Rommi 5:21 - Sümi Tiqhelimi Bible

²¹ tishianguno axiné no akithí vechewo ka keu toi, ningu Mpeu Jisü Khristo vechewo lhokta küxü süghi nike ghenguno Alhou’w küpükini pelo achipiumikucho vechewo kalu peniye ke.

BAIBEL (BSI)

²¹ Ikemu, axineno akithi peitha puzu qhasuke toi, Alhou kupukinino achipikalu keu peitha puzu qhasupe lhokta kuxulo ni Mpeu Jisu Khristo vechewo nisasu wu cheni.

Sumi Naga CL (Re-edited) Bible (BSI)

²¹ ikehu, axine no akithipu lo ayepe ketoi, küpükini no Alhou mikucho vecheo ni Mpeu Jisü Khristo küdau no lhokta küxü tsünike ayepe nani.

Rommi 5:21 Referans Kwoze

Titus 2:11

Kughengu, Alhou’w küpükini ye timi kümtsü lau xakulu tsü niye ipeghivae.

Rommi 5:14

Tishimu, akithí ye Adam ghuloki lono Moses kutólo ka acheke. Kütami ye Adam no azakütsü hebide keu vechewo axiné shimo namu akithí ye panongu shou ghí ka acheke. Adam ye athiu timi lakhi ighi niye akeu kimihi ke.

Rommi 8:10

Axiné ghenguno nongu phimpi ye thive kepu shi aghí namu Khristo no nongu lolo aghí aye Aghungu no aküxü nongu tsü nani. Nongu no Alhou zülo achipikaluve keu ghenguno Aghungu no aküxü nongu tsüke.

Rommi 6:23

Kughengu axiné jume ye akithí ke, ikemu Alhou’w kümsá ghò ye ningu Mpeu Khristo Jisü lono lhokta küxü ke.

Rommi 6:14

Axiné ye nongu mpeu shimae, kughengu nongu ye ayeza qholo kumo no küpükini qholo xü anike.

Rommi 5:12

Ikehu, timi lakhi vechewo ayeghi lo axiné iloghive eno axiné vechewo akithí ighike toi, hipau ghola lono akithí no timi kümtsü lau ighive, kughengu timi kümtsü axiné shive ke.

Rommi 5:17

Kughengu tsalá, timi lakhi’w hekibide ghenguno akithí no timi kutomo shou ka cheghi aye, tinguno alau shi khunoqo no Alhou’w küpükini kupukuno shitsü keu eno achipiumikucho shikulupu kümsá ghò ithuluvea keno panongu ye hi timi lakhi Jisü Khristo vechewo panongu küxü lo khijehi axiné eno akithí shou theqhikulu shilu nani kea!

1 Peter 5:10

Eno küpükini Lhou khuu no nongu pelo ado kitila imeve kethiu Khristo lono lhokta juküvü küsaje peniye kulù keno, pa no nongu athoputho tsü no nongu pelo akumto shi ithamo no mutotoi ngolu pe nani.

Rommi 6:16

Kughou nongu no nongu likhi nongu pesü khiuala lau aghokulu shi aqüaxemi shi ikhiphe pe tsüveni keno, nongu ye nongu no agholu chekeuw aqüaxemiqo kepi mtha keshea? Tiye nongu no axiné khikhi akithí lo sawu cheni keno tipau qüaxe shi aghina, momu aghokulu khikhi achipiumikucho lo sawu cheni keno tipau qüaxe shi aghí namu ke.

1 John 2:25

Eno pa no ningu lau piqhipüa keu ye hike—tiye lhokta küxü ke.

2 Peter 1:1

Yesǜ hipau ye Simon Peter, Jisü Khristo qeu eno apostol lakhi no, Khunoqo ningu Lhou eno Xakuluu Jisü Khristo chipiumikucho vechewo ningu toi aküpülü ithuluve no akughupu shi ani keno tipaqo lau yèlu ani:

IBRIMI 4:16

Tishiaye ningu ye pülükibe àghi Alhou’w küpükini küká lakhü kupunú ighini nolo, tishianguno ningu no avehupu shike ghuloki lo ningu kuphulu nikeu kikimiye ngò küpükini ithulu kepu shini ke.

Rommi 4:13

Abraham eno pa nuli-kughukoqo ye ayeza vechewo pa ye ayeghiqha mheghi kiyighiu shi nani kepi Alhou no piqhipüa keu ighílu ke kumoe, ikemu aküpülü lono achipiumikucho shilu chekeu vechewo no ke.

John 10:28

I no lhokta küxü panongu tsü, eno panongu ye khilemu pühavemo nani; khunomu I u lono panoqo süxa pewumo nani.

Rommi 6:12

Tighenguno axiné pelo O phimpi thiveniküau qhasü pesü O phimpi pelo küsakügha kümlà shinishi keu gholu pe kevilo.

MATTHEW 25:46

“Tishi püzü panongu ye lhokta ghime-a lo wuve nani, ikemu amikuchomiqo ye lhokta küxü-a lo wuve nani.”

John 1:14

Atsa hu no ashi shive eno ningu gholo xüke. Ningu no pa juküvü ithuluvae, ajuküvü tiye Anu lakhi likhi akeu ke, Anu ye küpükini ngò kuchou no chhitoi shi püzü Apù lau no ighike.