Rommi 12:3 - Sümi Tiqhelimi Bible

³ Küpükini I tsüpüa keu vechewo I no nongu kümtsü vilo hi piani: Nongu ye nongu likhi nongu pesü ighono qhemghai kümsü kepu kumoe, ikemu nongu ye Alhou no aküpülü nongu kümtsü tsüpüa keu vechewo aghibiu xakütha lono nongu likhi nongu ghili kümsüju moayesa.

BAIBEL (BSI)

³ Kughengu Alhou wu kupukini itsukeu vechewo ino nongu kumtsu vilo hi pi ani: Nongu khumu alikhi akughapesu qhemghai kumsukepu kumoe, ikemu pututano aghibiu lono kumsukepu, Alhou no akupulu lakhikhi tsupuakeu qhemi lono pututa likhi pututa shou xathabeluve kepue.

Sumi Naga CL (Re-edited) Bible (BSI)

³ Kughengu Alhouw küpükini I tsükeu vecheo I no nongu lakhikhi vilo pi anike khumu aqü kiyeve ghi ampi pesü qhemghai kümsü kepu kumoe, ikemu tsükhüi shino Alhou no pütüta küpülü qhemi lono akümlapu piche keu vethalu kepue.

Rommi 12:3 Referans Kwoze

Galatiami 6:3

Khuala no panongu ye kiumu kumomu panongu ye kiuala küghashi kümsü aghí aye, panongu ye panongu likhi panongu pishiqhi anie.

1 Peter 5:5

Tipau tho lono, nongu khunoqo no alhothe shi ani keno, nonguw kichimiqo lau aghokulu shilo. Nongu kümtsü lakhi no lakhi lau aqhokigheu shilo, kughengu, “Alhou ye aqheküzami lachile cheni ikemu aqhokighemi kümgha tsü cheni.”

Rommi 12:16

Lakhi no lakhi sasü kuloniküghüvüi shi xülo. Aqheküza shi kevilo, ikemu chuninei xüche kemiqo sasü kuloji nikeu lo puloniqhiyi shilo. Khilemu nono thowkha ithi akeu shi kevilo.

1 Peter 5:8

Kutokughoi lo eno tsükhüi shi alo. Nongu ghümi tüghami ye abongushuu lakhi toi khukhumu tsüqhichuve niye mqüijoi shi no igha iqho-iqi ju acheni ke.

1 Peter 4:7

Thime kümtsü ashehove nikeu ye kupunúvae. Tighenguno kutokughoi lo eno tsükhütsüvai keu kükümsü xapu ngo lo tishianguno nongu ye akighini shilu peniye ke.

James 4:6

Ikemu pa no küpükini alau ningu tsü cheni. Tighenguno Kuchoyesü lo ishi pipüani: “Alhou no aqheküzami lachile cheni ikemu aqhokighemi kimiye tsü cheni.”

1 Peter 4:11

Tsalá khuala no kütsü cheghi aye, panongu ye Alhou tsa piche kemi toi shi moayesae. Tsalá khuala no hukuthu kümlà shi cheghi aye, panongu ye Alhou no akumto panongu tsü keu pesü huthu moayesae, tishi keu vechewo thime kümtsü lo Jisü Khristo vechewo Alhou sheqhe peniye ke. Alhokupuju lono alhokupuju kutólo ajuküvü eno aküka ye paw ke. Amen.

1 Kor. 7:17

Tishiepimu, timi kümtsü no Ampeu no panongu pichetsüpüa keu toi kiu-kiu toi keu tüqhüdo lo aghíe pimu Alhou no panongu kulù keu kiqi lono küpülümi lakhi shi xü moayesa ke. Ayeza hipau ye I no akukuho kümtsü lo qhitsü anike.

Titus 2:12

Hipau no ningu pelo akimthe kumo eno ayeghi lo mine chekeu jeliqo vilo “Moe” ipi nikeu shikalu cheni, eno alikhi aghasükulu küxü xü nikeu, amikucho eno hipau tiqheli lo akimthe küxü xü nikeu shika chenie.

Titus 2:2

Layemiqo vilo aghibiu shini keu, timi no gihu küzüpu, alikhi aghasülu nikeu, aküpülü lo mütsümishei nikeu, kikimiye eno kutuukulu shini keu hipaqo shikalo.

2 Kor. 12:7

Piyeküsü hipaqo akümza kepu shi I pìye keu pesü I no qhezauve nosa kehu I ghimeqhi penike ghenguno I phi-ashi lo aküsüpu lakhi süpüa tsü ani, tiye Satan ghinimi lakhi ke.

Rommi 11:20

Tiye kuchou ke. Ikemu panongu ye pülü müla keu ghenguno icheiqive ke, eno nongu ye aküpülü vechewo puthugho anie. Akuchhoma shi kevilo, ikemu msà khokhoshi alo.

Rommi 1:5

Khristo züqhu shi aküpülü vechewo Jewkumomiqo kümtsü ku sasü aghokulu shilu penike ghenguno ningu ye Khristo vechewo küpükini ithulu eno apostolmi shilu pe ke.

