Rommi 14:13 - Sümi Tiqhelimi Bible

¹³ Tighenguno ningu lakhi no lakhi shou küghathabe chekeu taveni nolo. Tishini ke züqhulo athiküzümi momu achelimi pelo axiné lo ikiqive pemo nikeu momu shokukho kepu kiumu qhitsümo nikeu küxü xü nikeu xakütha shilulo.

BAIBEL (BSI)

¹³ Ikehu ningu lakhino lakhi shou kughathabekeu hu qhiveni nolo. Tipa zuqhulo, othikuzuu pelo shokukho kepu kiumu qhitsumoni momu axinelo ikiqipemoni.

Sumi Naga CL (Re-edited) Bible (BSI)

¹³ Tighenguno, itehi ye ningu lakhino lakhi shou küghathabe moveni nolo, eno athiküzümi la lo küpxalu momu kütüsülu kepu kiumu qhitsümoni.

Rommi 14:13 Referans Kwoze

2 Kor. 6:3

Ninguw pichebekümlà pipüsa pemo niye ningu ye timi khuu ghengu nomu apukhu küpüsüpu shimoe.

James 4:11

Athiküzümi eno achelimiqo, nongu lakhi no lakhi pipüsa kevilo. Timi khuno no athiküzümi momu achelimi lachile keu tsa pi cheni momu panongu shou küghathabe cheni keno tiye ayeza lachile ghi piani eno küghatha anike. Kughou nono ayeza shou küghathabeni keno, no ye ayeza pape anike kumoe, ikemu tipau küghakütha shou iqa anike.

Luke 12:57

“Nongu ye kushiye kiu no achipi keno nongu likhi nongu no xatha luvemo kea?

MATTHEW 7:1

“Kütami shou küghathabe kevilo, tishianguno O shou küghathabemo nani.

Rommi 16:17

Athiküzümi eno achelimiqo, timi khunoqo no kijetha keu süghi cheni eno nongu pelo axiné lo ilove peniye shi cheni keno tipaqo jukuto penike I no nongu qhüiniju ani. Panongu ye nongu no akükütsü ithiluve keu lono bidelau kütsü cheni ke. Panoqo lau no putosü alo.

Rommi 14:10

Tishiaye nongu ye kushiye nongu thiküzümi momu nongu chelimi shou küghathabe cheni kea? Nongu ye kushiye panongu thaigha ghi peitha cheni kea? Kughengu ningu kümtsü Alhou’w küghakütha lakhü zülo puthugho nani ke.

Luke 17:2

Timi khukhumu hi kitilaqo gholo milakhi pelomu axiné lo ilove pe aye panongu kuwo homüxa athì kütsüghǜ tuqu tsüghave no ayizü lo vesüve keu pavie.

Piyeküsü 2:14

Tishiaghimu, ni ye thime hami O vilo pi kepu ani: Nongu dolo khami ye Balaam kükütsü pape chekemi ani. Balaam ye Israelmiqo zü sasü axiné shive peniye Balak shika ke, eno tishi keu vechewo Israelmiqo ye ajulho lhou müláve keu chuqu chuve eno kipito xüküpsa kümlà shike.

James 2:4

nongu ye nongu likhi nongu dolo kotha-letha anike kumo keshea eno küsakügha kükümsü xapusü küghaküthau shive anike kumo keshea?

1 Kor. 11:13

Nongu likhi nongu no xathaluve lo: Totimi lakhi no aqo-aho hoho lo li kütsü küzüpumo no Alhou vilo inikhu keu ye achipi keshea?

1 Kor. 10:32

Jewmi na, Greekmi na Alhou kukuhomi shi aghí namu shokukholu pemo kepu shi xülo.

Rommi 14:4

No ye khuu keno kütami qemi shou küghathabeni kea? Aqemiqo ye amikucho keo amikucho kumo keno panongu mpeu likhi no xatha nani ke. Eno panongu ye amikucho shi nani, kughengu Ampeu no panoqo pelo amikuchou shilu pe nani.

MATTHEW 18:7

Ayeghiqha ghengu ahaküsapue! Kughengu ayeghiqha’w thimeqo no timiqo pelo axiné lo ilove pe cheni ke. Hitoi keu ye ighi anani ke, ikemu timi khuu vechewo tipaqo ighini keno ahaküsapue.

MATTHEW 16:23

Jisü no tsüghǜ ighino Peter vilo pi, “I lau no chevelo, Satan! No ye I ghenguno aküpüxapu shi anie; O kükümsü lo Alhou lau no ighi keu kükümsüqo kumo püzü timi lau no ighi keu kükümsüqo likhi anie.”

1 John 2:10

Khukhumu panongu thiküzümi eno achelimi kimiye aye aküvü lo xü anie, eno tiye pano lolo panongu pelo küpüxalu pe kepu kiumu kühae.

1 Tim. 5:14

Tighenguno ni ye chimemi alhothe shi akeqo pelo külakupu shive no anuli auve, panongu kibo tucho auve no aghümi pelo panongu pipütha nikeu lo adokivi lupemo nike panongu shikumto ani.

FILIPIAMI 1:10

tishianguno nongu pelo kiu no akiviu keno jupililu pe eno Khristo tsalà ghenguno akimthe eno tukutiye küha püzü,

2 Kor. 5:14

Kughengu Khristo kikimiye no ningu tshüpe anie. Timi lakhi no kümtsü ghenguno thive ke, ikehu timi kümtsü aqau küxü lo ye thivae ipi ningu no pülü cheni.

Rommi 11:9

Titoi David ghí ishi pi: “Panongu ghulhu lipa pelo alichhe ngò aküsǘ lakhi shive peniu, tino panongu ghenguno lakükha eno aghimekütsü shive peniu.

Rommi 14:3

Ikemu timi khuu no achuqupu kümtsü chu cheni keno pa ye achuqupu le chekemi thaigha kepu kumo, eno khuu no achuqupu le cheni keno pa ye kümtsü chu chekemi shou küghathabe kepu kumo, kughengu Alhou ye panongu ikhiluve ake.