Rommi 2:10 - Sümi Tiqhelimi Bible

¹⁰ ikemu khunoqo no akivi kümlà shi cheni keno panongu ghenguno ajuküvü, agigihu eno alokiqi anani: atüghishi Jewmi ghenguno, eno tithiu no Jewkumomi ghenguno anani.

BAIBEL (BSI)

¹⁰ Ikemu akivi mlakemi lakhikhi ghenguno sheqhekepu ngo gihukepu ngo alokiqi ishi anani, atughushi Judamiqo shou paghi eno Judakumomi ghi tipa shelo sholu nani.

Sumi Naga CL (Re-edited) Bible (BSI)

¹⁰ ikemu Jewmi na Greekmi namu akivi mla kemi kümtsü ghenguno shekiqhe, agigihu, eno aloino keu anani.

Rommi 2:10 Referans Kwoze

1 Peter 1:7

Nongu küpülü ye kuchou kepi kimchitsü niye pekuju jeliqo ighike. Hiye ameshoyi khikhi ami lono piti kütsüghǘ pühave chekeu nguno amekushou ke. Eno tishi keu vechewo kughou Jisü Khristo pephe-piye nike no akishé, ajuküvü eno agigihu ithulu peniye ke.

James 3:13

Nongu dolo khuu no alokütsümi eno vethakulumi kea? Panongu pelo aküxü kivi vechewo ti pìye pelo, tiye alokütsü vechewo ipeghi chekeu aqhokigheu kümlàqo shilu keu vechewo no ke.

Rommi 8:6

Timi lhoaye no ghasüpe akeu kükümsü ye akithí süghi cheni, ikemu Aghungu no ghasüpe akeu kükümsü ye aküxü eno aloino keu süghi cheni.

Rommi 2:7

Khunoqo no tamo no akümlà kivi shikeu lono ajuküvü, agigihu eno khilemu thivemo nikeu phu cheni keno, Alhou no lhokta küxü tsü nani.

Luke 1:79

tiye àküzǘ yeghi lo xü akemi eno akithí yekükhü lo akemi, ni pukhu nepa kichesü aloino keu là lo sawu nikeu ghenguno ke.”

James 2:22

Pa küpülü eno pa kümlà küma ye kümtsa mülà küqha akeu nono ithulu ani, eno pa no kiu shi keno tipau no pa küpülü kupukülai tsüke.

Galatiami 5:6

Kughengu Khristo Jisü gholo ye aphighüyiko ghave keu momu aphighüyiko ghamo keu nomu akhoto kumoe. Ikemu kikimiye vechewo aküpülü pephe-piye keu likhi kihi cheni ke.

Rommi 5:1

Tighenguno, ningu ye aküpülü vechewo achipikaluvea ke ghenguno ningu ye ningu Mpeu Jisü Khristo vechewo Alhou sasü külashiluvae, eno

Rommi 2:9

Tilehi küsakügha shi chekemi timi jeli kümtsü ghenguno aküküpüna eno aghime kitikhi anani: atüghishi Jewmi ghenguno, eno tithiu no Jewkumomi ghenguno anani;

John 16:33

“I no thime hipaqo pesü nongu vilo pive akeu ye nongu pelo I vechewo alokiqi ithulu peniye ke. Hipau yeghi lo nongu ye aveküsa sholu anani. Ikemu amlo mutotoilo! Ni ye ayeghiqha theqhiluvae.”

FILIPIAMI 4:7

Tishiaye Alhou’w aloino keu khikhi timi no ithikuthulu keu nguno alau ani keno, tipau no Khristo Jisü lono nongu mlo eno nongu kükümsü khekuto anani.

Galatiami 5:22

Ikemu Aghungu xathi ye kikimiye, alokiqi, aloino keu, kheakulu, küpüqhiyi keu, akivi, pichebekulu,

Rommi 15:13

Nongu no pa shou pükhübe ake toi, lajupu tsü chekeu Lhou pelo alokiqi eno alokughuno chhitoi nongu shepichhi tsü peniu, tishi keu lono nongu pelo Aghungu Kimthe küká vechewo lajupu qochililu apeniu.

Rommi 14:17

Kughengu Alhou kükaphu ye kuchu-kusho vehu kumoe, ikemu tiye achipiumikucho, aloino keu, eno Aghungu Kimthe vechewo alokivi ke.

Rommi 9:23

Pa no hitoi shikeu ye pa juküvü kiní pesü pa no kimiyeqhiyi chekemiqo lau alau vüqai pephe-piye niye ke. Panongu ye pa juküvü ithulu penike ghenguno pa no azüu no kutò pe qhive kemiqo ke.

Rommi 9:21

Ayeghi lì kümlàu ye ayeghi mqo lakhi lono alì khami no akimchi vehu ghenguno eno khami no inapügha peitha nikeu kimiji ghenguno mülàphelu kepu chipiu küha keshea?

Apostolmi 10:35

eno shiye jeli kümtsü lono pa sümsa chekemi eno kiu no achipi keno tipau shi chekemi ikhilu cheni.

John 12:26

I qe chekemi ye I pape moayesa; eno I no khile ani keno, I qemi ghí tile anani. I qe chekemiqo ye I pù no gihu nani.

Luke 22:14

Kughou ado tove keno Jisü no apostolmiqo sasü aghulhu lipa lo iqae.

Luke 19:42

püzü ishi pi, “Tsalá nongu no hipau tsalà lono kiu no aloino keu nongu lau süghilu nani keno ithi aghí ke aye. Ikemu itehi ye hipau nongu nhethi lono küsüve tsüae.

Luke 12:37

Aqemi khunoqo no ampeu no ighi kelo jukuto ngokhe aghí keu phuluni keno tipaqo kümghae. Kuchou no I no nongu vilo pìní, pa no lojí nikeu phimini pepu no panoqo pelo aghulhu lipa lo iqave püzü pa no ighino panoqo lojí nani.

Luke 9:48

Tisheno panongu vilo pi: “Khukhumu I je lono itimi hitoi keu sasüni keno ni sasü anie, eno khuno no ni ikhiluni keno I puwu akeu ikhilu ani. Kughengu nongu gholo khuu no akitilau keno pa no kümtsü nguno akijeu ke.”

MATTHEW 10:13

Tsalá aki tipau lo akemi no aküzüpushi aghí aye, tile alokiqi qhitsülo; ikemu aküzüpushi aghimo aye nongu lokiqi pelo nongu lau idechile ighive pelo.

1 Peter 5:4

Eno kughou Ambe khemi shou Atou no ipeghini keno, nongu ye khilemu ighüyive chemo keu juküvü kütsükuqho ithulu nani.

John 14:27

Alokiqi I no nongu gholo qhitsü ani; I lokiqi I no nongu tsü ani. Ni ye ayeghiqha no nongu tsüke toi tsü amoe. Nongu mlo kütakihi pe kevilo eno msà kevilo.

1 Tim. 1:17

Lhokta Kükau, thive chemo keu, ithulu chemo keu, pa likhi no Alhou ke, pa lau alhokupuju lono alhokupuju kutólo agigihu eno ajuküvü ache pelo! Amen.

IBRIMI 2:7

Nono kungumiqo nguno kitila aqhou shi panoqo lhosü ke; nono ajuküvü ngò agigihu pesü panongu qhopipe ke