Rommi 12:6 - Sümi Tiqhelimi Bible

⁶ Alhou no ningu kümtsü lau küpükini tsüpüa keu kiqi lono ningu kümtsü aghò kütüta anie. Tsalá aghò O tsüpüa keu no tungkupu tsa pi kepu shi aghí aye, O küpülü aghí keu qhemi lono tungkupu tsa pi moayesa;

BAIBEL (BSI)

⁶ Alhou no kupukini ningu tsukeu kiqi lono agho kututashi tsupuakeu ninguno peithani. Alhou launo tungkupu tsa pinikeu tsupuaghi aye ningu kupulu aghikeu qhemi tishi masa;

Sumi Naga CL (Re-edited) Bible (BSI)

⁶ Alhouw küpükini ningu tsükeu vecheo agho jeli kütüta ningu no ithuluve akehu tipaqo peithani nolo: tsala tungkuptsa shi aghi aye, ningu küpülü gholo kimshilu ghi pi masa;

Rommi 12:6 Referans Kwoze

1 Kor. 7:7

Ni ye nongu kümtsü pelo I toi aghipe nishi anie. Tishimu nongu pütüta shélo Alhou lau no ithulu keu ghò anie; milakhi ye aghò hipau eno kütami lakhiu ye aghò kütau ishi akhanie.

Rommi 12:3

Küpükini I tsüpüa keu vechewo I no nongu kümtsü vilo hi piani: Nongu ye nongu likhi nongu pesü ighono qhemghai kümsü kepu kumoe, ikemu nongu ye Alhou no aküpülü nongu kümtsü tsüpüa keu vechewo aghibiu xakütha lono nongu likhi nongu ghili kümsüju moayesa.

Rommi 1:11

Ni ye nongu ithulu nishi ani, tishianguno nongu pelo akumto shilu pe nikeu ghungu ghò hami nongu tsü niye ke—

1 Kor. 13:2

Ni ye tungkuptsa pikulupu ghò aghiluvi eno akümzapu tuqhou jeli ngò akighithi kümtsü ithikutolu aghiluvi, eno ni ye naghuto tukiqeve kulupu küpülü aghiluvi, ikemu kikimiye küha aye ni ye kiumu kumoe.

Ephesiami 4:11

Ike Khristo no aghò pesü apostolmi, tungkupumi, tsavipemi, akhemi eno shikükamiqo tsüke,

1 Kor. 14:1

Kikimiye no nongu kimiji shilo eno Aghungu no aghò tsü keu lo akhoto no tungkuptsa pikeu lo nongu mlo tsüqhiyilo.

2 Kor. 8:12

Kughengu timi lakhi no puloniqhiyi tsünishi aye Alhou ye timi tipau no küha keu kumo püzü pa no kiu aghí no tsüní keno tipau ikhilu tsü nani.

1 Thes. 5:20

Tungkuptsaqo thaigha kevilo

1 Kor. 14:29

Tungkuptsa kipími ghí timi kini momu küthü no pi moayesa eno kütamiqo no kiu piani keno tsaqütsalei huju moayesa ke.

Apostolmi 15:32

Judas ngò Silas pama ye tungkupumi ghí kehu, shikumto tsa kutomo pesü küpülümiqo hakitetsü.

Apostolmi 2:17

“ ‘Alhou no pi, ashekha tsalaqo lo I no I Ghungu pesü timi kümtsü shou lepuku nani. Nongu nu eno angáqo no tungkupu tsa pi nani, nonguw lhothemiqo no kungunhetsü ithulu nani, nonguw muchomiqo no asamo jeli pumó nani.

FILIPIAMI 3:15

Tishiaye, ningu khunoqo no aküpülü küxü lo tekhoiva keno kümtsü hitoi kümsü moayesa ke. Eno atüqhüdo hami lo nongu kümsü kütüqüve aghí aye tipau ghí Alhou no nongu pelo mütsümishei vethalu pe nani.

Ephesiami 3:5

tiye tiqheli kütau lo ye timiqo pelo ithi pemo ke ikemu itehi ye Aghungu vechewo Alhou’w akimthe apostol ngò tungkupumiqo lau pephe-piyevae.

Apostolmi 13:1

Antioch kukuhou lo tungkupumi ngò kütsü chekemiqo ae. Tiye Barnabas, Simeon tsübui kemi ipi ku chekeu, Cyrene lono ighi keu Lucius, Manaen (khuu angh Herod gholo kümtsa saputhu keno) eno Saul ke.

Luke 11:49

Hi ghenguno Alhou no pa lokütsü lono pivae. ‘I no panongu lau tungkupumi ngò apostolmiqo puwu nani eno khami pìthíve eno khami pishi-puju nani.’

MATTHEW 23:34

Tighenguno I no nongu lau tungkupumi, alokütsümi eno shikükamiqo puwu nani. Panongu khami nongu no pìthíve nani eno kros lo yedave nani; kütami khami nongu no synagogqo lono heqhi nani eno mishiphu lakhi lono lakhiu kutólo hakuqoqhi nani.

1 Kor. 14:24

Ikemu kughou pülümo kemi momu kuchou phu chekemiqo no nongu kümtsü no tungkuptsa pi ake lono iloghini keno, panongu no xiné shikeu ghenguno akipimí tsü nani eno Alhou no küghathabe nani ipi vethalu nani,

Apostolmi 21:9

Pa ye angá bidí külaumo no ache eno panongu ye tungkupu tsa piche.

1 Kor. 3:5

Tishiaye Apollos ye kiu shi chekemi kea? Eno Paul ye kiu shi chekemi kea? Panongu ye aqemiqo ke, eno Ampeu no pama lakhi-khi lau akümlà tsüpüa keu kiqi lono panongu vechewo nongu ye pülülu ke.

1 Kor. 12:18

Ikemu kuchou lo ye Alhou no pa pulou lono aphi-au kuchopu pesü pa gholau no aphimpi lo kithipe püatsü ake.

2 Peter 1:20

Kümtsü nguno alau, Kuchoyesü lo tungkuptsa lakhimu tungkupumi no lhepiye nishi keu gholau no ighi pe püamo kepi nongu ye vethalu moayesae.

MATTHEW 25:22

“Aqeu khuu ameshoyi jolabo kini akeno pa ghí ighi. Pa no pi, ‘Ampeu, nono ameshoyi jolabo kini I pichetsüke; julo ni ye kini alá shilue.’