Rommi 15:1 - Sümi Tiqhelimi Bible

¹ Ningu khunoqo no aküpülü lo muto ani keno miqemilei kemi no ikiqive kelo xaqhetsü moayesa ke thono nilikhi nipulou shi akepu kumoe.

BAIBEL (BSI)

¹ Ningu khunoqo akupululo akumto shi ani keno tomochhimo keqono ikiqivekelo puqhetsu kepu, eno nilikhi nighoapulou shikepu kumoe.

Sumi Naga CL (Re-edited) Bible (BSI)

¹ Ningu khunoqo no aküpülü lo mtotoi ani keno, ningu ampi pulou kumono miqemlei akeqo no ikiqive kelo xaqhe masa kepu ani.

Rommi 15:1 Referans Kwoze

1 Thes. 5:14

Athiküzümi eno achelimiqo, ningu no nongu qhüiniju ani, khunoqo no akipichi eno aküpüna shi acheni keno panongu pikichi lo, aghüthisüve kemi shikumtolo, qeinai kemi kuphulo, eno kümtsü lau kheakulu shilo.

Rommi 14:1

Nongu gholo aküpülü miqemilei kemi salu tsülo, eno kütsalalu kepu shi aghí namu panoqo sasü kütsala kevilo.

1 Kor. 9:22

Miqemilei kemi sasü Khristo lau ighi nike ghenguno ni ye miqemilei kemi lau miqemilei shi xü cheni. Ni ye timi khami likhimu xakulupu shilunimola yé tolukivi thaqhü timi kümtsü gholo thowkha kümtsü shi acheni.

1 John 2:14

Kimiye chekemi anuliqo, I no nongu lau yè akeu ye nongu no Apù ithi akeu ghenguno ke. Apùnoqo, I no nongu lau yè akeu ye nongu no abothu lono khuu acheghi keno pa ithi akeu ghenguno ke. Lhothemiqo, I no nongu lau yè akeu ye nongu no akumto shi, eno Alhou tsa no nongu lolo xü acheni, eno nongu no küsaküghau theqhiluve ke ghenguno ke.

2 Tim. 2:1

Tishiaye, I nu, no ye Khristo Jisü vechewo küpükini akeu lono akumto shilo.

Rommi 4:20

Tishiaghi namu, Abraham ye pülükümla vechewo Alhou’w pikiqhi lau no iqeve keu shimo ke, ikemu pa küpülü shikumtoluve no ajekipi pesü Alhou tsüke,

Ephesiami 6:10

Ashekha shi hi ithilo: Ampeu kughushu küká lono akumto shi alo.

2 Kor. 12:10

Tishikehu, Khristo ghenguno tomo-chhimo keqo, jukünatha keqo, ghichhe-ghime shikeqo, pishi-puju keqo eno kushokütsü jeli shikeqo lo ni ye I lokiqi shi acheni. Kughengu kughou I no tomo-chhimoni keno, ni ye mutotoilu cheni.

1 Kor. 4:10

Ningu ye Khristo ghenguno anikhami ke, ikemu nongu ye Khristo lono shishe alokütsümi ke! Ningu ye miqemilei kemi ke, ikemu nongu ye akumtomi ke! Nongu ye qhoqhü-gihu ke, ikemu ningu ye thaigha ke!

Rommi 14:2

Timi khami ye aküpülü vechewo kiu-kiumu chulu nani ipi cheni, ikemu kütami khuu aküpülü miqemilei keno, pa ye ayetsüniqo likhi chu aghiluvi.

FILIPIAMI 2:4

O likhi O pulou shini keu jukuto kevilo ikemu nongu lakhi-khi no kütami pulou shi kilé nikeu jukuto lo.