Rommi 5:18 - Sümi Tiqhelimi Bible

¹⁸ Tighenguno, timi lakhi’w hekibide vechewo timi kümtsü kiléqhive keu toi, achipiu kümlà lakhi vechewo timi kümtsü pelo achipikalu pe eno aküxü aluve pe ke.

BAIBEL (BSI)

¹⁸ Ikehu, hebidekeu xine lakhino timi kumtsu kileqhive ketoi timi lakhino achipikalukeu ghushoghili no timi kumtsu akipimi tsumokeu eno akuxupi ani.

Sumi Naga CL (Re-edited) Bible (BSI)

¹⁸ Tighenguno, akipimi lakhi huno timi kümtsü sawo aghimepu lo ikhiphetsü ketoi amikucho kümla lakhi no timi kümtsü khaqhi pheve no aküxüpu tsü cheni.

Rommi 5:18 Referans Kwoze

1 Kor. 15:22

Kughengu Adam vechewo timi kümtsü thive ketoi Khristo vechewo timi kümtsü püxüve nani.

Rommi 5:12

Ikehu, timi lakhi vechewo ayeghi lo axiné iloghive eno axiné vechewo akithí ighike toi, hipau ghola lono akithí no timi kümtsü lau ighive, kughengu timi kümtsü axiné shive ke.

Rommi 5:15

Ikemu Alhou’w kümsá ghò ngò Adam xiné ye kütüqü ke. Kughengu tsalá timi lakhi hekibide ghenguno timi kutomo thive aghí aye, tinguno alau shi timi lakhi Jisü Khristo’w küpükini vechewo Alhou’w küpükini eno kümsá ghò ye timi kutomo lau khijehi qochili ighilu nani kea.

Rommi 5:19

Timi lakhi ghokulu kumo vechewo timi kutomo pelo axinemi shive pe keu toi, timi lakhi ghokulu vechewo timi kutomo pelo achipiu mikuchomi shilu pe nani.

Apostolmi 13:39

Moses yeza lo nongu no achipikamla no achekeu, khukhumu pa pülü keu vechewo axiné jeli kümtsü lono khaqhikiphe ithulue.

IBRIMI 2:9

Ikemu ningu ye Jisü ithulu anie, pa ye ado kitila ghenguno kungumiqo nguno kitila aqhou shi lhosü ke, pa no aghime kithí shi thive keu ghenguno itehi pa ye ajuküvü ngò agigihu pe qhopipevae, tishi keu lono Alhou’w küpükini vechewo pa pelo kümtsü ghenguno akithí michelu peniye ke.

Rommi 4:25

Pa ye ningu xinéqo ghenguno akithí lau ikhiphe pe tsüve ke eno ningu pelo achipikalu pe nikeu ghenguno xüputhuveke.

John 1:7

Pa vechewo timi kümtsü pelo pülülu penike ghenguno pa ye aküvü ghili pesü ashepe shipe nike ghenguno thopimi lakhi shisü ighie.

John 12:32

Eno kughou I süqheveni keno, I no timi kümtsü I lau sünhe sasü ighive nani.”

1 John 2:20

Ikemu nongu ye Akimtheu Lakhi hu no nukishe püani, eno nongu kümtsü no kuchou ithi ani.

2 Peter 1:1

Yesǜ hipau ye Simon Peter, Jisü Khristo qeu eno apostol lakhi no, Khunoqo ningu Lhou eno Xakuluu Jisü Khristo chipiumikucho vechewo ningu toi aküpülü ithuluve no akughupu shi ani keno tipaqo lau yèlu ani:

John 3:26

Panongu no John lau ighino pa vilo ishi pi, “Rabbi, timi lakhi O gholo Jordan hukukuu ngo akeu eno nono ashepe shitsü keu hu julo, pa ye baptiz shitsü ani eno kümtsü no pa lau wu anie.”

Rommi 3:25

Alhou no Khristo pesü aghakishi kümlagho lakhi shi ikhiphe pesü tsü, tiye pa jì pele keu vechewo—eno tiye aküpülü lono ikhilu peniye ke. Alhou no hipau shikeu ye itodolo pa chipiumikucho pephe-piye niye ke, kughengu paw küsüqhikulu lono timiqo no wove keu lo axiné shive keu aghime tsümove no juzüve tsüke.

Rommi 6:14

Axiné ye nongu mpeu shimae, kughengu nongu ye ayeza qholo kumo no küpükini qholo xü anike.