James 4:1

Kiu ghenguno nongu dolo kiyi eno kütsala cheni kea? Tiye nongu lolo küsakügha kükümsü akeu tipau no aghüshi keu lono ighi cheni ke kumo keshea?

Rommi 1:29

Panongu ye küsakügha, alhoküsa, alakimine eno alhoküsa jeli kümtsü no chhitoi ani. Panongu küxü ye anhekushu, hekiqhi, kumgho keu, pishikiqhi eno axeküsü no chhitoi ani. Panongu ye xishi chekemi,

John 5:24

“Kuchou no I no nongu vilo pìní, khukhumu I tsa chilu püzü I puwu keu pülüni keno lhokta küxü ithulu nani eno küghathabemo nani ikemu akithí vechesü aküxü lo ikuvae.

Luke 15:24

Kughengu I nu hipau ye thive ke ikemu aküxü ideghivae; pa ye pühave ikemu phuluvae.’ Tisheno panongu ye alokivi ghulhu huthuve.

2 Thes. 2:12

eno tishi keu vechewo kuchou pülümo no küsakügha kümlà shini keu lo alokiqishi chekemi kümtsü kiléqhive niye ke.

2 Kor. 5:14

Kughengu Khristo kikimiye no ningu tshüpe anie. Timi lakhi no kümtsü ghenguno thive ke, ikehu timi kümtsü aqau küxü lo ye thivae ipi ningu no pülü cheni.

2 Tim. 2:15

Tolukivi thaqhü O likhi O pesü Alhou lau ikhikulupu shini ke pükapütsalo. Akümlàmi lakhi ye kuchou tsa pesü achipi shi hepho-piye keu ghenguno kujove kepu kumoe.