Rommi 12:16 - Sümi Tiqhelimi Bible

¹⁶ Lakhi no lakhi sasü kuloniküghüvüi shi xülo. Aqheküza shi kevilo, ikemu chuninei xüche kemiqo sasü kuloji nikeu lo puloniqhiyi shilo. Khilemu nono thowkha ithi akeu shi kevilo.

BAIBEL (BSI)

¹⁶ Kumtsu sasu kuloni kughuvuyi xulo, qheza-laki kevilo, ikemu aqhokighepu kumlapu saje ikhilulo; eno khilemu olikhi noye alokutsumi kepi kumsu kevilo.

Sumi Naga CL (Re-edited) Bible (BSI)

¹⁶ Lakhino lakhi sasü kuloni küghüvüi xülo. Tsütsüngoju kevilo, ikemu timi no kihimo kemi sasü kuloji lo. Khilemu o likhi nou no alokütsüu shiuve kevilo.

Rommi 12:16 Referans Kwoze

1 Peter 3:8

Ashekha shi, nongu kümtsü akükümsü lakhi shilo, lokughuno kilé lo, lakhi no lakhi kimiyekilé lo, kimiyeqhiyi lo eno akuchunu shilo.

IBRIMI 13:5

Pisa kimine lono O küxü putosü lo eno nono kiu ani keno tipau lo aghakiqi shilo, kughengu Alhou no ishi pivae, “Ni ye khilemu O qhivemo nani, ni ye khilemu O phevemo nani.”

Rommi 15:5

Nongu pelo amlo lakhi eno asütsa lakhi lono Alhou eno ningu Mpeu Jisü Khristo Papù juküvü shilu penike ghenguno kutuukulu eno shikumto tsü chekeu Lhou pelo Khristo Jisü toi nongu dolo akükümsü lakhi lono xülu penike kuphutsü peniu.

Rommi 12:3

Küpükini I tsüpüa keu vechewo I no nongu kümtsü vilo hi piani: Nongu ye nongu likhi nongu pesü ighono qhemghai kümsü kepu kumoe, ikemu nongu ye Alhou no aküpülü nongu kümtsü tsüpüa keu vechewo aghibiu xakütha lono nongu likhi nongu ghili kümsüju moayesa.

1 Kor. 3:18

O likhi O pishiqhi kevilo. Nongu khiuala no hipau tiqheli küxü ghola kiqi lono alokütsümi kepi kümsü aye, no ye alokütsü shilu nike ghenguno “nikhanigha” shive moayesae.

2 Kor. 13:11

Ashekha shi, athiküzümi eno achelimiqo, alovishelo! Thowkha kümtsü achipi shini ke pükapütsalo, lakhi no lakhi shikumtolo, akükümsü lakhi shilo, külakishi lono xülo. Tishiaye Alhou’w kikimiye ngò aloino keu no nongu gholo anani.

Rommi 11:25

Athiküzümi eno achelimiqo, ni ye nongu pelo Alhou’w tuqhou hipau ghili ithi penishi anie, tishianguno nongu pelo nongu likhi nongu pülüpivi apemo niye ke: tiye hike, Israelmi shou amlo hekike keu ikughi akeu ye Jewkumomiqo khije Alhou lau ighi kepu shi ani keno tipaqo ighikupu mphi kutólo likhi ke,

Luke 14:13

Ikemu kughou nono aghulhu kijè tsüní keno kumlhomi, apukhu kighichemi, apukhu kinitave kemi, eno anhethi kighichemiqo kusü lo,

1 Kor. 8:2

Khunoqo no panongu ye kiuala ithi ani kepi kümsü cheni keno panongu ye panongu no ithi moayesa kepu shi akeu ithimo no aphie.

1 Kor. 6:5

Nongu shikukujo nike ghenguno I no hi piani. Nongu gholo khumu küpülümiqo dolo kütsala akeu xathavelu kepu lokütsü küha keshea?

FILIPIAMI 4:2

Ampeu lono akükümsü lakhi shilu penike I no Euodia vilo qhüiniju ani eno titoi Syntyche vilo ghí qhüiniju ani.

1 Kor. 4:10

Ningu ye Khristo ghenguno anikhami ke, ikemu nongu ye Khristo lono shishe alokütsümi ke! Ningu ye miqemilei kemi ke, ikemu nongu ye akumtomi ke! Nongu ye qhoqhü-gihu ke, ikemu ningu ye thaigha ke!

Luke 6:20

Jisü no pa khopemiqo ju no pi: “Nongu khunoqo no athokhami keno akümghae; kughengu Alhou kükaphu ye nonguw ke!

MATTHEW 26:11

Athokhami ye alhokuthu nongu gholo ache nani, ikemu ni ye alhokuthu nongu gholo aní keu kumoe.

MATTHEW 11:5

Anhethi kighichemi no ithulu ani, apukhu kinitave kemi no alachelu ani, apügha kupumiqo shikimtheve ani, akìní kughupomi no chilu ani, kithimi xüputhuve ani, eno tsakiviu pesü athokhami lau asheshu anie.

1 Peter 5:3

Nongu pelo tucho-heju peniye pichebetsü kemiqo shou ampeu shi kevilo, ikemu Alhou’w ambe lojiqo zülo xüpiye kemi shilo.

FILIPIAMI 3:16

Tishiaghi namu ningu ye ningu no kiu ithuluva keno tipau qhemi xüni nolo.

FILIPIAMI 1:27

Kiu-kiu shive namu, nongu likhi nongu pesü Khristo tsakiviu lo kiu aküzüpu keno tipau shilo. Tishianguno I no ighino nongu sasü kusholu na, I küküha lo nongu no kíshi ani keno tipau ghili likhi chilu namu, nongu no amlo lakhi shi no puthugho akeu, eno atsakiviu küpülü ghenguno akükümsü lakhi shi no pükapütsa akeu I pelo chilu pelo.

1 Kor. 1:10

Athiküzümi eno achelimiqo, I no ningu Mpeu Jisü Khristo je lono nongu kümtsü pelo nongu no pikeu lo lakhi no lakhi gholo puloküqha tsü eno nongu dolo kijethave keu shimo no amlo eno akükümsü lo kupukülai shi küqhalu penike qhüiniju ani.

Apostolmi 4:32

Küpülümiqo kümtsü amlo eno akükümsü lakhi shie. Khunomu pa no kiu pighi aghí keno tiye paw kepi pükhamoe, ikemu panongu no kiu aghí keno kümtsü pesü aqǘ shi küsaje cheke.

3 John 1:9

Ni ye akukuhou lau yè puwu ke, ikemu Diotrephes, khuu atüghiu shinishi acheni keno, pa no ningu sasümoe.

Rommi 6:2

Khilemu tishimoe! Ningu ye axiné lo thive kemiqo ke; ningu ye kíshi no axiné lo xü aní kea?

Rommi 11:20

Tiye kuchou ke. Ikemu panongu ye pülü müla keu ghenguno icheiqive ke, eno nongu ye aküpülü vechewo puthugho anie. Akuchhoma shi kevilo, ikemu msà khokhoshi alo.