Rommi 14:3 - Sümi Tiqhelimi Bible

³ Ikemu timi khuu no achuqupu kümtsü chu cheni keno pa ye achuqupu le chekemi thaigha kepu kumo, eno khuu no achuqupu le cheni keno pa ye kümtsü chu chekemi shou küghathabe kepu kumo, kughengu Alhou ye panongu ikhiluve ake.

BAIBEL (BSI)

³ Khuno thwokha chulu chenikeno paye thwokha chumokemi jukunatha kepu kumoe momu ayetsuni likhi chuchekeu huye thwokha chuchekeu shou kughathabe kepu kumoe; kughengu Alhou no pa ikhiluvae.

Sumi Naga CL (Re-edited) Bible (BSI)

³ Khuu no chucheni keno pa ye chuchemo keu jukünatha moni, eno khuu no chuchemo keno pa ye chuche keu jukünatha moni, kughengu Alhou no pa ikhiluve ake.

Rommi 14:3 Referans Kwoze

Rommi 14:10

Tishiaye nongu ye kushiye nongu thiküzümi momu nongu chelimi shou küghathabe cheni kea? Nongu ye kushiye panongu thaigha ghi peitha cheni kea? Kughengu ningu kümtsü Alhou’w küghakütha lakhü zülo puthugho nani ke.

Luke 18:9

Timi khunoqo no pano ye amikuchomi kepi pano kümsüpivi no kütamiqo thaigha cheni keno tipaqo lau Jisü no aholetsa hipau pi:

Rommi 14:13

Tighenguno ningu lakhi no lakhi shou küghathabe chekeu taveni nolo. Tishini ke züqhulo athiküzümi momu achelimi pelo axiné lo ikiqive pemo nikeu momu shokukho kepu kiumu qhitsümo nikeu küxü xü nikeu xakütha shilulo.

Apostolmi 10:34

Tile Peter no ishi pithu: “I no itehi no vethalu akeu ye Alhou ye timi kümtsü aphiphi shi peitha acheni ipikeu ye kiutoi kuchou

Rommi 14:21

O thiküzümi momu O chelimi pelo püsükukhove pemo kepu shi ashi chumo momu aji yemo momu kütau kiu-kiumu shimo keu pavie.

Rommi 14:15

Tsalá nono kiuala chu keu ghenguno O thiküzümi momu O chelimi pukhu küpüsüpu shive aye, no ye kikimiye lono xü anike kumovae. O chuqu pelo timi khuu ghenguno Khristo thive keno tipau shipüsave pe kevilo!

MATTHEW 18:10

“Nongu ye mthamini hipaqo kititi gholo lakhimu jukünatha kepu kumoe, kughengu I no nongu vilo pi anike, kungugha lo panonguw kungumiqo ye pülhapuju I pù gi ithulu achenie.

Apostolmi 10:44

Peter no atsa hipaqo piaphi lono akükütsü sütsa inilu kemi kümtsü shou Aghungu Kimthe ikughive.

MATTHEW 9:14

Tipathiu John khopemiqo no ighino Jisü vilo ishi iniju, “Kíshi püzü Phariseemi ngò ninguqo ye müamzü kümvü acheni, ikemu O khopemiqo ye kümvü chemo kea?”

Apostolmi 28:2

Züdoyeghi lo xüküami no thosülo küpüqhiyi shichemo keu ningu lau pephe-piye ke. Ike tiye atsala tsüghua eno muko akehu panongu no ami shiqhe no akivishi ningu kümtsü sasü tsüe.

Rommi 11:15

Kughengu panongu milive keu no ayeghiqha lo külakishi süghilu aye, panongu ikhiluve keu ye akithí lono aküxü shiluve nani keshea?

Rommi 14:1

Nongu gholo aküpülü miqemilei kemi salu tsülo, eno kütsalalu kepu shi aghí namu panoqo sasü kütsala kevilo.

Rommi 15:7

Tishiaye Alhou juküvüpu shipe nike ghenguno Khristo no nongu ikhilu ketoi nongu ghí lakhi no lakhi ikhilulo.