1 Peter 1:13

Tighenguno kutokughoi eno tsükhütsüvai keu kükümsü xapusü nonguw lajupu kuchopu pe Jisü Khristo pephe-piye ghi ighi kelo küpükini süghi niye akeu shou belo.

Titus 2:4

Tishianguno panongu ye panongu nguno ayitiuqo vilo panongu kimi eno panongu nuliqo kimiye lo ipi hakitelu nani,

1 Kor. 15:10

Ikemu Alhou’w küpükini vechewo I pelo apostolmi lakhi shilu pe ke, eno I lau paw küpükini tsü keu hu ye adou shivemoe. Moe, ni ye panongu kümtsü nguno alau aghime shi mülà acheke—tishiaghimu tiye I no kumoe, ikemu Alhou’w küpükini I gholo achekeu hu no ke.

John 3:34

Kughengu Alhou no khuu puwu keno pa ye Alhou tsa pi cheni, kughengu Alhou ye kihikütha küha no Aghungu tsü cheni.

Ephesiami 4:16

Pa lau no aphimpi kuchopu kimepe eno tsüghaküqha pesü ani eno anhü tshüpüa keu hu no aphimpi kuchopu kimelu anipe ke. Kughou aphi-au lakhi-khi lo kiu shikepu keno shi aghí aye kimiye keu vechewo aphimpi kuchopu thuwulu cheni eno xaqhepukulu cheni.

Luke 18:11

Phariseemi hu ye pakütashi puthugho no ishi inikhu: ‘Alhou, I no O shikimthi akeu ye kütami toi I pelo süxakulumi, küsaküghami, shupumi momu zame küqhami hipau toi pemo ke.

Titus 2:6

Tihutoi, kipitimi lhothemiqo vilo alikhi aghasülu nikeu shikumtolo.

1 Tim. 2:15

Ikemu totimiqo no aküpülü, kikimiye eno akimthe gholo achipi küxü xü aye panongu ye angá punú keu vechewo xalu nani.

1 Tim. 2:9

Ni ye totimiqo pelo no ghí tiphimini kithikiyi, jukivi eno achipi shi pepu penishi. Panongu pelo ajeli shi asà pilipu, ameshoyi momu achiku momu amekusho tiphimini pepu keu vechewo no kumo,

1 Tim. 1:14

Khristo Jisü gholo aküpülü eno kikimiye akeu gholo no ningu Mpeu’w küpükini I lau kupukuno shi lepuku tsüke.

Ephesiami 3:4

Tishiaye, hipau philu keu lo nongu ye Khristo’w tuqhou hu iw juchhokulu lo vethakulupu shi nanie,

2 Kor. 12:13

I kuphu peniye khilemu nongu shipünamove keu ghenguno kumo aye niye kiu lono akukuhou kütauqo nguno alhoküsau shi nongu peitha püani keshea? Akipimí hipau ghenguno I kipimí qhitsülo.

1 Kor. 3:10

Alhou no küpükini I tsüpüa keu vechewo ni ye aki kishimi alokütsümi lakhi toi aboqha qhapüa tsü ani, ikelo ye kütami khami no tipau shou aki shipuku anie. Ikemu khukhumu aboqha hipau shou shipukuni aye, kutokughoi moayesa nani.

Rommi 11:25

Athiküzümi eno achelimiqo, ni ye nongu pelo Alhou’w tuqhou hipau ghili ithi penishi anie, tishianguno nongu pelo nongu likhi nongu pülüpivi apemo niye ke: tiye hike, Israelmi shou amlo hekike keu ikughi akeu ye Jewkumomiqo khije Alhou lau ighi kepu shi ani keno tipaqo ighikupu mphi kutólo likhi ke,

3 John 1:9

Ni ye akukuhou lau yè puwu ke, ikemu Diotrephes, khuu atüghiu shinishi acheni keno, pa no ningu sasümoe.

Kolosiami 2:13

Kughou nongu no nongu xiné lo thive no ache eno aphighüyiko ghamo no ache keno, Alhou no Khristo vechewo nongu püxü tsüe. Pa no ningu xiné kümtsü pevetsü ke.

Kolosiami 1:29

Hi ghenguno ni ye Khristo küká I lolo mülà akeu shou pükhübe no shishe ichhe-ime mülà acheni.

Ephesiami 3:2

Nongu ghenguno Alhou’w küpükini bemakho khikhi I tsü keno, nongu ye tipau chiluvea pütsá ke,

2 Kor. 10:13

Tishiaghimu, ningu ye tsaqüi kihikütha shipüa keu veche ghi aqheküza shimo nani, ikemu ningu qheküzapu ye Alhou ampi no ningu lau pichebetsü keu kümlà bocho lo anani, eno tipau bocho lo nongu ghí süküqha anike.

FILIPIAMI 2:13

kughengu Alhou no pa kimiji kivi shikupulu penike eno pulolu penike ghenguno nongu lolo mülà acheni.