Rommi 3:5 - Sümi Tiqhelimi Bible

⁵ Ikemu ningu chipiumikucho kumo no Alhou chipiumikucho alau mütsümishei pephelu aye, ningu ye kiu pìní kea? Alhou no pa loghu ningu shou süghi keu ye achipikumo ke ipini keshea? (Ni ye timi no kütsala chekeu ghola peitha ani.)

BAIBEL (BSI)

⁵ Ikemu ninguno akumou shikeu lono Alhou ye achipiu lono shichekeu ke ipi ipeghi piyelu aye, tile ninguye kiu pikepu ani kya? Alhou no ningu ghime aye, paye achipilo kumoe pilu nani kesha? (Niye hipau lo timiqono pichekeu toi piauvae.)

Sumi Naga CL (Re-edited) Bible (BSI)

⁵ Ikemu ni mikuchokumo no Alhou chipiu-mikucho mtsümishei piyelu cheghi aye, ningu ye kiu pinia? Alhou no ni shou aloghu pukuni keu ye achipi kumoe pi nanio? (Ni ye timi gholau no pi anike.)

Rommi 3:5 Referans Kwoze

Rommi 6:19

Timi lhoaye lo tomo-chhimo keu achekeu nongu gholo akeu ghenguno ni ye tsalakipe küxüw kiche-kipiye peitha ani. Nongu no nongu likhi nongu pesü mithekumo ngò küsakügha qüaxe shi ikhiphe pe tsü cheke toi, itehi ye nongu likhi nongu pesü achipiumikucho qüaxemi shi ikhiphe pe tsülo eno tishi keu vechewo akimthe küxü lo xülo.

Galatiami 3:15

Athiküzümi eno achelimiqo, tsalakipe küxü lhoaye lono I no kiche-kipiye lakhi tsüní. Khunomu puloshoqhi kiyé shipe qhive keu kilive müla momu süküqhamla ketoi, hipau vehu lo ghí tishi ke.

1 Kor. 9:8

Ni ye timi no picheghi keu kükagha lono hipau piani keshea? Ayeza lo ghí tishi pipüani ke kumo keshea?

Rommi 7:7

Tishiaye ningu ye kiu pìní kea? Ayeza ye axiné keshea? Tiye kumo pütsa! Tishiaghi namu, ayeza ghenguno ke thono ni ye axiné ye kiu keno mtha no aghíni cheke. Kughengu ni ye ayeza no, “No ye jumine kevilo,” ipimo no aghí ke aye ni ye jumine keu ye kiu keno ithimoni cheke.

Rommi 4:1

Tishiaye ningu pù-asü Abraham ye ashi gholau no pìní aye, Alhou lau achipikalu keu vehu lo kiu phuphelu kea?

Rommi 2:5

Ikemu nongu no kuthovi keu eno nongu mlo pebidemo keu ghenguno nongu ye Alhou loghu tsalà ghenguno nongu likhi nongu sala aghime pekike auvae, tiye Alhou no pa chipiumikucho küghakütha pephe-piye niye akeu tsalà ke.

Piyeküsü 18:20

“Nongu kungugha lo akemiqo, li kütsave keu lo alovishelo! Nongu Alhou’w timiqo, alovishelo! Apostolmi ngò tungkupumiqo, alovishelo! Kughengu li no nongu shou küghathabe keu pesü Alhou no li shou küghathabevae.”

Piyeküsü 15:3

eno panongu no Alhou qeu Moses le ngò Ambeti le ishi phea: “Ampeu Alhou Akughushuu, O kümlàqo ye kijè eno akichiqhipu ke. Shiyeqo kükau, O laghiqo ye amikucho eno kuchou ke.

1 Kor. 15:32

Timi küxü ghola kiqi lono pìní aye, I no Ephesus lo panongu sasü aghasa lo tüghashiqo sasü kichighi akeshi kichighi keu lo ni ye kiu alá shilu kea? Tsalá kithimiqo xüputhu pe püamo aye, “Ningu chu eno sho aní nolo, kughengu ningu ye thoghiu thiveni ake.”

Rommi 12:19

I no kimiye chekemi aküsàmiqo, amkhü lukevilo, ikemu Alhou loghukighide shou picheve tsülo, kughengu Kuchoyesü lo ishi yèpüani: “Amkhü ye I no lunani; I no lochile nani,” ipi Ampeu no pie.

Rommi 6:1

Tishiaye, ningu ye kiu pìní kea? Küpükini alau shi kighishe penike ghenguno ningu ye axiné shiauve kepu keshea?

Rommi 3:19

Ningu no ithi akeu no ayeza lo kiu-kiu pi püaghi namu tiye ayeza qholo akemiqo vilo piani, tishianguno timi no jekukivi shi chekeu kümtsü ghaküyiqüve no ayeghiqha kümtsü Alhou lau kihikülai tsüpe niye ke.

Rommi 3:7

Timi khami no ishi kütsala luvi, “I mikucho kumo no Alhou mikucho kighishelu eno tishi keu vechewo pa juküvü kighishelu aghí aye, ni ye kushiye axinemi lakhi kepi kiléqhive achephi kea?”

Rommi 5:8

Ikemu Alhou no hipau lono pa likhi paw kikimiye ningu lau pephe-piye ke: Ike tiye ningu no axinemi shi aphi lono Khristo no ningu ghenguno thive ke.

Rommi 8:31

“Tishiaye, ningu ye thime hipaqo lo kiu pi kepu ani kea? Alhou no ni küdau ani aye, khuu no ningu lachile kulupu kea?”

Rommi 9:30

Tishiaye ningu ye kiu pìní kea? Jewkumomi khunoqo no achipiumikucho phumo keno panongu ye aküpülü vechewo achipiumikucho ithuluvae;

2 Kor. 6:4

Tishini ke züqhulo, ningu ye Alhou qemiqo ke ghenguno ningu likhi ningu pesü alaghi thowkha lo kiche-kipiye shi acheni. Tiye aküpünaqo, aghime jeli eno amloküsa sholu kelo shishe kutuukulu shi cheni.

2 Kor. 7:11

Alhou lau no ighi keu mloghime no nongu lolo kiu lhophetsü keno julo: tiye pulopiniyilu pe, achipi kumomi lau no putosülu pe, achipikumo shive keu lo aghaidelu pe, msàqhiyilu pe, kusholu nishiqhiyilu pe, alomsülu pe, achipiu shipe nike jukutokughoilu pe. Hipau vehu lo nongu ye nolikhi nongu ye pimi püamo kepi alaghi thowkha lono mütsüqhei pìyevae.

Galatiami 2:18

I no kiu kütsakungove keno tipau I no shiqhepuku kithe aye, ni ye kuchou no ayeza hekibidemi lakhi shiniae.