Rommi 12:17 - Sümi Tiqhelimi Bible

¹⁷ Timi khuu laumu küsakügha pesü küsakügha lochile kevilo. Timi kümtsü nhekithe lo achipiu shini keu pükapütsalo.

BAIBEL (BSI)

¹⁷ Khualano oshou alhoksa mla aye, alhoksa pesu pa tsuchilekevilo. Timi kumtsuno kiu pesu akivi kepi cheni keno tipau shinikeu pukaputsalo.

Sumi Naga CL (Re-edited) Bible (BSI)

¹⁷ Alhoksa shike ghenguno alhoksa pesü tsüchile kevilo, ikemu kiu no aqha zülo agigihupu keno tishini keu kümsü lo.

Rommi 12:17 Referans Kwoze

1 Thes. 5:15

Khumu alhoküsa pesü alhoküsa lochile pemo nike jukuto lo, eno alhokuthu lo kiu no kütami eno kümtsü kivipu keno tipau shini keu pükapütsalo.

MATTHEW 5:39

Ikemu I no nongu vilo pìní, küsaküghami mjochile kevilo. Tsalá khuala no O gimuchu ajeu ghatsü aye, O gimuchu tüxau ghí pa lau kughopuwo tsülo.

1 Peter 3:9

Küsakügha pesü küsakügha lochile kevilo momu thogha keu pesü thogha keu lochile kevilo. Tishini ke züqhulo, kükümgha pesü küsakügha lochile lo, kughengu nongu ye hipau ghenguno kulùvea ke eno tishi keu vechewo nongu pelo kükümgha ighílu peniye ke.

Rommi 12:19

I no kimiye chekemi aküsàmiqo, amkhü lukevilo, ikemu Alhou loghukighide shou picheve tsülo, kughengu Kuchoyesü lo ishi yèpüani: “Amkhü ye I no lunani; I no lochile nani,” ipi Ampeu no pie.

1 Peter 3:16

eno alolo kighithi mütsümishei shi pesü alo, tishi keu vechewo khunoqo no tixe kükümsü xapu no nongu no Khristo vechewo aghiliaye kivi akeu pipüsani keno panongu pelo panongu no pipüsa keu lo kujove peniye ke.

1 Thes. 5:22

küsakügha jeli kümtsü milive lo.

1 Peter 2:12

Jewkumomiqo gholo akivishi xülo. Panongu no nongu ye achipikumo kümlà shi ani kepi nguku aghí namu Alhou no ningu xuju ighi keu tsalà lo panongu pelo nongu kümlà kivi ithulu no ajuküvü pesü Alhou tsü pelo.

Kolosiami 4:5

Alhou pülümo kemi gizülo nongu ye alokütsü shi no xü pìyelo; eno adokivi ithukulu kümtsü akivishi peitha lo.

Rommi 14:16

Tishiaye timi pelo nono akivi ipi kümsü chekeu ye küsakügha kepi pipüsa pe kevilo.

1 Tim. 5:14

Tighenguno ni ye chimemi alhothe shi akeqo pelo külakupu shive no anuli auve, panongu kibo tucho auve no aghümi pelo panongu pipütha nikeu lo adokivi lupemo nike panongu shikumto ani.

1 Thes. 4:12

tishi keu lono nongu küxü lhoaye vechewo Alhou pülü chemo kemiqo pelo nongu gihu peniye ke eno nongu pelo khuu shoumu pükhü pemo niye ke.

MATTHEW 5:24

Ow aghò ye akümlá-khache zülo qhipüaghi lo. Atüghishi wu no panongu sasü külashiluve paghilo; tisheno ighi püzü O ghò pe mülá lo.